الإنجليزي مستوى ولا لأ أدخل عشان تعرف

[حــــH0samــــسام]

بسم الله الرحمن الرحيم
أنا عامل الموضوع ده عشان كتابة الإستمارات في مدرستي قربت وعايز أعرف آخد الإنجليزي مادة مستوى رفيع ولا لاأ الإنجليزي الأساسي اللي أنا باخده ممكن يساعد في المستوى الرفيع ولا بيختلف عنه وهل في أسئله جديده في الإنجليزي بتاع المستوى الرفيع ولو فيه إيه هي ومن الآخــر هل الإنجليزي كمستوى رفيع صعب ولا سهل أنا سامع إنه فيه كتاب للشعر والأدب ياريت التوضيح من أساتذتنا
:Dوشـــــــــــــــــــكــــــــرا:D

[حــــH0samــــسام]

33 مشاهده ولا رد؟؟

[asas sally]

السلام عليكم و رحمه الله و بركاته

بص يا حسام انا سألت المستر بتاعى وقالى هو بالنسبه للعلمى و خصوصا علوم فهو افضل ده لو النظام الجديد اطبق علينا السنه الجايه
و هو قال ان اهم حاجه يكون عند كميه كلمات كتير و من الافضل تاخد قرص فى الاجازه
و هيكون الكتاب عامل زي كتاب العربي كده (( بحيث ان كتاب العربي بيكون فيه موضوعات كل موضوع مختلف عن التانى و اخر السنه بنتسأل فيهم )) هيكون الانجليزي كده بردو و المستر قال ان ده مفهوش مشكله ...........
و الجرامر هيكون شامل و مبيجيش جمل عبيطه كده و خلاص لاء.. هو بيجي جمل فيها تفكير شويه ............
و عموما فى النهايه انا اخترت انجليزي لانى بأذن الله هدخل علمى علوم و المستر قال ان الاحياء مستوى رفيع صعب اوي و مختلف عن الاحياء اللى هدرسها فى المنهج الاساسي.............

و هى دي المعلومات اللى عندي حاليا و بالتوفيق ان شاء الله

[حــــH0samــــسام]

شكرا ليكي ..

[misirliosma]

اعتقد ان مستوى اللغة الانجليزية سهل وبسيط

[حــــH0samــــسام]

تم إلغاءه للعلمي

[Doda&Moda]

النظام الجديد:
طلاب علمى علوم --------> عربى - انجليزى - احياء
علمى رياضة -----------------> // - // - رياضة مستوى رفيع
ادبى ------------------------> // - // - فلسفة او جغرافيا





و انا فى علمى علوم و ان شاء الله هاخد طبعاً انجلش و احتمال ضعيف اخد احياء بدالة
و ربنا يسهل

[شمس الاسلام]

النستر عندنا قال ان الانجليزي صعب

[themagician]

أنا أفتكر إنى لما كنت فى الثانوية العامة أخدت الجغرافيا مستوى رفيع و ذلك لسهولتها
و لكن - فى رأيي - بالنسبة للنظام الجديد الإنجليزيى هو البديل بالنسبة لطلبة العلمى
و بالنسبة للمنهج الخاص بالمستوى الرفيع فهو من عدة أقسام
Reading for adults بمعنى قراءات للبالغين و هى عبارة عن مجموعة من قطع الفهم comprehension و لكنها متطورة قليلا
poetry الشعر و هو بعض القصائد السهلة و البسيطة و هى أسهل بكتير من القسم السابق و لكن العيب فيه إنها عاوزة شوية حفظ .
طبعا لازم يكون الشخص مستواه متقدم فى اللغة الإنجليزية لأن الإمتحان يتطلب منك كتابة essay مقال بدلا من البراجراف و كمان عشان الجمل المتقدمة فى سؤال rewrite

أرجو أن أكون قد أفدت قليلا
و لا تنسونى من صالح دعائكم

[El-kady2311]

ده يعتمد علي مستواك و حبك للغة
و علي فكرة____المستوي الرفيع مش صعب خالص
===============================
اما إذا كنت عايز كلية عادية ---يعني مش مهم فيها مجموع اللغات
فخد جغرافيا
لانها سهلة جدا
================================
نصيحة: الانجيليش حيديك فرص في كليات كتيييييير
=================================
اما بالنسبة لــــ(أنا سامع إنه فيه كتاب للشعر والأدب ياريت التوضيح من أساتذتنا)
فهو ما فيهوش الكتاب ده
هو كتابين (كلمات و تدريبات)(قطع و موضوعات عليها اسئلة)
==========================================
مع تمنياتي لك بالتوفيق و التفوق
====مصطفي القاضي========

[موني دياب]

انا علمي رياضة ومستحيل اخد مستوي رفيع رياضة
انا كاتبه انجليزي برضه وخلاص
بس كنت عايزة اعرف هو فعلا النظام ده اتطبق

[beautyblotyboy]

انا علمي رياضة ومستحيل اخد مستوي رفيع رياضة
انا كاتب انجليزي برضه وخلاص

[Essam Wahba]

الاخوة الأعزاء
مادة المستوي في اللغة الانجليزية مكونة من كتابين الأول عبارة عن
Reading Comprehension Passages
والثاني عبارة عن :
Grammar & Structure
ولا يوجد Poetry كما ذكر الزميل الأستاذ / El-Kady
وسوف نقوم قريبا بتقديم منهج المستوي الخاص لطلاب الصف الثالث الثانوي في صورة مبسطة مع مواصفات الامتحان
مع تمنياتي لكل الأبناء الطلاب بالتوفيق باذن الله

[مستر رمضان عيسى]

يا جماعة المستوى انجليزى فى راى الشخصى اقل مادة ممكن تذاكر لان كل الفروع اصلا تدرس فى العدى فيما عدا موضوع
انا فى 89 ث اخذذت انجليزى ومكنتش اعرف النهج و جبت 8 من 10
الجيال الحالية مع الدروس و الاجتهاد ممكن 10

[semmsamm]

هو فعلا النظام الجديد دة اتطبق
علمى علوم ياخد احياء او عربى -او - انجليزى
علمى رياضة ياخد رياضةاو عربى -او - انجليزى