هو احنا كده خلاص ؟

[_Haneen_]

السلام عليكم
الموضوع ببساطه انى كنت هنا فى المنتدى على طول السنه اللى قبل اللى فاتت وانا فى اولى ثانوى لما دخلنا تانيه ثانوى من ساعتها مدخلتش خاااااالص وطبعا بعد ما السنه خلصت والحمد لله اطمنا على النتيجه وجبت مجموع تمام
دخلت هنا المنتدى واتفاجئت ملقتش لينا وجود اقصد طلبه تالته ثانوى يعنى مفيش الروح اللى كانت فى المنتدى قبل كده دا الجروبات بتاع اولى وتانيه ثانوى كنا بنتكلم فيهم اكتر ما بنتكلم مع اهلنا فى البيت
واللى فاجئنى اكتر انى ملقتش اى حد من اللى كانو معانا
هو فى حد زيى حاسس ان اجتماعيات طالب فقدت روحها ومعناها الجميل ولا انا بس ؟