كيف اتقدم للعمل كمدرسة

[أم عبد الرحمان]

السلام عليكم ورحمة الله

انا متخرجة من كلية تربية قسم لغة عربية ودراسات اسلامية منذ خمس سنوات ولم اكن افكر فى العمل

وانا الان لا اعرف ماذا افعل واين اتجه لاجد وظيفة بمدرسة ما

وهل هناك موعد معين لتقديم طلب للعمل كمدرس سواء بلازهر او التربيه والتعليم

وكيف يتم تعيين المحفظين بلازهر

[محمد حلمي الدالي]

نصيحة لوجه الله اصرفي نظر عن العمل كمدرسة انا مدرس من 18 سنة اقسم بالله لو عاد بي الزمن للوراء ما كنت دخلت تربية ولا عملت كمدرس وكنت اشتغلت في السكة الحديد وكان سيكون اكرم واحسن .

[مسطره]

السلام عليكم اولا احب اعرف ايه السبب يا manzkirt لكلامك ده سوي الي اعرفه الي مش عاجبه حاجه يسبها ايه الي غصبك ومخليك مستحمل 18 سنة ولسه؟ بصي ياأم عبد الرحمن لو أنتي عايزه حكومة أسالي دائما في الادارة التابعة لكي أو في المديرية وهما هيقولولك أما لو عايزه مدرسة خاصة هاتروحي وتملي بيناتك ولو عايزينك هيتصلوا بيكي ويقلولك علي معاد المقابلة وربنا معاكي وابقي طمنيني

[أم عبد الرحمان]

جزاكم الله خيرا على ردودكم
طبعا قد التمس العذر للاخ manzkirt نتيجة لسوء التعليم بجميع اركانه ولكن دعوة للتفاؤل والاخلاص فى العمل وابتغاء وجه الله

وبإذن الله اعمل بمشورة الاخ مسطرة وبارك الله فيك

[محمد حلمي الدالي]

المشاركة الأصلية كتبت بواسطة مسطره

السلام عليكم اولا احب اعرف ايه السبب يا manzkirt لكلامك ده سوي الي اعرفه الي مش عاجبه حاجه يسبها ايه الي غصبك ومخليك مستحمل 18 سنة ولسه؟ بصي ياأم عبد الرحمن لو أنتي عايزه حكومة أسالي دائما في الادارة التابعة لكي أو في المديرية وهما هيقولولك أما لو عايزه مدرسة خاصة هاتروحي وتملي بيناتك ولو عايزينك هيتصلوا بيكي ويقلولك علي معاد المقابلة وربنا معاكي وابقي طمنيني

شكراً علي اسلوبك الراقي في الرد والمشاركة جزاك الله خيراً

[مسطره]

ده احراج بالزوق ده بقي ولا ايه؟ انا مش قصدي والله علي العموم أنا أسفه بس برده مش جاوبة علي سؤالي أيه الي مصبرك علشان لو الموضوع مامنوش فايده الواحد يشوف شغله تانيه من اولها

[محمد حلمي الدالي]

المشاركة الأصلية كتبت بواسطة مسطره

ده احراج بالزوق ده بقي ولا ايه؟ انا مش قصدي والله علي العموم أنا أسفه بس برده مش جاوبة علي سؤالي أيه الي مصبرك علشان لو الموضوع مامنوش فايده الواحد يشوف شغله تانيه من اولها

الاجابة علي اسئلتك تتلخص في :
1) ستكون محلك سر بمعني الكل من حولك يتقدمون في وظائفهم وانت يادوب مدرس لا راح ولاجاء .
2) مطلوب منك تتحمل سخافات البشر من اول الطالب عديم التربية وحتي المديريين ذو العقول المتحجرة مروراً باولياء الامور .
3) كل من هب ودب يتشطر عليك الادارة والمديرية والشئون القانونية ومجلس المدينة والمحافظة ومستقبلاً وزارة الزراعة والري .
4) تتعرض للاهانات بكل انواعها عند انتدابك في امتحانات الشهادات العامة كالاعدادية والثانوية اذا رفضت المشاركة في تسهيل الغش للتلاميذ وعندما تستغيث بالادارة والمديرية لا يستجيب احد بل وبتهمونك باتهامات تستحق عليها الجزاء .
5) انك كل ما تتقدم في السن مثلي سيكون لهذه الامور تاثيراً كبيراً على نفسك عندما تشعر ان الكل لايقدر مكانتك في تعليم الاجيال ما يوصي به الدين والعلم .