ممكن تدخل هندسة بترول و تعدين السويس ب 70/100

[eng--zako]

يا جماعة اكيد كل اللي قرا راس الموضوع فكر اني بهزر اكيد كلكوا سمعتوا عن المعهد الفني الصناعي سنتين وده بياخد حوالي من 70/100 او اقل كحد ادني اللي لو جيبت ف تقدير تحول هندسة ده بيعتبر 3 سنين ثانوي + سنتين معهد فني صناعي بيخش مع تنسيق الدبلومات الصناعية 5 سنوات و ليهم كل الهندسات و البترول كمان و كنت عايز اوصل لتنسيقهم عام 2008 لكن ملقتش غير 2004 و ده الرابط
http://www.gom.com.eg/algomhuria/200...detail00.shtml
علي فكرة اقروه للأخر حتلاقو البترول واخد من 89.5/100 يا جماعة انا فرقت معايا ع الهندسة 1.5 وجالي فنون جميل عمارة عايز اعرف رأيكو وهل حد بيفكر يخش المعهد بس خلي بالكو لو مجبتش في المعهد 76/100 علي الاقل مش هتشوف هندسة و حيبق اسمك معاك معهد سنتين

[eng--zako]

محدش رد انا عارف ان موضوع ملهوش لازمة

[eng.ahmed55]

دا مهما كان اسمه معهد ومش معترف بيه وسيبك من حكاية ان اللى فى المعهد بيشتغلوا وممكن كمان يكون بفلوس

[eng--zako]

المشاركة الأصلية كتبت بواسطة ahmed_va16

دا مهما كان اسمه معهد ومش معترف بيه وسيبك من حكاية ان اللى فى المعهد بيشتغلوا وممكن كمان يكون بفلوس

انا عارف انه معهد فني صناعي سنتين انا اذدي ان الواحد يدخلة عشان يكمل علي هندسة او بترول ركز في الموضوع و شوف الرابط تاني

[حيران في الثانويه]

منصحكش تدخل المعهد ده
انتا متضمنش نفسك
ولو مجبتش فيه حاجات
هتبقي ضعت

[romio2010445566]

الموضوع ده جامد جدا"
انا عارف المعهد ده فى واحد صاحبى دخله
و بيقول ان مواده سهلة جدا" جدا" حاجات خايبة وسهل أوى انك تجيب فيه امتياز و تخش بترول وتعدين وممكن تخش بردو هندسة
والمعهد بياخد أعداد قليلة جدا"

[eng.ahmed55]

يا asd159
انت فاكر بترول حاجة سهلة دى واخده اعلى من الطب يعنى عايزة مخ جامد مش اى كلام وحتى لو دخلتها ممكن متمشيش فيها وبعدين انت زعلان ليه فنون جميلة بدل انت بتحب المجال ده ولو لاحق تخطيط عمرانى يباه احسن

[ميدو4]

لو كانت كده كانت خربت

[نورا 2008]

بص مفيش حاجة مضمونة انا من راي فنون جميلة هيبقي اسمك مهندس كانك في هندسة لانك عمارة وعمرك لما تخش الكلية تتساوي مع واحد جايب 70في المية احمد ربنا كليتك جميلة ومتحولش ربنا معاك

[fuoozz]

لا مش معاكى فى كدا
كله بيتساوى بدام بيدرس نفس المجال
ميتساويش امتى لما دا ينجح ودا ميكنش ناجح فى دراسته

[eng--zako]

المشاركة الأصلية كتبت بواسطة نورا 2008

بص مفيش حاجة مضمونة انا من راي فنون جميلة هيبقي اسمك مهندس كانك في هندسة لانك عمارة وعمرك لما تخش الكلية تتساوي مع واحد جايب 70في المية احمد ربنا كليتك جميلة ومتحولش ربنا معاك

شكرا لردك الجميل بس انا واقع ف مشكلة انا عندي حلة غريبة كل شوية ميعجبنيش حالي ساعات بفكر احول حاسبات و معلومات وساعات بفكر احول المعهد العالي للتكنولوجيا ببنها
فمش عارف اعمل يا ريت يا جماعة تقللولي انه الافضل من حيث الدراسة و العمل و بعدين سمعت حاجة ضيقتني ان في حاجة زي التعليم المفتوح ف فنون جميلة شرط يكون عده علي الطالب سنة من الثانوية و يكون ناجح و يمتحن قدرات ف الكلية سواء فنون او عمارة و بعدين بيخش الكلية بأي مجموع بس بمصاريف 5000 جنيه ف الترم يعني 1000 جنيه في السنة و المشكلة بيدرسوا مع اللي جايبين 93/100 علمي رياضة في نفس المكان مش كده حرام
محتاااار جدا ياريت تفيدوني عشان احتمال اعمل تحويل ورقي لحاسبات او المعهد العالي للتكنولوجيا بنها اصلي سمعت انه شغله جامد و دراسته عملية و مليانة عن المهندة و واخد منح و السنادي واخد اقل م الهندسة ب 3 درجات و ده حكومي علي فكرة

[eng.ahmed55]

الاولوية فى الشغل لخريجى كليه هندسة والمعهد ده بعديه وممكن يجيلك حالة نفسية وتعوز تحول دا فى واحد فى المعهد ده السنة اللى فاتت ونجح الحمد لله بس متضايق منه وعايز يحول حاسبات بس اصحابوا اقنعوه انه حلو عشان ميشلش السنة وبعدين المعهد ده بنفس صعوبة الهندسة طب ليه تدرس حاجة صعبة وناس كتيرة مش معترفين بيه

[dayman_m3ak]

لو حلم حياتك الهندسه خش المعهد ده ومش هتندم لانك لو مادخلتش هندسة بترول فهتخش هندسه عاديه مستريح اوى والله مابضحك عليك انا ليا اصحاب كتير كانوا فيه ودلوقتى فى هندسه وفيهم اللى كان داخله من الصنايع يعنى مستواه على قده واعرف ناس كتير جدا كانوا فى اولى السنادى جايبين 97و95و93 اعداد كبيره جدا , والبترول السنه اللى فاتت كانت واخده من 93 يعنى لو فى دماغك بترول هتدخلها توكل على الله وادخله وان شاء الله هتبقى تدعيلى وعلى فكره المواد اللى فيه تافهه جدا , ودى المواد اللى هتدرسها فيه ان شاء الله http://www.tcq.googlepages.com/bi_2.htm
واى استفسار انا تحت امرك

[eng--zako]

توهتوني اكتر طيب عايز اعمل استفتاء
1-فنون جميلة عمارة
2-حاسبات و معلومات
3-المعهد العالي للتكنولوجيا ببنها و ده خمس سنين زي اي هندسة و بياخد اقل منها ب 3 درجات
4-المعهد الفني الصناعي سنتين
(ملحوظة انا جيبت الحمد لله 92.8/% و كان حلمي اني ادخل هندسة عادية مش بترول عشان قسم حاسبات او اتصالات
فملحقتش هندسة علي 1.5 درجة و جالي فنون جميلة عمارة هل افضل عليها ولا احول لأي من الاختيارات السابقة

[الاسطورة]

2-حاسبات و معلومات
واتوكل على الله