قسم عمارة فنون جميلة ومقارنته مع هندسة

[bahaaeldeen]

هنتكلم عن قسم عمــــارة في جميلة و هندسة, والفرق مابينهم, وطبعا في انحياز لفنون

ايه اللى يخليك تدخل قسم عمارة فى فنون جميلة مش فى هندسة ؟!! 🤔
علشاان :::

- ميزة رقم 1: ((الدراســة)):

- نفس المواد المعمارية و النظرية فى الكليتين.
- بس الميزة فى فنون جميلة إنك بتدرس مواد فنية زيادة بتنمّى عندك حاسة الفن و الإبداع فى العمارة.

- ميزة رقم 2: ((التخصــص)):

- فى هندسة بتدرس سنة إعدادى (من غير تخصص) ، بعدها بتتخصص فى قسم معين و بتدرسه باقى ال 4 سنين.
- بس خلّي بالك لو عايز تتخصص عمارة يبقى انت و حظك فى تنسيق اعدادى ، يمكن تجيب تقديرها و يمكن لآ ! ، فدى حاجة مش مضمونة للأسف 🙄
- لكن فى فنـــون جميلة .. أنت بتتخصص فى قسم عمارة رسمياً من اول سنة (اعدادى)
و بالتالى انت كدا بتدرس عمارة 5 سنين تخصص (اعدادى و 4 سنين)

- ميزة رقم 3: ((نقــابة المهندسين))

خريجين فنون جميلة عمارة تابعين لنقابة المهندسين زى خريجين هندسة بالظبط, وتصنيف (أ) كمان.

- ميزة رقم 4: ((مجــال الشغل)):

اوعى حد يضحك عليك و يقولك إنك مش مطلوب فى الشغل الخارجى ، و إن خريجين هندسة مطلوبين اكتر أو هما الأفضل !
الدليل ع صدق كلامي, إن الشركات و المكاتب الهندسية بيختاروا الأشطر و الأكفأ فى شغله, و اللى يقدر يفيد الشغل احسن.. فمحدش ممكن يكون أحسن منك غير بشغله مش بكليته
كمان انت بتكون متعلم ودارس كويس وفاهم الطرز المعمارية الفنية في فنون بشكل متوسع واحترافي أكتر, كمان برامج التصميم المعماري كلها عايزة فن وتصميم ودة اللى بيتمنى عندك أكتر بكتير في فنون يا بشمهندس.

- ميزة رقم 5:

اشمعنا عمارة دوناً عن كل الفروع الهندسية ، هى اللى بيدرسوها فى فنون جميلة؟!
عمرك سألت نفسك السؤال دا ؟ ..
هنجاوبك احنا

من الآخر عمارة هى القسم الهندسى الوحيد اللى بيتصنف كـنوع من انواع الفنون ، لأنه بجمع بين الهندسة و الفن .. علشان كدا خصصوه كقسم مستقل بذاته فى كليات فنون جميلة, كمان كتير من العلماء بيعتبروا ان عمارة أم الفنون (لا مؤاخذة ف كلامى مقصدش :D )
بس طبعا العمارة والتصميم المعماري محتاج فنان أكتر من مجرد مهندس يعني يبقي عندكم السينس بتاع التصميم وتعرف الطرز المعمارية والمدارس الفنية المعمارية ودة بيديك قوة أكبر طبعا

بالنسبة لمجموع الكلية بتاخد أقل طبعا من هندسة بكتير وكمان بتاخد حوالى 89% 90% ع الاقل وبتنزل مرحلة تانية
اخر سنة خدت في اسيوط 365 ونص وانت لو ساكن في القاهرة هتمتحن في الزمالك, ومش مطلوب غير انك تنجح القدرات وتجيب أقل مجموع خدته ف اسيوط وبعد كدة تعمل تقليل اغتراب وتدخل الزمالك حتى لو مش جايب المجموع ومن غير اعادة الامتحان.
اهم حاجة لازم تكون ممتحن قدرات قبل نتيجتك متطلع وتابع المنتدى

بالنسبة لدخول الكلية مش لازم تكون بتعرف ترسم او موهوب والموضوع دة هيضمنلك امتحان القدرات دوس هنا بسرعة