مين علوم الاسكندرية؟؟؟؟؟؟؟؟

[Nogha]

الحمد لله و بعد نتيجة التحويل تم تحويلى لعلوم الاسكندرية و طبعا متتخيلوش فرحتى و فرحة اهلى لأنى فعلا نفسى فيها من و انا فى 5 ابتدائى :Dرغم كل اللى سمعته عنها و كمية الشتايم اللى اخدتها

بس ما علينا


بس نفسى اعرف امتى اروح اقدم ورقى و ايه المطلوب و فين؟؟؟؟؟؟؟؟؟

المهم
مين بقى علوم الكس علشان نتعرف على بعض و نبقى صحبة ان شاء الله
و طبعا يا ريت بنات:D

و مبروك للجميع

[Nogha]

يا ريت برده تعريف كدة بالاقسام و التخصص بيكون امتى؟
يعنى نبذة كدة عن الكلية

اروح اقدم بكرة و اللا ايه رايكم؟ و فين؟ و المطلوب؟

معلش انا اسئلتى كتير اوى و زنانة اوى بس و الله من فرحتى عايزة اعرف كل حاجة عنها

[LA STELLA]

انا مش علوم
بس حبيت ابارك ع التحويل
مُبارك

،،،،
اعتقد ان التقديم يعنى بتروحى فى اى وقت طالما اتقبلتى فيها مش كدة ولا ايه ؟؟

[Nogha]

شكرا يا حبيبة قلبى

الله يبارك فيكى .مرسى اوى
و مرسى على اجابتك للسؤال

[Nogha]

ايه يا جماعة؟
محدش فى اسكندرية و اللا ايه؟

طيب ما علينا

دلوقتى انا رحت انهردة الكلية و قالولى اجى بعد 10 ايام علشان اسماء اللى حولوا لسا مجتلهومش. و قالولى كمان انه مفيش فلوس للتحويل . لأنى كنت فكرة ان اللى بيحول بيدفع 500 جنيه
عالعموم احسن
وفروا برده ههههههههههه

هو فعلا الكشف الطبى يوم 26/8
و هل اروح اعمله و انا لسا مقدمتش؟ و اللا لما اقدم الأول؟
و بيتعمل فين؟ برده فى كلية العلوم؟ ياريت اللى يعرف يرد ضرورى اوى عليا ربنا يكرمكم

[LA STELLA]

مش عارفة ايه التعقيد بتاع الكشف الطبى دا
!!!
بصى انا معرفش حاجة بصراحة عنكم خااااااااالص
بس اللى حصل عندنا فى حاسبات عين شمس
ان الكشف الطبى فى اى وقت بقدم فيه
حتى انا قدمت ورحت الكشف الطبى وكله كله فى يوم واحد

مش التقديم يوم والكشف الطبى يوم زى باقى الكليات كدة !!!

ربنا يعينك

[Nogha]

شكرا يا حبيبتى بس انا بسأل يمكن نكون زيك برده كله فى يوم و مفيش يوم محدد مش عرفة بس انا كنت قريت فى موضوع آخر ان الكشف الطبى يوم 26/8

ياريت اللى يعرف يفيدنا

و بعدين هو هنا مفيش حد فى علوم الكس واللا إيه؟

[Nogha]

لطلاب و طالبات علوم الكس (اللى انا حتى الآن مش عرفاهم) ههههههه
و

يمكن عمل إيميل على موقع الكلية
و بيكون
و

username@facofsc.com


و و متوفر بالموقع هذه الأشياء اللى انا نقلتهالكم و غيرها الكثير و بصراحة الموقع فعلا حلو رغم انه فيه كذا حاجة مش شغالة لكن معلش هو مفيد للى عايز يتعرف عالكلية

ان كنت ترغب فى المشاركة معنا دائما سجل بياناتك بلوحة الاعلانات (Message Board) وشارك بالقنوات المتعددة بها واطلع على اخبار الكلية يوما بيوم وانتظر نتيجتك وناقش علميا ودردش واحصل على دليل الطالب والمناهج الدراسية وبيع واشترى والتقى بالاساتذة واحصل على بريد الكترونى مجانى آمن من اعرق كليات مصر.. وانتظر العديد من الخدمات

Please if you are new visitor or member, be with us now and forever on our active Message Board and chat room where you can ask professors and they will answer you the best accurate academic answers or at least you can see and share the online discussion

For students; higher education and undergraduates, you will get your time table and exam results and you can contact all your professors here through mailing them or posting the question in the message board or meeting them through on line discussion on the chat room..

ده موقع الكلية
http://www.facofsc.com/main%5Fsite/

[LA STELLA]

بردو بلاحظ من مواضيع طب وصيدلة سواء كانوا عين شمس او القاهرة ان فيه مواعيد للكشف الطبى
مش زينا
" رغم انى عين شمس "
بس واضح ان الكلية بتاعتنا بس مدلعينا شوية فى الاول

و بعدين هو هنا مفيش حد فى علوم الكس واللا إيه؟

ادعى ان حد فى علوم اصلا يدخل الموضوع

-----------------
ربنا يوفقك ان شاء الله وتلاقى اللى يدلك

او حاولى تشوفى رقم تليفون الكلية من الدليل ولا حاجة
واتصلى استفسرى بنفسك كمان

[LA STELLA]

افتكرت حاجة بردو

هو فعلا الكشف الطبى يوم 26/8
و هل اروح اعمله و انا لسا مقدمتش؟ و اللا لما اقدم الأول؟

بالرغم من انه كله فى يوم واحد بالنسبة لى
بس رحت اقدم الاول
حتى بيدونى ورق بروح بيه الكشف الطبى اصلا
فعلى ما اعتقد يلزم التقديم الاول
مع ملاحظة ان دا استنتاج مش اكتر

فاتأكدى بنفسك واطلبى الكلية احسن

[Nogha]

ادعى ان حد فى علوم اصلا يدخل الموضوع

هههه ليه بس كدة ههههههههههه


شكرا يا حبيبة قلبى على اهتمامك

بالرغم من انه كله فى يوم واحد بالنسبة لى
بس رحت اقدم الاول
حتى بيدونى ورق بروح بيه الكشف الطبى اصلا
فعلى ما اعتقد يلزم التقديم الاول
مع ملاحظة ان دا استنتاج مش اكتر

فاتأكدى بنفسك واطلبى الكلية احسن

كلامك 100% صح و انا تاكدت من وحدة صحبتى قدمت و طلع ان المفروض التقديم الأول علشان الورق اللى بيروح الكشف الطبى

[سامى عزت]

أنا فى كلية العلوم جامعة الأسكندرية
أى خدمة

[سامى عزت]

حأفيدك أوى أوى لأنى فى إتحاد الطلبة و فاهم فى خطوات التقديم

[Nogha]

شكرا ليك اوى يا استاذ سامى

انا رحت الكلية و قالولى اجى بعد 10 ايام علشان اسماء اللى حولوا من النت لسا مجتلهومش و انا معرفش اى حاجة فى خطوات التقديم و هل الكشف بيكون فى نفس اليوم

قلى يعنى اللى بعمله من اول ما ادخل باب الكلية لغاية ما اتخرج ان شاء الله هههههههه

فيه سؤال كمان
هو فيه قسم فى علوم بندرس فيه بالفرنساوى
اصل انا خريجة مدرسة فرنساوى و قلقانة اوى من الانجلش لأنى مش كويسة فيه

شاكرة افضالك و مرسى اوى

[سامى عزت]

أستاذ مره واحده أنا أكبر منك بسنه واحده بس يعنى داخل تانيه إن شاء الله عقبالك
بصى يا ستى لما تيجى كمان 10 أيام زى ما قالولك أنتي و حظك لو فى كشف حتعملى لو مفيش حتعمليه يوم تانى و بعدين بيبقى كشف هبل فى عبط هدفة يلمه فلوس و خلاص يعنى متشغليش بالك بيه
أما بالنسبه للfrancais للأسف كانت كدبة أبريل و مفيش غير anglais بس الكلية جامده أخر حاجة و مش حتندمى لحظة إنك دخلتيها إلا فى حاله واحدة وهى الطناش للدراسة