معلومات عن شعبة اللغة الانجليزية بكلية الزراعة جامعة القاهرة

[fptp14]

ياريت حد من المشرفين يثبته نظرا لاهميته

كلية الزراعة جامعة القاهرة شعبة الزراعة الدولية

شروط التقديم بالاقسام

الحصول علي شهادة الثانوية العامة شعبة علمي علوم
الحصول علي درجات حد ادني 80% في درجات اللغة الانجليزية اي 40 درجة
اختيار زراعة القاهرة من التنسيق ثم تقديم الملف في شئون طلبة الزراعة الدولية ( ملحوظة السنة دي 2014/2015 مجموعها كان 85% حد ادني )

الدراسة بكاملها باللغة الانجليزية بنظام الساعات المعتمدة
المصروفات الدراسية 3000 جنيه لاقسام الزراعة الدولية و التكنولوجيا الحيوية ومن 7000 الي 8500 لقسم تكنولوجيا التصنيع الغذائي حسب عدد المواد المختارة و عدد الوحدات
هناك تدريب لطلاب الاقسام خلال فترة الصيف
علي الطالب اجتياز 140 وحدة دراسية للتخرج

اقسام الزراعة قسم اللغة الانجليزية

1- الزراعة الدولية
(International Agriculture)

ينقسم الي ثلاث تخصصات هم :

-Organic Farming الزراعة العضوية
-Agricultural Business الاقتصاد الزراعي
-Countryside Sociology الاجتماع الريفي

يتم تحديد التخصص بعد المستوي الثاني اي السنة الدراسية الثانية

2- التكنولوجيا الحيوية
(Biotechnology)

3- تكنولوجيا التصنيع الغذائي
(Food processing Technology)

(لمعرفة المزيد عن المقررات الدراسية لكل قسم : agr.cu.edu.eg/DetailsPage.aspx?PageID=552&lang=1 )

مجالات العمل بعد التخرج
الزراعة العضوية : في المزارع العضوية و مصانع الاسمدة والمخصبات الزراعية و مصانع المنتجات العضوية من خضراوات و فواكه
الاقتصاد الزراعي : بنوك الائتمان الزراعية و شركات المحاسبة و الاحصاء و في بعض المزارع الكبري والمصانع ( من الاخر زي تجارة يعني حلو للي غاويها او حاببها )
ِالاجتماع الريفي : المنظمات الدولية للاغذية و الزراعة (حلو بس عايز واسطة)
التكنولوجيا الحيوية : في مصانع المبيدات الزراعية و الاسمدة و مقاومة الاعداء الزراعية و شركات الادوية ( لكن الاولوية في العمل تكون لقسم التكنولوجية الحيوية بكلية العلوم والصيادلة مع ان ده بيعلم احسن )
تكنولوجيا التصنيع الغذائي : مصانع الاغذية و المشروبات كمهندس جودة و مراقب لخطوط الانتاج و يعتبر اكثر الاقسام وفرة لوظائف العمل و مرتباته مجزية

كلية الزراعة جامعة القاهرة معتمدة منذ مايو عام 2013 من الهيئة القومية لجودة التعليم والاعتماد
موقع الكلية : agr.cu.edu.eg
قام بكتابته و تعديله : أحمد ممدوح
لو حد عايز اي حاجة او عنده استفسار ده الفيس بتاعي facebook.com/Ahmed.Al.Tunsy
مش طالب منكم غير انكم تدعولي ربنا يوفقني ويصلح حالي

[fptp14]

ارجو تثبيت الموضوع عشان مهم لناس كتير اوي