حول المنهج الجديد للصف الثانى

[ayman deef]

منهج قص ولزق من اولى القديم شوية من تالتة شوية من المستوى الرفيع شوية لا تنسيق لا وحدة عضوية لا مراعاة للفترة التى يدرس فيها وسلملى على المنطق

[ايمن عطاالله]

بصراحة أنا زهقت وقرفت ونفسى أعرف الناس اللى وضعت المنهج دة مبتفهمش ولا وضعها أيه يا جماعة كلام يقرف وطلبة مش فاهمة ايه معنى الكلام ولا اصلا فايدته ايه وطالب يقول حرام يا مستر انا على بال ما بحفظ الثانية بنسى الاولى احنا بندى الطلبة انطباع زفت عن المادة ارحمونا يرحمكم ربنا

[محمد محمود الريس]

انا قولت الكلام دا قبل كدا وتطلع المسئولين عن المنتدى ودافعوا عن المنهج وجمال المنهج وهكذا من سيئ لأسوأ طالما لا يوجد من يستنكر ويوجد من يطبل للتخاريف ...
ايه رأيكم فى منهج الفلسفة والمنطق بتاع ثانية اظن هتقولو جميل بس لو سألت واحد فيكم ايه الفكرة اللى عاوز يوصلها للطالب مش هتعرفوا وبصوا بالمرة على المنطق وشوفو العرض الجميل للقضايا هو تغيير لمجرد التغيير ولجان بتاخد فلوس وخلاص ... عليه العوض عليكى يا مصرلأن منهج العام السابق أفضل وهناك بعض الموضوعات متناقضه وليس هناك ترابط ليخرج الطالب بفكره أو مفهوم وربنا يوفق الجميع لما فيه خير مصر ولذلك بأيد الأستاذ/ الفاضل أ/ صبرى

[بسمة فودة]

يا أساتذة المنهج مش بالدرجة دى من السوء
بالنسبة لمن ينتقد منهج الصف الاول الثانوى المنهج فى غاية الروعة ويربط الفلسفة بالواقع المحيط بنامع وجود بعض الاخطاء البسيطة فى موضوع العلم
اما بالنسبة للصف الثانى الثانوى الفلسفة جميلة ومرتبطة ايضا بالواقع ع وجود بعض الاخطاء البسيطة
اما المنطق دا حكاية هو الى ملئ بالعيوب فهو فعلا قص ولصق ومحتاج اعادة نظر مرة اخرى ولو تم تعديلة وتظبيطة ستكون المادة ممتازة وستنمى تفكير الطلاب اذا استخدمنا استراتيجيات حديثة وابتعدنا عن طريقة التلقين المملة ولو استخدمنا كتاب التدريبات وكتاب النشاط بطريقة فعالة تخدم المنهج وهذا ما احاول القيام به الان

[أ/ تامر صفوت]

بارك الله فيكم نشرحة ونساعد الطلاب علي النجاح ولكل وقت مقال