يا واد أقعد

[misterattia]

يا واد أقعد
مانيش قاعد
ويتقرب ويتواعد
وبيهدد ويتواعد
أنا عاوز
أنا هاخد
لكن أُمه
مفيش بايدها
ولاحدش فى يوم ساعد
ياواد أصبر
مانيش صابر
وبيعاند وبيكابر
دأنا مصرك
ياواد بتهد بنيانى
دانا كبيره
وكل الدُنيا عارفانى
ماليش غيرك
ياواد يا أهبل
دا أنا دمك ف شريانى
بقه ربك يقول أُمك
وتهدمنى
تحطمنى
تقول مسلم وأخوانى
يارب أشهد
أنا غضبانه من قلبى
ماهوش أبنى ويحرقنى
ولا أبنى اللى كان قبله بيسرقنى
ولا أبنى اللى بيشتت
ونفسه ف يوم
يقطعنى يفرقنى
ماهوش أبنى اللى يوم عاوز
ف نهر النيل يغرقنى
ماهوش ابنى
اللى ي*** يوم ف اولادى
ولاأبنى فى كل مكان يهزقنى
يقطعنى يمزقنى
ماهوش أبنى
ولا موته يأرقنى
أنا أمرى يارب أليك
تاخد لى م اللى ظالمنى
وأنا بدعى
وفوق خدى دموع النار
سنين يارب
وأنا بشرب ألم ومرار
وأنا بدعى وأقول يارب
أقوم تانى
ولاتشمتش فيَّه الجار
وأنا بدعى على عيالى
وأقول يارب
محبش حد من بعدى
يرد امين
أنا الام اللى
مهما يعملوا فيها
مسمحاهم
دا فلب الام
ولاعمره ف يوم يجحد
على عياله
ومهما يدوق
من الهم يقوم تانى
عشان ينشد ف مواله
لكن دينك حبيب أمك
ماهوش منظر
ولاملبس
صحيح الدين ف أفعاله
تعالى أرجع
ف حضن أُمك
ولايهمك
(تعايابنى)
نقوم تانى عشان نبنى
ولا أعاتبك
ولا عاوزاك تعاتبنى
نروح للنور ونسعى لُه
ونتقرب ما نتباعد
ونجرى ف حلمنا الواعد
عطيه الخضرى عطيه
قلين كفر الشيخ

[مريم السباعى.]

بص بغض النظر عن الساسيه فكرة القصيده تحفه والحوار راااااااااااااااااااااااائع جدا بجد تسلم
ومن ابداع لاخر باذن الله

[دى برولى]

الله الله
روووووووعة والله تحفة بجد

[شروق الحرية]

يقعد إزاى والسمع والطاعة عنوان

يقعد إزاى وقد وعدوه بالوهم أطنان

يقعد إزاى والمحرض بقطر وتركياوإيران

فتوا الفتة وأعدوا العدة لالتهام الخرفان

يقعد إزاى هو فيه أصلا عقل من أصله
وهو فيه عاقل عشان عيونهم يتبرى من أصله وفصله


خليه يلف حوالين نفسه لحد مايقع من طوله
وتلاقى التجارة بدمه مكمله مع أهله وأصوله




جزاكم الله خيرا مستر عطية

[....رولا....]

رائعه جدا
يسلموووووووووووووووووووووووووووووووووو

[MADY1981]

جمييييييلة يسلمك قلمك

[misterattia]

اخوتى الفضلاء كنت اتمنى ان اكون عضوا بينكم وكان ذلك شرف لى ولكننى للاسف شتمنى احد الافاضل ولكننىأخاف الله ولن انزل الى هذه الدونيه حتى لا احمل اوزاره
http://www.google.com.eg/url?sa=t&rc...65397613,d.ZWU

[أبو العلاء]

أنا أمرى يارب أليك
تاخد لى م اللى ظالمنى
وأنا بدعى
وفوق خدى دموع النار
سنين يارب
وأنا بشرب ألم ومرار
وأنا بدعى وأقول يارب
أقوم تانى
ولاتشمتش فيَّه الجار

رائعة بحق ، ومعبرة بصدق

[أبو العلاء]

المشاركة الأصلية كتبت بواسطة misterattia

اخوتى الفضلاء كنت اتمنى ان اكون عضوا بينكم وكان ذلك شرف لى ولكننى للاسف شتمنى احد الافاضل ولكننىأخاف الله ولن انزل الى هذه الدونيه حتى لا احمل اوزاره
http://www.google.com.eg/url?sa=t&rc...65397613,d.zwu

ونحن نريدك بيننا فهذا شرف لنا أخي عطية

فلا تحرمنا من عطائك

ونتمنى من الجميع التزام الموضوعية في الطرح ، مع التلميح دون التصريح لنعود بالمعارضات الشعرية إلى أيام البارودي وشوقي

[ضياء الدين سعيد]

أنا هكتب عن اللي خان
وبعاع بلده ..
وخان نفسه ..
وسلم عرضه للأوثان
منيش خايف
ولا شايف
في حضن الشرك غير بهتان
تعالى أحكم
ونتناقش
من أمتى الدم روى بستان
مين اللي حلل الأرواح
وقالك أنتقم منهم
دا دول الخونة للأوطان
أنا عمري ما هشتم حد
لإن بعيد عن الأديان
أنا إنسان
ومن حقك ومن حقي
نعيش في أمان
تكب الزيت على ظهري
عايزني أسكت
وأقول غلطان !!!
لا والله اللي خلق الكون
لا عمري هذللك نفسي
ولا هركع لعبد جبان
دا خان بلده
وخان عهده
وغير ملة الإسلام !!
ماهو الإسلام مقلش اقــتــل
ولا لفق قضايا زور
ولا عذب سجين عندك
دا كبر دعوة المظلوم
ولا قالك يا شيخ ياسر
مراتك تغتصب عندك
وأنت تداري عالمستور !!
بقولك قصتك واضحه
ومش محتاجه حتى النور
لإن النور بريء منك
ونور الحق للي يصون


d-e.s.t.

[misterattia]

ولايهمك يا أخويه ضياء
ومتشكر ومن قلبى
يا ابو العلاء
وانا هكتب ومش هبعد
عن الاحداث
عن الاشياء
انا هكتب حديث بناء
مانيش هذكر ف يوم اسماء
شرف ليِّه أكون بينكم
ماهو احنا
جسد واحد
بنفس الدين
بنفس الدم فى الشريان

[ضياء الدين سعيد]

المشاركة الأصلية كتبت بواسطة misterattia

ولايهمك يا أخويه ضياء
ومتشكر ومن قلبى
يا ابو العلاء
وانا هكتب ومش هبعد
عن الاحداث
عن الاشياء
انا هكتب حديث بناء
مانيش هذكر ف يوم اسماء
شرف ليِّه أكون بينكم
ماهو احنا
جسد واحد
بنفس الدين
بنفس الدم فى الشريان

أكيد دمك بيجري في نيلي ليل ونهار
أكيد واحد
وكله نفسه نبقى تمام
عشان الحق يطلع فوق
ويظهر في السما أنوار
لا نفسي دم يروينا !!
ولا مقتول بيبكينا
ولا حقد وألم وخداع
وربك يرشد إللي احتار
ونفسي في يوم يا بلادي
نلملم فرحة الأوطان