هشاشة العظام Osteoporosis

[DPT-Blue Phoenix]

السلام عليكم و رحمة الله و بركاته
بسم الله الرحمن الرحيم

" هشاشة العظام او ترقق العظام Osteoporosis "

-- قلنا قبل كدا ناخد بالنا من مصطلحين مهمين جدا و هما Osteoarthritis و دا يعنى خشونة المفاصل و اتكلمنا عنه قبل كدا ..
لكن دا مرض هشاشة العظام Osteoporosis يعنى ايه بقى المرض دا ؟!

‫‏هشاشة_العظام‬ : هو مرض ناتج عن نقص المعادن فى العظام و خاصة معدنى الكالسيوم و الفوسفور و بشكل خاص عنصر الكالسيوم لانه المكون الاساسى للعظام و بالتالى نتيجة نقص المعادن فى العظام دا بيقلل من كثافة العظام Osteopenia و يالتالى بيحصل هشاشة فى العظام بمعنى ان العظام بيكون عرضة للكسر و ضعيف و بيعمل الآلام من اقل وضع او لو جيت تشيل حاجة ..

-- المرض دا خطير جدا مش بس بسبب الآلام الى بيسببها لكن كمان بسبب ان بيخلى العظام عرضة للكسر بمعنى الكلمة يعنى العظمة تنكسر و دا طبعا لو حصل يعمل كوارث فى الحركة و علاجه صعب جدا جدا جدا ..

- ‫‏الأخطر‬ : لما بتقل نسبة الكالسيوم و باقى المعادن فى العظام احنا عارفين ان الكالسيوم ليه نسبة معينة فى الدم فلما بيقل الكالسيوم فى العظام بتتنقل كمية من كالسيوم الدم للعظام عشان تعمل تعويض و لما بتقل نسبة كالسيوم الدم بيحصل خلل طبعا و دا يؤدى لمشاكل تانية كتير لان الكالسيوم عنصر اساسى فى الجسم كله ..

‫‏اسبابه‬ ؟!
1- ال*** .. النساء اكثر عرضة للاصابة بالمرض من الرجال عشان اى خلل فى الهرمون الانثوى الى اسمه الاستروجين بيعمل خلل فى كالسيوم العظام و بالتالى برده بعد انقطاع الدورة الشهرية بسبب الخلل الهرمونى الى بيحصل للنساء بعد سن اليأس و نفس الكلام فى اثناء الحمل ..

2- الخمور و الكحوليات و التبغ و ما الى ذلك من انواع التدخين

3- الادوية المثبطة ياما للهرمونات الى بتتحكم فى نسبة الكالسيوم او العقاقير الى بتاثر على نسبة الكالسيوم مباشرة او اى حاجة بتاثر على فيتامين D

4- النظام الغذائى نفسه لو مفيش كميات كافية من فايتمين D او الكالسيوم فى الأكل

5- السن لانه كل ما الانسان بيتقدم فى السن من بعد منتصف العشرينيات تقريبا بتبدا نسبة الكالسيوم فى العظام تقل و بالتالى التقدم فى السن بيقلل نسبة الكالسيوم فى العظام و ممكن يعمل هشاشة ..

6- بعض الامراض زى سرطان الثدى عند النساء و امراض الغدة الدرقية و الكظرية ..
و غيرها ..

-- طبعا كدا احنا استنتجنا ان نسبة هشاشة العظام اكثر انتشار بين النساء عنها فى الرجال و اكثر انتشار فى كبار السن و كمان اكثر فئة ال*** الابيض الى البشرة بتاعته بيضاء من النساء و هما اكثر فئة عرضة للكسور كمان ..

‫‏كيمياء_و_فسيولوجى_الجسم‬ :-

تنظيم الكالسيوم بيتم بشكل اساسى عن طريق زى ما قولنا مجموعة هرمونات فى الجسم و فيتامين D :-

1- هرمون الغدد جارات الدرقية .. لانها بتزيد من تركيز الكالسيوم فى الدم و بتعمل انتقال للكالسيوم من العظام للدم بنسب معينة .. فلما بيزيد افراز الهرمون دا هيزود بالتالى كمية الكالسيوم الى هتتنقل من العظام للدم و تعمل هشاشة ..

2- هرمون الكالسيتونين ‫‏العكس‬ بيقلل من حركة الكالسيوم من العظام للدم عشان يعمل اتزان و بالتالى لو حصل خلل فى الهرمون دا او يعنى قلت كميته هيزيد نسبة الكالسيوم الى تتنقل للعظام و يؤدى برده للمرض ..

3- فيتامين D بيزود برده من معدل تركيز فيتامين D فى الدم ..

‫انواعه‬ :-



1- اولى : و دا بيكون حصل فعلا خلل نتيجة قلة نسبة الكالسيوم فى العظام


2- ثانوى : نتيجة بس لبعض الادوية الكيميائية و النظام الغذائى الى ممكن ياثر على نسبة الكالسيوم او المعادن فى العظام
....



‫‏العلاج‬ :-
1- باخذ مكملات غذائية تحتوى على فيتامين دى و كالسيوم او عناصر غذائية ..
2- الادوية الى بتظبط من نسبة الهرمونات فى الدم ايا كا الهرمون الى حصل فيه خلل ..
3- الامتناع او التقليل من الكافيين زى القهوة و الشاى و غيرهم من المنبهات و التقليل من المشروبات الغذائية ..
4- تحسين النظام الغذائى المتكامل ..


‫‏العلاج_الطبيعى_و_الرياضة‬ :-

-- عن طريف ممارسة الرياضة بوجه عام بيزود من كثافة العظام و يحسن امتصاص الكالسيوم و يزود قوة العظام لكن طبعا التمارين على حسب يعنى مينفعش يعمل تمارين عنيفة لانها ممكن تعمل كسر و على حسب الحالة نفسها ..

-- عن طريق برامج علاجية معتمدة بشكل اساسى على زيادة كثافة العظام و قوته ..

-- و يعنى بعض الابحاث بتقول ان بعض الاجهزة الكهربية او غيرها بتعمل على اعادة التوازن بتاع الكالسيوم عن طريق عمليات الجسم بالاقطاب المختلفة على اساس ان فى الكترود او كابل يحمل شحنة موجبة و التانى سالبة و كدا تقدر تعمل جذب او تنافر لايونات الكالسيوم فبتقول بعض الابحاث ان ممكن يكون ليهم دور فى الكسور او هشاشة العظام فى نطاق محدود لكن حكاية الفاعلية دى مش بشكل مؤكد فى الاجهزة ..

-- و يقال ان نقص هرمون الذكورة فى بعض الافراد ادى الى زيادة خطورة الاصابة بالمرض ..
و السلام عليكم و رحمة الله و بركاته ..