المتطلبات الالوية لكلية حاسبات ومعلومات

[xp963]

السلام عليكم :
انا بفضل الله جبت 93.29 وقبلت فى المرحلة الاولى
والصراحة فى ضغط كبير انى ادخل هندسة من الاهل والمدرسين
بس انا كنت مقرر من اولى ثانوى انى ادخل حاسبات
بس الصراحة انا لا افقه شئ ولا فى هندسة ولا فى حاسبات
فحبيت اسال ايه المتطلبات الاولية لحاسبات يعنى ايه اللى اغلب اللى بيدخلو الكلية بيكونو عارفينه او ايه اللى يخلينى ادخل الكلية مستريح فى اول سنة
خاصة ان معظم اللى بيدخل حاسبات بيكون عشان حاببها وعنده فكرة مش قليلة عنها
سوال :: سوال للى دخلو حاسبات وملحقوش هندسةهل لو لحقت هندسة كنت هتدخلها ؟؟
مين الافضل فى سوق العمل من وجهة نظركم (بصراحة )

[supernour]

وكئنك بتكلم علي نفسي انا في نفس الموقف بس جايب 93% بصراحا مش عارف ادخل اة بس انا شايف ان اذا قررت ادخل هندسة هدخل اقاليم وانا مش عايز كدة و كمان انا بحب البرمجة اكتر

[EhabAmmar]

عن نفسى انا لو كانت جايب هندسه ... مكنتش دخلتها بردوا ... , اللى انا شايفه مطلوب فى سوق العمل هوا حاسبات .... اكتر ... , مرتبات كويسه جداً

ثانياً على حسب التخصص اللى انت حابب تخش فيه و سنه اولى عادى هتعدى معاك كويس بس لازم تدرس لغة برمجه اسمها C++ عشان تبقى مرتاااااااح فى كل حاجه فى البرمجه

و الرابط ده تقدر تستفيد منه فى التخصصات اللى موجوده و تحت امرك شوف التخصص اللى يناسب و اسأل عليه و انا تحت امرك
http://www.thanwya.com/vb/showthread.php?t=609808

[X-Turbo]

انا جايب زيك بالظبط 93.29 وعايز ادخل حاسبات ونفس المشكله الاهل والمدرسيين بيقولو ادخل هندسه ويبقى ادخل قسم حاسبات

ادخل معانا فى اول موضوع فى القسم ده هتلاقى اسمه
"حاسبات ومعلومات - هندسه قسم حاسبات"


لو حكايه ان الواحد ياخد كورسات سوفت وير هيبقى زى حاسبات او قريب يعنى.. يبقى ندخل هندسه قسم حاسبات وناخد كورسات طول الدراسه


ابعت الفيس بتاعك ع الخاص او هنا

[EhabAmmar]

مستحيل و اللى يقولك كدا يكدب عليك لآنك بتاخد اساسيات كتير فى حاسبات و لو هتعمل انترفيو او اى حاجه زى كدا هتنفعك كتير احسن عمرك ما هتاخد اى حاجه زى ما تبقى فى الكليه .......... هيا ممكن تبقى سوفت كويس وكدا من الكورسات .... بس مش زى اللى خريج من حاسبات او cs

[X-Turbo]

كلامك صح يا ايهاب وانا خلاص قررت ادخل حاسبات

التنسيق فتح ع فكره

[EhabAmmar]

بالتوفيق ... و ان شاء الله اى حاجه محتاجها انا تحت امرك

[Eng.Mo'men]

الاجابة :: وعليكم السلام ..المتطلبات انك تكون شاطر فى الانجلش لان الدراسة كلها انجلش وان يكون معاك اساسيات برمجة فى c++ مثلا واتوكل على الله وادخلها .. لا بالنسبة ليا حاسبات زي هندسة فى المستقبل والمرتبات .. وممكن حاسبات حديثة وتكنولوجيا بتتعامل معاها اكتر من هندسة .. الاتنين كويسين بس هندسة احسن فى الحكومي عشان النقابة انما حاسبات لسة مافيش نقابة .. قربت تتعمل ان شاء الله .. اهم حاجة تدخل الحاجة اللى انت بتحبها عشان تبدع فيها وربنا يوفقك .. مشكلة حاسبات مع الاهالي والمدرسين والمجتمع هتتحل بالوقت وبكرة هتشوف .. ربنا يوفقك ومش تنسى تصلي استخارة وتتوكل على الله والف مبروك على النتيجة

[supernour]

انا كنت عايز اعرف ادخل الكلية معاي c++ ولا احسن c# انا كنت بذكر دة

[EhabAmmar]

c اطورت ...... تمام و بعد التطوير سميت بـــ c++ و بعد التطوير سميت .... C# ....
بس الاساس لو انت عوز تتعلم صح اما تتقن c اما تتقن c++ و بعد كدا كله هيجى معاااك بالتدريج

[EhabAmmar]

بس الافضل انك تتعمل سى بلص بلص ده اللى انا شايفه

[Eng.Mo'men]

المشاركة الأصلية كتبت بواسطة supernour

انا كنت عايز اعرف ادخل الكلية معاي c++ ولا احسن c# انا كنت بذكر دة

C++ وبالتوفيق

[EhabAmmar]

ونعمه بقول كدا من زمان ........ بس محدش مصدقنى