اهلا وسهلا بك فى بوابة الثانوية العامة ... سجل الان

العودة   بوابة الثانوية العامة المصرية > الركن الإجتماعى > اجتماعيات طالب

اجتماعيات طالب قسم خاص بالطلاب للتعارف و تبادل المعارف و الحلول للمشكلات التعليمية

إضافة رد
 
أدوات الموضوع انواع عرض الموضوع
  #1  
قديم 29-12-2015, 01:38 AM
OmarHeshamThan OmarHeshamThan غير متواجد حالياً
عضو جديد
 
تاريخ التسجيل: Dec 2015
المشاركات: 5
معدل تقييم المستوى: 0
OmarHeshamThan is on a distinguished road
Impp مهم لطلاب عملى رياضة (متكسلش تقرأ)


الناس الطالع عنيهم فى الارض, محبى وجع الدماغ وطلعان العين والتفكير
بسم الله
دلوقتى مشكلة الرياضة مش فهمها زى ما ناس كتير كانت فاكرة, بالعكس دا احنا فى نص السنة اهو وفى ناس كانوا فاكرين ان الرياضة هى المشكلة وطلعت كل حاجة مشكلة ماعدا الرياضة
المشكلة الحقيقة فى الرياضة انك مينفعش تكون مطمن اوى وفى نفس الوقت مينفعش تعقد نفسك, بص\بصى من الاخر الرياضة سرها انها مش بتخلص, والرياضة مش منهج ولا كتاب, الرياضة تكاد تكون المادة الوحيدة فى نظام التعليم المنيل دا اللى بتعتمد على التفكير مش الحفظ..يعنى بالنسبة للمدرسين عيب انه يحط مسألة رزلة حبتين وطالب يسأله 'دى من درس ايه؟', لأن الطالب المتقن مبيحتاجش يسأل سؤال زى دا, ازاى بقا نوصل لمستوى الإتقان؟ هو دا موضوعنا !
أولاً مفيش حاجة اسمها 'غبى', الحوار كله انك محتاج مساحة تفكير تطلع فيها ذكائك وابداعك على شكل اجابة فى ورقة, ايوة هو ابداع صدقونى خلوا بالكم انها مساحة تفكير, يعنى تعتمد اساساً على التفكير, مش على الحفظ ولا على الحل الكتير اللى من غير ابتكار, لازم تدى لنفسك فرصة تحل بطريقتك انت, المسألة ما هى إلا مشكلة زى اى مشكلة انت بتواجهها, الفكرة انك بتاخد خبرة المدرس فى حل المشاكل عشان تعرف القواعد اللى هتمشى عليها وبعديها تحاول تعتمد على نفسك فى حل بقية المشكال..مش عيب ابداً انك تسأل وتزن عشان تفهم, العيب انك متحاولش تعرف عيوبك وتخاف وتهرب من التحدى اللى بتواجهه مع كل مسألة ايدك تقف عندها, حاول واعصر دماغك وابتكر عشان فى الاخر تعرف عيوبك وتصلحها وتكتسب خبرة اكتر.
ثانياً (ودا مهم جداً) اختيار مدرسين الرياضة غير اختيار مدرسين اى مادة تانية, لأن المواد التانية صعوبتها وسهولتها غالباً بتكون فى كترها او حفظها, والمدرس الناجح هو اللى ترتاح معاه ويحسسك ان مادته سهلة. فى الرياضة الموضوع مختلف شوية, مدرس الرياضة له دور كبير فى انه يوفرلك مساحة التفكير اللى قلتلك عليها, مدرس الرياضة الناجح هو اللى تلاقيه فرهود ويحب المرمطة والحل اللى مش بيخلص, استنى بس قبل ما تتعصب عليا هو لو المدرس دا يقدر يريحك وفى نفس الوقت يخليك تتفوق فى مادته هيمرمطك ليه؟ وبعدين بالمنطق كدا اللى داخل امتحان اخر السنة (سواء الامتحان سهل او صعب) وهو مستواه فى مستوى الامتحان زى اللى داخل الامتحان مهروس مسائل وشاف امتحانات انيل من كدا عشر مرات؟ كان غيرك اشطر ياعم المستشار
ثالثاً المزاج, الرياضة مزاج يا جماعة والله, اوعى تحل واجباتك لمجرد انها واجبات ولا تذاكر رياضة وانت مخنوق, اربط دايماً الرياضة المزاج الحلو عشان فى الاخر هتلاقى مزاجك بيتعدل لوحده لما تقعد تحل رياضة, خصوصاً بعد ما تتقن اللى بتحله وتحس انك متمكن بنسبة كبيرة
يارب كلامى يكون مفيد و ربنا يوفقنا ان شاء الله وتتحققوا كل احلامكم وتتفوقوا
محدش ييأس ربنا مبيضيعش تعب حد ابداً مستحيل

رد مع اقتباس
  #2  
قديم 09-01-2016, 10:30 PM
الصورة الرمزية ahmed_khalaf
ahmed_khalaf ahmed_khalaf غير متواجد حالياً
عضو جديد
 
تاريخ التسجيل: Sep 2015
المشاركات: 5
معدل تقييم المستوى: 0
ahmed_khalaf is on a distinguished road
افتراضي

حلو .........مع اني طالب في 1 ثانوي........الا ان المعلومات عجبتني
.....شكرا👍👉🖐✋
__________________
(:SmileTO Life(:
رد مع اقتباس
  #3  
قديم 15-01-2016, 08:44 PM
الصورة الرمزية زهرة زماني
زهرة زماني زهرة زماني غير متواجد حالياً
عضو جديد
 
تاريخ التسجيل: Sep 2015
المشاركات: 27
معدل تقييم المستوى: 0
زهرة زماني is on a distinguished road
افتراضي

جزاك الله خيرا
رد مع اقتباس
  #4  
قديم 03-03-2016, 09:25 AM
رضا الله غايتنا رضا الله غايتنا غير متواجد حالياً
عضو جديد
 
تاريخ التسجيل: Mar 2016
المشاركات: 1
معدل تقييم المستوى: 0
رضا الله غايتنا is on a distinguished road
Star

جزاك الله خيرا
رد مع اقتباس
  #5  
قديم 03-03-2016, 11:51 AM
Mr. Bayoumy Ghreeb Mr. Bayoumy Ghreeb غير متواجد حالياً
معلم اللغة الانجليزية
 
تاريخ التسجيل: Dec 2013
المشاركات: 9,749
معدل تقييم المستوى: 20
Mr. Bayoumy Ghreeb is on a distinguished road
افتراضي

جزاك ربي خيرا و بارك الله فيك
__________________
Minds, like parachutes, only work when opened
رد مع اقتباس
إضافة رد

العلامات المرجعية

الكلمات الدلالية (Tags)
ثانوية, رياضة, علمي, عامة

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


جميع الأوقات بتوقيت GMT +2. الساعة الآن 01:48 AM.