جايبة 78 المفروض اعمل ايه ...........

[ام مي؟]

السلام عليكم ورحمة الله وبركاته


انا يا جماعة جايبة 78 وكنت عاملة حسابى انى هدخل المعهد العالى للهندسة فى اى مكان على اساس ان معظمهم مش هيعدى المجموع دا ........ وانا والله رحت عملت تظلم وليا درجات كتير بس لسه ماخدتش الرد ومش عارفة هخده ولا لا اصلا ....... فدلوقتى بعد تنسيق المرحلة الثانية انا مش عارفة اعمل ايه ...... يعنى فى رايكم اعمل ايه وانا شكلى كدا مش هلحق اى كليات خالص حكومى ........ ولما المعاهد تاخد من كدا باقى الناس تعمل ايه

[XxScarnetxX]

لو انت بتسألي على تخشي حاجة خاصة و لا حكومي انت ممكن تقدمي في الأتنين لما يجي معاد التنسيق بس غالبا لو انت في القاهرة أي حاجة حكومي هتبقى إغتراب فملهاش لازمة
بالنسبة لأحسن معهد هندسة هو معهد العاشر بس هو صعب حبتين تلاتة
و لو عايزة معهد حنين نوعا ما و في تعليم برضه ممكن مودرن أكاديمي

[ام مي؟]

انا كتبت موضوعات قبل كدا وانا مش هقدر ادفع اكتر من 7 الاف

[ام مي؟]

وكمان انا معدتش عارفة حاجة عن المعاهد ......... ما كلها تنسيقها عالى هى كمان

[XxScarnetxX]

هو في معاهد هندسة ب7000 بس مش كويسة خالص
نصيحة تخشي حاسبات الشروق مثلا و هي مصاريفها في الحدود دي
بدل ما تدفعي فلوس في معهد هندسة ملوش لازمة

[soley93]

طيب شوفي معهد الهندسة في اكاديمية الثقافة والعلوم واسالي عليه هل هو كويس ولا لا واعتقد ان مصروفاته مناسبة لحضرتك

[matrix4ever]

انتى اصلا تحمدى ربنا لو لقيتي هندسة تقبلك ان شاء الله ب 20 الف بس الحل الوحيد انك تروحى حاسبات اى حتى حيبقى حدود مصاريفك دى و شكرااااااااااااااااااااااا

[ميدو قناوى]

فى معهد اكتوبر للهندسة ده ب6555 للسنة الواحدة وده فى مدينة الثقافة والعلوم وانا اتصلت بيهم قالى انه نازل مرحلة تالتة وهيقبل كتير ان شاء الله وانا ياريت يجيلى المعهد ده وبالتوفيق ليكى ولينا كلنا يارب

[krmalk]

انا جايب زيك بردو 78 و كنت ناوى اخش هندسة فى اكتوبر بس لقيتو نزل مرحلة تانية معرفش اتقفل ولا لا ....فى التعليم المفتوح كويس بردو اي رأيكم؟؟؟؟

[frgx]

المشاركة الأصلية كتبت بواسطة ميدو قناوى

فى معهد اكتوبر للهندسة ده ب6555 للسنة الواحدة وده فى مدينة الثقافة والعلوم وانا اتصلت بيهم قالى انه نازل مرحلة تالتة وهيقبل كتير ان شاء الله وانا ياريت يجيلى المعهد ده وبالتوفيق ليكى ولينا كلنا يارب

معلش انت متاكد انه نازل مرحلة تالتة علشان احنا قلقانين ولو سمحت ممكن تدينى ارقام المعهد

[ميدو قناوى]

والله الظيم اتصلت بالمعهد وقالى انو نازل مرحلة تالته وانا يا جماعه هغشكم ليه ايه مصلحتى انى اضحك عليكم ده انا مرحلة تالتة زيكم يعنى مصلحتنا واحده

[lord of love 2099]

يا ام مى فى معهد العبور ب 3 الاف و 4 كمان هندسة اسالى علية و اكتبى على جوجل معهد العبور العالى او هندسة معهد العبور العالى و اسالى على مصاريفها تانى للتاكيد و ربنا معاكى و دراستو حلوة

[lord of love 2099]

ده اميلى لو عزتى اى حاجة ضفينى و اسالينى : tamerhousny*ymail.com

[mohamed^ salah]

المشاركة الأصلية كتبت بواسطة frgx

معلش انت متاكد انه نازل مرحلة تالتة علشان احنا قلقانين ولو سمحت ممكن تدينى ارقام المعهد

رقم مدينه الثقافه والعلوم 32332680 او 38332656

[abdomustafa]

dيا جدعان كل ده مش هيقبل مجموعها ولا لاثقافه والعلوم ولا العاشر ولا الشروق كلهم بياخدو من 85 ولشروق 88 والعاشر نفس الحكايه انا برضو جايب 80 ومش لاقي حاجه