القوى المحركة للانسان

[DPT-Blue Phoenix]

السلام عليكم و رحمة الله و بركاته
بسم الله الرحمن الرحيم

" القوى المحركة للانسان "

-- الاول ايه هى القوى الى ممكن تحرك الانسان بمعنى ياما تخليه يتجه لحاجة او يعنى يكون عايز يعمل شىء معين او العكس انه يتجنب شىء او يبعد عنه او ميحاولش يعمله يعنى ايه السبب فى كدا ؟!

انت السبب ليه ؟!

باختصار خالص القوتين الى بيتحكموا فى الانسان هما
(( الألم - السعادة )) .. ليه ؟!

اى حاجة فى حياتنا بنعملها ياما بنربطها ب :-

1- (( السعادة )) يعنى الانسان و هو بيعمل الحاجة دى بيكون سعيد و مبسوط او فى الوقت الى هو بيحاول يحقق فيه دا بيكون مبسوط و سعيد ..

2- (( الألم )) اكتر شعور الانسان بيكرهه هو الألم و بيحاول يبعد عن اى مصدر للالم سواء كان مصدر مادى او معنوى او غير كدا ..

-- لكن الانسان هو السبب فى دا لان الانسان هو الى بيدى للحاجات الى حواليه معنى سواء كان الشىء دا نافع او ضار الانسان هو الى بمزاجه بيلبس الشىء دا شعور السعادة او الألم فى حياته ..

و كل حاجة بنعملها او نبعد عنها فعلااااااا بتكون عشان القوتين المحركين دول فمثلا :-

1- الانسان بيكون عنده اهداف عشان لما يحققها يحس بالسعادة و الفرح ..
2- الانسان بيعبد ربنا عشان يدخل الجنة و يكون سعيد و يبعد عن النار الى هى بتمثل الالم ..
3- الانسان بيحب عشان يفرح و يكون سعيد لما يشوف الى بيحبه ..
...

احنا الى بندى معنى لكل حاجة فى حياتنا مثلا شخص معين انا ممكن البسه معنى السعادة فتلاقينى لما اشوفه ابتسم و افرح كدا .. و شخص تانى لما اشوفه انا رابطه بالالم ابدا اكشر و اتضايق بمجرد الفكير فيه ..

تلاقى واحد بيدخن و عارف ان التدخين مضر و حرام و مع ذلك بيدخن و مبسوط ؟! ليه ؟!
لانه ربط التدخين بالسعادة يعنى هو كدا لما يدخن ممكن احس انى كبرت ممكن احس انى راجل ممكن احس ان شكلى الاجتماعى احلى و يعمل دا مرة و 2 و 3 يدخل فى نطاق العادة و ميقدرش يستغنى عن الفعل دا و يعمله من غير تفكير ..
...

اه فى ظروف وحشة فى مجتمعنا لكن مشكلتنا اننا بنربط حاجات نافعة و كويسة مثلا زى المذاكرة و الاجتهاد و البحث و العلم و السعى و ما الى ذلك بالالم يعنى مثلا المذاكرة دى مفروضة على و انا مليش نفس و زهقان تيجى تذاكر تزهق و تضايق افتكر لحظة كنت قاعد تقرا فيها رواية او بتابع قصة و مبسوط يعنى القراءة فى حد ذاتها مش وحشة ؟! لكن فكرة انها مفروضة علينا المذاكرة و العلم هى الى بتخليها وحشة ربطنا ليها بالالم هى الى مخلياها وحشة و كذلك اى حاجة فى الحياة .. و نقعد نفتكر فى مواقف تانية و شايلين الماضى كله على ظهرنا و قاعدين نعيط و مش عارفين نسامح نفسنا ولا نسامح غيرنا و بالتالى هنتقدم ازاى ؟!

لو انا سالتك دلوقت لو رجعت فى اى موقف من المواقف الى مضيقاك فى حياتك دى او شايلها هتعمل نفس الى عملته طبعا الاجابة هتكون ؟!
لااااااااا يبقى متضايق ليه ؟!
المهم انك اتعملت انت اخدت الالم و اتعلمت يبقى عديها بقى و استفاد منها و طور من نفسك لا يلدغ المؤمن من جحر مرتين لكن دائما التحسن و التطور المستمر التغيير من نفسنا للاحسن يعنى التحديات و الحاجات دى هى الى بتصنع الانسان القوى و كل العظماء لازم يكونوا مروا بمواقف صعبة ..

تمام يبقى هنقعد مع نفسنا و نراجع الحاجات الى احنا رابطنا فى حياتنا بالالم و السعادة ..

#أهمية_فهم_الموضوع_دا : اننا نركز و نفكر قبل ما ندرك اى شىء و نربطه بسعادة او الم و نفكر مع نفسنا هل فعلا الشىء الى انا رابطه بالسعادة دا حلو ولا وحش ؟!

.... فلو قدرت انك تربط كل الحاجات الكويسة فى حياتك بالسعادة و الحاجات الضارة بالالم هتعيش انسان متزن و ناجح و سعيد دائما باذن الله و كمان بيتعلم من غلطاته ..

و اسال الله التوفيق لنا جميعا و السلام عليكم و رحمة و بركاته ..

http://www.thanwya.com/vb/showthread...11#post6142311

[andromark]

شكرا علي الموضوع

[DPT-Blue Phoenix]

المشاركة الأصلية كتبت بواسطة andromark

شكرا علي الموضوع

لا شكر على واجب الشكر لله