حملة :يارب مصر تخسر مبارة الجزائر

[علاء سيف]

غريبة ؟؟
وبعض الناس هاتقوللك ده فين الوطنية و 0000
بس هاقولكم اسبابي وطبعا انت حر في المشاركة او الرفض او السكوت
اولا الاستاد هايفتح من الصبح وهايتقفل حوالي الساعة 12 والمباراة هتنتهي الساعة 9 تقريبا
وبالتالي غالب الجماهير - ان لم يكن كلهم - لاهايصلوا الضهر ولا العصر ولا المغرب ولا العشاء

طبعا اذا كسبنا لا قدر الله خد عندك
شوارع مقفولة وحوادث وقلق لحد الصبح
والاغاني اياها اسبوع
وتحليلات كروية اسبوع وهايخلو لاعبيتنا احسن من برشلونة وحسن شحاته اسطورة
ملاحظة هما نفس النقاد لو خسرنا هايقولو انهم توقعوا الهزيمة من اول البطولة
ولاعيبة فسكونيا ومدرب بطاطا
ملايين من الدولة ومن سفهاء رجال الاعمال تحت اقدام اللاعبين

والاهم اذا كسبنا هايتفتح علينا باب اننا هنشارك في كاس العالم وخد عندك بقة تحليلات
وبرامج اعداد ومعسكرات و0000 سيرة وانفتحت

وفي اسباب تانية وانتظر رأيكم

[هنا القاهره]

مهما يكون كدا كدا هى السيره مفتوحه وكدا كدا هيتكلمو يبقى يتكلمو فى الفوز افضل

[riham_eg]

والله فعلا خساره ان اى حد يكتب تعليق فى الموضوع ده
بس اسم الموضوع استفزنى جدا
بجد شئ عجيب عشان واحد بس عايز حاجه بيدعى ان بلد كلها تزعل
سبحان الله اومال لو كنت مش مصرى كنت قلت ايه كنت قولت يارب مصر تتحرق ولا ايه

[N N M A]

المشاركة الأصلية كتبت بواسطة هنا القاهره

مهما يكون كدا كدا هى السيره مفتوحه وكدا كدا هيتكلمو يبقى يتكلمو فى الفوز افضل

انا موافقه علي الراي ده وان كان علي الصلاه فكل انسان محاسب علي افعاله وكل انسان حر في رايه

[ayadooo]

السلام عليكم
الاستاذ علاء سيف
كما قلت تماما في تحليلك ولكن ارتكبت بعض الاخطاء
المباراة كمباراة في كرة القدم تهم قطاع عريض من الشعب من فقراء واثرياء
ليس من حقكك او حق غيرك مصادرة فرحتهم اي كان عددهم طالما كان بشكل غير مبالغ فيه
دعهم يفرحوا ان فازوا وعليكم بمواساتهم ان خسروا
لا يا رجل اخطأت وعليك الاعتذار ما هكذا نصادر اراء البعض وفرحة البعض
وكل ما ذكرته حضرتك ثقافة البعض من شعب مصر لا يقبل الاخر حتي ولو كان مشجع مسلم مصري كروي
اتستكثر عليهم فرحتهم ان فازوا وماذا ستفعل ان خسروا
اخي لا اقصدك اطلاقا ولكن استغرب وجود طابور خامس يكره هذه البلد
وحتي ولو كنا نلتحف سماءهاوناكل من طينها ونرتوي من مجاريها
هي مصر
دعها تفرح يارجل
والزم بيتك ان فرحوا
واحزن ان خسروا
ابو جهاد عودة

[Bent 3bdo]

وانا بقول يارب مصر تكسب وعندى أسبابى
مش موضوع كاس عالم بقى والكلام ده
لا بالنسبه لموضوع كاس العالم
فبجمله مابقالنا 20 سنه ماصعدناش مش هتيجى ع دى
انما الموضوع كبر دلوقتى بقى أكبر م مجرد ماتش كورة
انا دلوقتى بقى نفسى مصر تكسب كرها ف الجزائر اكتر ماهو حبا ف مصر
بعد الاستفزاز بتاع الجزائرين
بيتكلموا علينا ع اساس ان احنا اسرائيل وتحريف القران والهبل اللى حصل
غير كده بقى
تصور بجد اللى هيحصل للناس هنا ف مصر لو لار قدر الله ماصعدناش
الناس م ساعه ماتش زامبيا وهى بتنام تصحى بتحلم بالماتش ده
واللى هيرحوا الاستاد والبهدله اللى اتبهدلوها علشان يجيبوا تذاكر وف الاخر كتير ماجابش بعد ما اتلطع مش اقل م 3 سااعات واتبهدل


ان شاء الله مصر تكسب وتصعد
والشعب يفرح وتبقى ليليه سعيده

الاستاد هايفتح من الصبح وهايتقفل حوالي الساعة 12

الاستاد هايفتح م اتنين ع فكرة

[هنا القاهره]

يادكتوره ان شالله يفتح من 6 الصبح اللى مش عاجبه ميرحش انا بكره الكوره بس اتمنى الخير لبلدى انما ادعى عليها دا شئ مستفز

[جاسمين33]

ان شاء الله مصر تفوز علي الجزائر

[اية رضا]

حرام عليك ايه اللى انت بتقوله ده انت للدرجة دى مش معترف بفضل البلد دى عليك سواء ده ماتش كورة او غيره مصر داخلة تحدى معين لازم كلها نتمنى الفوز طبعا ليها والنصر باذن الله وبرده لو خسروا هنقول هارد لك بس مش هنقول مبروك للجزائر لانهم زودوها اوى اوى بصراحة ولا حتى هنفرح ليهم احنا بس هنزعل على منتخبنا اتمنى بجد التوفيق من كل قلبى لبلدى

[Bent 3bdo]

ماعتقدش ان فيه حد ف مصر يتمنى خسارة الماتش ده
حتى لو قال كده
مع اول هجمه لمصرلا هتلاقيه قام وانفعل وحبه الهبل بتاع الماتشات المهمه دى
دى حاجه بتبقى غصبن عن الواحد

[ayadooo]

السلام عليكم
يا الهي فيه حد في مصر بيفكر بالطريقة دي
لا تستغربوا
ان حكمنا وقادنا يوما ما
هكسوسي او فينيقي او يوناني او روماني
او حتي انجليزي او صهيوني
او حتي مملوكي
عفوا يها الطابور الخامس
ساستطيع الفوز بعون الله
وطرد الغزاة
ولاتصادر راي ولا تسجن حريتي
انت انت لم تتغير
اتركك لبعض الوقت تساعد المدحورين
ولكن لا اتركك كل الوقت
انا المصري ان فزت او خسرت
ان انكسرت او نهضت
انا مصري وابي مصري وامي مصرية
لاتهم مباراة ان لعبت واجدت او تكاسلت وخسرت
لكن انت انت لم تتغير
الطابور الخامس الخاسر الوحيد في كل الميادين
ولا تستغربوا ان اشعلوا الفتنه الطائفية
وان اضاءوا الشموع لاستقبال الحملة الفرنسية
ابوجهاد عودة
مدرس اول لغة الانجليزية

[أيمن الوزير]

أستاذ علاء علي فكرة لست أدري والله ماذا أقول لك ؟ !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!

بصراحة أستفززتني بموضوع غريب وعنوان ............................. أرفض التعليق لأن لساني ما تعود السباب

[fares_alnile]

مع احترامي ليك يا أ/ علاء
انا اتمنى صعود مصر للمونديال ولو انت شايف اننا هنخسر بسبب اننا هنفوت صلاة يوم فالدين يسر ممكن نبقى نجمعها مع كل صلاة بمعنى ان ف اليوم التالي نصلي الظهر مرتين وهكذا واللي انت بتشجعهم دول حرفوا ف القرآن بسبب الماتش عشان يبقى عندك خلفية
ولو خوفك بسبب اننا لو فزنا الطريق هيتقفل وكلام من دة فتأكد اننا لا قدر الله والله لا يقدر ولا يكون في حالة الهزيمة هتلاقيها هي هي مقفلة واحتماال يكون فيه خراب كمان ومتقنعنيش ان الطريق هيتقفل عليك لوحدك يعني وان ف حالة الفوز تلاقي البرامج عظمت الاعبين دي حاجة مؤكدة وف الخسارة بنقلب ع الكل معااك ف دي وكلنا عارفين كدة وخلي بالك احنا م بنقلبش غير عشان عاوزين نفرح وهما بيكونوا خيبوا املنا فيهم فمتحبكهاش وتشجع الجزائر عشان اسباب من وجهة نظري ومع احترامي ليك تلاكيك وحاجات فاضية ...
وفي امان الله

[pureheart]

بجد الموضوع ده عاب انه يتعمل
انا مش مصدقة ان حضرتك مصرى

[sasadede]

بحبك يا مصر يا مصر و انتي الحقيقة... و انتي اغترابي و شقايا ... وانتي الجراح الرهيبة... و انتي اللي عندك دوايا ... علمني حبك عبارة سهلة و بسيطة و عفية ... شرط المحبة الجسارة... شرع القلوب الوفية بحبك يا مصرأنا ابن كل اللي صانك ... رمسيس و أحمس و مينا ... كل اللي زرعوا في وادينا حكمة تضلل علينا