مش عايز وطنى يقتلنى

[حميد بدوى]

مش عايز وطن يقتلنى

أنا عايز وطن يحيينى

مش عايز وطن يكسرنى

أنا عايز وطن يقوينى

مش عايز وطن يفقرنى

أنا عايز وطن عن الاوطان يغنينى

نفسى أحبك يا مصر

بس صدقينى كان على عينى

سامحينى لو خنتك

سامحينى لو بعتك

ما أنت ياما بعتينى

أنا عايز أعيش

زى الخلق

مش عايز عربية وبيت ودنيا وارض

أنا عايز قوت يومى

خلاص يا بلد طلعتينى من هدومى

وكفرت بيكى

الظلم فيكى انفرض فرض

ملعون الظلم ع الارض

ملعون الظلم ع الارض

مش عايز وطن ميت

أنا عايز وطن حى

فى عيونه بسمه

وف شفايفه ضى

أنا عايز وطن حر

يصنع وينتج ويزرع

مش وطن يسقينى المر

الشاعر
عبد الحميد بدوى

[ضياء الدين سعيد]

المشاركة الأصلية كتبت بواسطة حميد بدوى

نفسى أحبك يا مصر

بس صدقينى كان على عينى

سامحينى لو خنتك

سامحينى لو بعتك

ما أنت ياما بعتينى

شاعرنا حميد بدوى
كلماتك أن تعبر فإنها تعبر عن مكنون داخلي
وكبت مسيطر على كيان شاب ضاع بين ضفاف النيل بحثاً عن الراحة
ولكني ألوم عليك الأبيات السابقة
فكيف تخون أمك التي ضحى من أجلها أجدادنا جميعاً
كيف تبيع شرف أم ليس بيدها أي شىء فالأم مغصوبة على ذلك فالأب كان أسى

إن كنت تعيب فلا تعيب على أرض الكنانة ولكن على النظام الذي أضطرها إلي ذلك


وفي النهاية لك منى كل تحياتي

[رنا عبد العزيز الشراكى]

نفسى أحبك يا مصر

بس صدقينى كان على عينى

سامحينى لو خنتك

سامحينى لو بعتك

ما أنت ياما بعتينى

أنا عايز أعيش

زى الخلق

مش عايز عربية وبيت ودنيا وارض

أنا عايز قوت يومى


*


بجد جميله اوووووووووووووووى تسلم وكل عام وانت بخير ومصر كلها بخير ان شاء الله

[مريم جمال الدين]

gamela aweeeeeeeeee wa kol 3am wa anta b5eeeeeeeeeeer

[حميد بدوى]

كل سنة وانتم طيبين يا غاليين

[Mr. Medhat Salah]