ماذا تعرف عن علوم عين شمس؟؟

[راؤولينا]

السلام عليكم ورحمة الله وبركاته
انا حبيت اجيب دليل للكلية عشان الناس اللى ما دخلتش تكون على علم وما يتصدموش زى ما حصل لى انا ..
معلوماتى عن قسمى قسم العلوم الطبيعية كاملة ولله الحمد و لكن باقى الاقسام ينقصها القليل من المعلومات وساحاول الحصول عليها من الزملاء ..

تنقسم الكلية فى العام الدراسى الاول الى 4 اقسام تختار انت منها ما يناسبك...

1.قسم العلوم الطبيعية .
2.قسم العلوم البيولوجية
3.قسم الجيولوجيا
4.قسم الجيوفيزياء

اذا كنت علمى علوم يمكنك دخول اى قسم تشاء
اما اذا كنت علمى رياضة فلا يمكنك دخول قسم العلوم البيولوجية..

المواد بكل قسم على حدى للصف الاول بالكلية :
اولا : قسم العلوم الطبيعية .

يمكن دخول هذا القسم لطلبة الشعبتين (علمى علوم و رياضة)
و لكن يفضل دخوله لقسم علمى رياضة
يتم دراسة ما يلى بالقسم فى السنه الاولى :

1.الكيمياء العامة.
تنقسم الى الكيمياء العضوية و الكيمياء الغير عضوية و الكيمياء الفيزيائية .

2.الفيزياء العامة .
و تنقسم الى : فيزياء خواص المادة و الفيزياء الكهربية فى الفصل الدراسى الاول .
فيزياء الحرارة وفيزياء البصريات بالفصل الدراسى الثانى.

3.الرياضيات البحتة.
و تنقسم الى الجبر والهندسة التحليلية والتفاضل والتكامل .

4.الرياضيات التطبيقية
و تنقسم الى الاستاتيكا بالفصل الدراسى الاول والديناميكا بالفصل الدراسى الثانى ..

5. الاحصاء الرياضى

6. الحاسب الالى ويدرس بدلا من الاحصاء بالفصل الدراسى الثانى ..

7. اللغة الانجليزية.

ثانيا : قسم العلوم البيولوجية
لا يدخله سوى شعبة علمى علوم و يكون التخصص من السنه الثالثة وليس الثانية مثل العلوم الطبيعية .

يتم دراسة ما يلى بالقسم فى السنه الاولى :
1.الكيمياء العامة.
تنقسم الى الكيمياء العضوية و الكيمياء الغير عضوية و الكيمياء الفيزيائية .
2.الفيزياء العامة .
و تنقسم الى : فيزياء خواص المادة و الفيزياء الكهربية فى الفصل الدراسى الاول .
فيزياء الحرارة وفيزياء البصريات بالفصل الدراسى الثانى.

و يلاحظ تشابه المقررات فى الاقسام الاربعة بالسنة الاولى لكن يوجد بعض الاختلافات فى كل قسم عن الاخر حسب دكتور المادة..
3.الرياضيات البحتة وتكون بكمية قليلة جدا مقارنة مع رياضيات العلوم الطبيعية و هى تنقسم الى جبر وهندسة تحليلية فقط..
4. علم الحيوان و ينقسم الى 3 افرع ..
من ضمنها التشريح و علم وظائف الاعضاء و فرع اخر لا اذكره..
5.علم النبات و ينقسم الى 4 افرع ..
منها علم الشكل الظاهرى و علم الانسجة و فرعين اخرين .
6.علم الحشرات و تتم دراسته بالفصل الدراسى الثانى .
7.الميكروبيولوجى
8.الكيمياء الحيوية
9.الحاسب الالى
10. اللغة الانجليزية


يتبع ..................

[د.حاملة المسك]

موضوع ممتاز
ان شاء الله يفيد كل الطلبة اللى عايزين يدخلوها او الطلبة اللى فيها
شكرا على مجهودك

[الاميرة المصرية]

<div align="center">ميرسى على المعلومات

بس احنا عندنا فى المنصورة نظام تانى خالص

ان شاء الله هبقى اعمل موضوع عن نظام علوم المنصورة


بس فى الاجازة بعد نتيجة الثانوية العامة والتنسيق

لان فى الوقت ده هكون كونت انطباع كامل عن الدراسة لانى لسه اولى

وكمان الى داخلين يستفيدوا اكتر</div>

[_the_sad_smile_]

عندنا فى علوم دمياط مفيش اختلاف كبير
زيننا خالص بس فى حجات انتوا بتاخدها فى الترم التانى بناخدها فى الترم الاول

بصراحة مجهود تشكرى عليه بجد
شكرا

[ahmed monsif]

السلام عليكم
انا بعتبر اهم كلية في كلياتنا معلهش اسمحولي يعني مش طب هي كلية علوم
بس للي يبقي حابب الموضوع
ليا بنت عمي استاذ مساعد في قسم المايكرو بيولوجي
وبنت خالتي في قسم البايو
اتمني ليكم التوفيق يا خير من انجبت مصر من عقول
وشكرا ليكي علي الموضوع

[physiology]

أنا حبيت أشارك برأيي وذلك لما لي من معرفة بكلية العلوم. طبعا وده رأي في مصر خسارة اللي يدخل كلية علوم لأنه كده بيتعب نفسه على الفاضي. لأن الدراسة صعبة جدا ومرهقة وفي الآخر مفيش أي فائدة. وبالتالي فالواحد يدرس حاجة سهلة ومش مستهلة التعب ده. يعني لو رجع بي الزمان لن أدخل هذه الكلية مطلقا. ودي نصيحة للناس اللى لسه على البر. ابتعدوا عن هذا الفزع.

[راؤولينا]

صيدلانية جزاك الله خيرا على المرور ..
الاميرة المصرية شكرا على المرور ومنتظرين موضوعك عن علومكم :D

العفو يا _THE_SAD_SMILE_ لا شكر على واجب..

ahmed monsif حضرتك قلت :
بس للى حابب الموضوع ...
و للاسف الحكاية دى مش عندى ...
للاسف الكلية مش واخدة حقها فى البلد و بتتعامل بمنتهى الاهمال .. <_<
كمان مفيش اى نوع من انواع التطوير لا فى المناهج و لا المعامل ولا طرق التدريس..
و بشكرك على المرور ..

physiology
حضرتك جبت المفيد ...
كلامك مضبوط مية فى المية ..
بس انا ما رضيتش اكتبه فى اول الموضوع عشان ما يقولوش عليا معقدة ..
و عشان ما اسدش نفس الاجيال البريئة اللى لسه ميعرفوش حاجة عن الكلية الرهيبة دى...
بس اؤكد لحضرتك انى عايشه الواقع ده الان


و انتظروا منى الباقى قريبا.............

[علمي علوم]

شكرا جزيلا يا راؤولينا على الموضوع الجميل ده وفتح باب النقاش فيه

انا عن نفسى من الطلبة اللى دخلت كلية علوم القاهرة عن غير الرغبة الاولى يعنى ماكنش نفسى ادخلها ابدا ولا كانت على بالى خالص للاسف
بس بجد بعد مادخلتها اتغيرت تماما فكرتى عنها ولقتنى بحبها اوى فجأة واحدة يمكن علشان الكل كان بيخوفنى منها لكن قدرت الحمد لله لما دخلتها انى اثبت نفسى فيها ولقيتنى بفهم المحاضرات كويس وفى دكاترة ومعيدين كتير عرفونى ومشيت فيها الحمد لله وخصوصا بعد مانجحت فى الترم الاول لسنة اولى بتقدير جيد جدا مرتفع الحمد لله

بس انا برضه رغم كدا فى ناغص دايما بينغص تفكيرى لما احس انى حققت اللى عايزاه فى الكلية وافتكر ان بعد ده كله والتعب ده كله زى ما انتو قلتوا اخرتها خريجة كلية العلوم اللى مستقبلها سىء للغاية فى بلدنا والحمد لله على كل شىء <_<

اعتقد ان الكلام عن الموضوع ده مش هينتهى إن شاء الله ودايما هتلاقى اللى بيقول ان الكلية حلوة اوى واللى مش لاقى ليها لزمة خالص ومش عارفة هتبقى اخرتنا ايه فى الكلية دى .......... بس انا واثقة ان ربنا مش هيضيع تعب اى حدا فينا إن شاء الله ............ ومين عارف يمكن مصر فى يوم وليلة تكتشف اهمية الكلية دى ونلاقى نفسنا فى اهم كلية فى مصر :D

-------------------------------------------------------------------------------------------------------
<div class='quotetop'>إقتباس(ahmed monsif @ Jan 28 2007, 03:39 AM) [snapback]260644[/snapback]</div>

السلام عليكم
انا بعتبر اهم كلية في كلياتنا معلهش اسمحولي يعني مش طب هي كلية علوم
بس للي يبقي حابب الموضوع
ليا بنت عمي استاذ مساعد في قسم المايكرو بيولوجي
وبنت خالتي في قسم البايو
اتمني ليكم التوفيق يا خير من انجبت مصر من عقول
وشكرا ليكي علي الموضوع
[/b]

كلامك مشجع جدا يا احمد..............جزاك الله خيراً

<div class='quotetop'>إقتباس(physiology @ Jan 28 2007, 09:16 PM) [snapback]260899[/snapback]</div>

أنا حبيت أشارك برأيي وذلك لما لي من معرفة بكلية العلوم. طبعا وده رأي في مصر خسارة اللي يدخل كلية علوم لأنه كده بيتعب نفسه على الفاضي. لأن الدراسة صعبة جدا ومرهقة وفي الآخر مفيش أي فائدة. وبالتالي فالواحد يدرس حاجة سهلة ومش مستهلة التعب ده. يعني لو رجع بي الزمان لن أدخل هذه الكلية مطلقا. ودي نصيحة للناس اللى لسه على البر. ابتعدوا عن هذا الفزع.
[/b]

كلامك للاسف صحيح جدا يا استاذ physiology بس ربما تتفاجأ لو عرفت ان من الحاجات اللى شجعتنى جدا على دخول كلية العلوم كان انى عرفت ساعتها ان حضرتك واستاذ جمعه خريجين كلية العلوم وكان ده شىء مشجع جدا ليه ومدعاه للفخر بجد
خصوصا انى ماكنتش اعرف حد خالص من الكلية دى علشان يشجعنى انى ادخلها
فشكرا جزيلا والحمد لله على وجود امثالكم يا استاذ physiology فى المنتدى كوجهة مشرفة دائما وكمثال اعلى لخريجين كلية العلوم
-------------------------------------------------------------------------------------------------------

معلش انا طولت جامد وصدعتكم بس بجد حواركم جميل جدا ومشجع

[فرحه الربيع]

واضح ان النظام فى علوم عين شمس مختلف عن علوم القاهره يعنى فى القاهرة التخصص من سنه تانيه و الكمبيوتر و الانجليزى مواد مش اساسيه و الاقسام مختلفه تماما و المواد برضه

[خالد المغاورى]

طب وبالنسبة لقسم الجيولوجيا أو الجيوفيزياء .............؟!

[tamer2004]

مشكور ع الموضوع الرائع