|
||||||
| اجتماعيات طالب قسم خاص بالطلاب للتعارف و تبادل المعارف و الحلول للمشكلات التعليمية |
 |
|
|
أدوات الموضوع | انواع عرض الموضوع |
|
|
|
#1
19-09-2015, 05:30 PM
|
|||
|
|||
خلاصة قرأتي وتجربتي في المذاكرة
بداية كده ،،،، بسم الله الرحمن الرحيم
أنا أخوكم محمود وهخش في الموضوع على طول عشان عارف أن أنت متعصب  مفيش عصبية ولا حاجة خليك زيي كووووووووووووووووول لازم عشان تبقى ضامن بإذن الله إن أنا هقدملك مضمون أو موضوع جديد وأطروحات جديدة لإنك عشان تدخل الموضوع ده يبقى أنت بتحب تتعرف على استراتيجيات جديدة في المذاكرة وكتييييييييييييييير جدا من الموضوعات التقليدية المنقولة اللي يمكن تعرضتلها ، فعشان كده خليك واثق بإذن الله إني هقدملك طرح جديد طب ليييييييييييييييييييييييييييه ؟! هيوااااااااااااااي ؟! عشان يا سيدي بالإضافة إلى خبرتي كطالب هتكلم على قرأتي بس أنا قريت عشرات المقالات في المجال ده إلى جانب 3 كتب وهم ادرس بذكاء وليس بجهد وده لكيفين بول وكتابين للطالب أمين محمود صبري وهما دليل الطالب العبقري و30 قانوناً للمذاكرة الفعالة ، ناهيك عن إني سمعت عشرااااااااااات الساعات سواء في المذاكرة أو الموضوعات اللي بتتعلق بالمذاكرة زي الإصرار والإرادة والذاكرة والذكاءات المتعددة ومجال التنمية البشرية بشكل عام وأشهر اللي سمعتلهم حلقات كان على رأسهم فعلاً الأستاذ الفاضل أسامة عز الدين وبالمناسبة ده راجل ما شاء الله عليه عنده عشرات الحلقات على اليوتيوب للغة العربية هيعجبك جداً ،إلى جانب الطالب أمين محمود صبري وأيضا المدرب الدكتور مرزوق الغنامي مؤسس نظام ادرس بذكاء أكثر وبجهد أقل ومن خلال قرأتي لكثير من المقالات سواء في المنتدى أو منتديات تانية عرفت طريقة عرضهم للمشكلة فبالتالي أنا متأكد بإذن الله إني هديك مضمون جديد وحصري لأعضاء المنتدي وزواره طبعاً استنوني بداية من النهاردة بإذن الله وهكلم معاكم عن تساؤلات الطلاب وازاي تبدأ بجد وصح تبدأ بذكاء وليس بعاطفة وازاي تواظب ،،، ومش محتاج تفاعل منكم المهم الموضوع يكون عليه عدد كبير من المشاهدات وده هيضمنلي بإذن إني مش هتعب على الفاضي من اليوم وعلى مدار 3 أيام بإذن الله يعني لغاية وقفة عرفات بإذن الله وكل سنة وأنتم طيبون يا حبايبي بالمناسبة أنا رايح بإذن الله 2 ث وعايز دعواتكم انتظروني والسلام عليكم ورحمة الله وبركاته
__________________
"قيمة الإنسان هي ما يضيفه إلى الحياة ما بين ميلاده وموته"
|
|
#2
19-09-2015, 06:40 PM
|
|||
|
|||
|
طيب يا رجالة اهوه وفيت بوعدي معاكم بس كنت بصلي المغرب وجيت عشان اكتبلكم أول حاجة
مشكلات الطلاب لو أنت بتسأل نفسك ازاي ابتدي وأفضل مكمل ، أركن معانا للكومنت اللي جاي خطة يعنيلو أنت بقى بتسأل ازاي اذاكر أصلا يبقى برضو تركن طيب أمال أسأل ايييييييييييييييييييه ؟ بص كتيييييييير جدا من الطلاب بيقولوا دايماً أنا محبط المواد كتيرة أنا بنسى كتييييييييييييييييير الوقت مش كافي طب على آخر الترم لما تيجي مثلا ومذاكرتش لقدر الله هتقول لنفسك هل أنا لو ذاكرت ربنا هيساويني باللي ذاكر واجتهد من أول السنة ؟ طب لو بتسأل نفسك برضو عن مشكلة بابا وماما طب واحدة واحدة كده يا ريس ، أول حاجة لو أنت محبط فرفش ومقدرش أقولك غير كده بس أصل الإحباط ده حالة نفسية ليها سبب وليها نتائج بس للأسف نتائجها معهد فني تجاري بس أهم أسببها وصدقني إنك باعد عن ربنا وده أهم خطوة فكن مع الله ولا تبالي لأنك عمرك ما هتتوفق غير من الله وبعد كده تبتدي تخلق جو جميل داخل الأسرة يعني تحاول تعد مع بابا وماما وتوضحلهم فكرتك توضحلهم هدفك توضحلهم خطتك واستراتيجياتك اللي بإذن الله هتاخدها دلوقت معايا ، لو محبط برضو من المذاكرة يبقى تعرف إن عندك حاجات أكيد متراكمة فلازم تبتدي تحط جدولك وترتب أمورك وبرضو هوضحلك كومنت كامل عن الجدول واستراتيجيات فعالة بجد تنفع مع أغلب الطلاب. طيب المواد كثيرة ؟! إطلاقاً يا ريس ، والصعب صعب على المعقد نفسه بس والصعب على الشاطر بيكون سهل طبعاً ، بس برضو المواد الكثيرة دي محتاجة خطة ودي برضو في كومنت جاي بتنسى كتير طيب خد بقى يا ريس وإديني عقلك في معلومة علمية بتقولك أنك هتنسى اللي ذاكرته بعد 24 ساعة بس اكيد مش كله عشان مبقاش مبالغ ، وهتنسى بعد أسبوع وممكن بعد شهر ، يعني لازم تراجع تاني يوم وبعد أسبوع وبعد شهر وطبعا ده بيرجع لذاكرتك ولذنوبك ، اه طبعا الذنب ده بيمثل عامل كبير جدا في التفكير وده حاجة عقلانية ربانية صدقني والله أنا مش واعظ دينيطب حد يقولي أنا هراجع 3 مرات لدرس واحد ؟! امال هذاكر الباقي وأراجع ازاي ؟! لا يا حبيبي منتا مش هتراجع الدرس بالنص أو بالتسميع ، كل اللي محتاجه تقرأ الدرس من 5 ل 10 دقائق يعني الحكاية كلها شهريا للدرس من 15 إلى 30 دقيقة بس بس هترتاح في الآخر بإذن الله والله صدقني وعلى فكرة مفيش ذاكرة ضعيفة ، الذاكرة غير مدربة ، ولو أنت عشت 70 سنة تتعلم كل ثانية معلومة يعني 864000 معلومة يومياً لما هتموت أصلا - بعد الشهر طبعا - مش هتبقى مليت ولو 25% إلى 50% من ذاكرتك والله يا جماعة الاعتقاد والتفكير في ذاتك ده هو اللي هيرفعك أو هيشدك ، واسمع مجرب وهقولك قصتي أو خبرتي بعدين وبالنسبة للوقت لازم برضو خطة طب ما الموضوع كله خطة أهوه ، عشان كده بإذن الله اللي جاي على مدار كومنتين تلاتة كده هيكون ازاي تعمل خطة ، ازاي تعمل جدول مناسب ، ازاي تبتدي صح ـ ازاي تبتدي بذكاء مش بعاطفة وازاي برضو تكمل حماسك ده استنوني دعواتكم
__________________
"قيمة الإنسان هي ما يضيفه إلى الحياة ما بين ميلاده وموته"
|
|
#3
19-09-2015, 08:04 PM
|
|||
|
|||
|
ماشاء الله عليك ربنا يجازيك خير .. كمل و انا واثق ان فيه ناس هتستفيد و هيترفع معنوياتها بعد الكلام ده بالذات اخواتنا اللي في 3 ثانوي ربنا معاهم ..
انا زيك برضه داخل 2 ثانوي 
|
|
#4
20-09-2015, 12:08 AM
|
||||
|
||||
|
انا داخله 2ث بردو
|
|
#5
20-09-2015, 12:15 AM
|
||||
|
||||
|
بص الكلام جميل مافيش كلام بس اللي لازم نتفق عليه ان مافيش حد بيعمل جدول مذاكره لغيره
حبيت اوضح معلومه بس بسيطه اكتر حاجه ممكن تنجح جدول مذاكرتك في البدايه بالذات اعتقد عدم تراكم المواد العلميه اللي بتذاكره يعني مش تربط حبل تفكيرك ب4 مواد باليوم ده غلط عشان تنجح جدولك حاول تخلي عقلك مستمر في مادتين ف اليوم وبالخص لو حاجه ادبيه مع علميه شكراا اتمني الاستفاده واكتر حاجه غلط وتاكد انها هتفشل تماما تقول لمدرسك اعملي جدول مذاكره.
|
|
#6
20-09-2015, 08:00 AM
|
|||
|
|||
|
اقتباس:
انتظروني
__________________
"قيمة الإنسان هي ما يضيفه إلى الحياة ما بين ميلاده وموته"
|
|
#7
20-09-2015, 06:33 AM
|
|||
|
|||
|
جزاك الله خيرا وجعله فى ميزان حسناتك
|
|
#8
20-09-2015, 09:13 AM
|
|||
|
|||
|
بسم الله الرحمن الرحيم ،،،، السلام عليكم ورحمة الله وبركاته
ازايكم يا شباب أتمنى تكونوا استفدتم من الكومنت اللي فات بس احنا في الكومنت بتاع النهاردة وزي ما بيقولوا اللي فات مات بس بجد مش عايز الاستراتيجيات دي تموت طيب كتيييييييييييييييييير جدا من الطلاب يجي يبدأ السنة ويقولك ده أنا هدغدغ الدنيا السنادي وهعمل وهسوي الهوايل ويجي بعد ويمكن أقل بطة بلدي مع احترامي للبط البلديأصل أنت ابتديت بحماس زائد جدا والحماس ده عمره ما هيستمر أصل أنت كنت عاطفي مش عقلاني اعتمدت على الأحاسيس والشعور ودي أصلا متقلبة طب الحل العاطفة مهمة جدا بس العقلانية أهم طب أعمل ايه ؟! بص يا ريس صل بنا على النبي دلوقت أنت لازم يبقى عندك كم وكم وعندك هدف كمي توصله وأدامه برضو كم ؟! ايه الكلام ده هبسطهالك هدفك الكمي يعني مجموعك نفسك مثلا تجيب 99% يبقى لازم تدي مذاكرتك عدد مناسب من الساعات ودي أول حاجة لازم تعرف الكم بالكم طيب أنت بتذاكر مثلا من ملازم حلو شوف عدد الصفحات في كل الملازم في كل مادة وابتدي اقسم عدد الصفحات دي على عدد ساعات على سبيل المثال احنا في 2 ث عندنا المفروض 6 مواد تضاف إلى المجموع لو كل مادة فيها 150 صفحة المنهج كله يبقى عندك عدد صفحات 900 في كل المواد علمياً متوسط الوقت اللي ممكن تاخده الصفحة هو من ربع لتلت ساعة يعني أنت محتاج حوالي 300 ساعة عشان تخلص المناهج طيب جميل بص يا ريس وده كلامي ل 2 ث إنما ثانوية عامة ليها نظام أعلى أنت يومياً ذاكر إما 5 ساعات طول ال 7 أيام أو تذاكر 6 ساعات على مدار 6 أيام وتريح يوم مش حارمك من حاجة أهوه يعني المفروض تنتج أسبوعيا حوالي 35 36 ساعة مذاكرة لو عايز أكتر مش مهم يريت بس استمر الأول على ده يعني لو جيت تحسبها أنت محتاج حوالي 8 أسابيع عشان تخلص المنهج كله يعني شهرين وحط الخطة اللي تريحك نيجي للبيذاكر من كتاب بقى ده عدد الصفح صعب شوية في الحصر على سبيل المثال مادة زي العربي عندنا 29 درس لازم تحددلك أنت هتخلص أمتى أول خلال كام أسبوع يعني مثلا هنقول أنت عايز تخلص بعد 8 أسابيع المناهج كلها فبالتالي العربي ده هيتقسم على 8 أسابيع يعني كل أسبوع محتاج حوالي 3ونص درس تذاكره وتحاول تراقب نفسك دايما أنت فين يعني بعد أسبوعين المفروض مخلص ربع المنهج يعني 7 دروس فبالتالي هتعرف أنت مشيت صح ولا لاء وتخلي الأولولية لو في امتحان طبعاً أو دروس متراكمة بس المهم تنتج أسبوعيا 35 ساعة لو زاد حلو لو قل لا تحبط نفسك المهم إنك ابتديت لازم كمان تاخدها في دماخك قاعدة ذهبية سواء في العلمي أو الأدبي لازم تحل ذاكر ربع ساعة وحل ساعة وتحدد برضو عدد الأسئلة يعني مثلا قلنا 35 ساعة في كل ساعة المفروض تنتج هنقول 3 صفحات يعني في ال35 ساعة المفروض هتنتج 105 صفحة وممكن لو 4 صفحات في الساعة تنتج 140 صفحة أنت وتركيزك في صفحات متاخدش خمس دقائق والمفروض تحدد عدد أسئلة تحله برضو أسبوعياً يعني لو أنتجت 105 صفحة حاول تحل أدامه 150 سؤال بمتوسط 25 سؤال لكل مادة بس طبعا يعني مثلا أ ب ج د ده أسئلة كلها يبقى اتفقنا لازم الخطة محددة بأرقام عشان تقدر تكمل صح ولازم تتابع نفسك كل أسبوعين لأنك لو حددت خطتك على 8 أسابيع زي ما قلت يبقى لازم كل أسبوعين تبقى مخلص ربع المناهج في الست مواد دي عقلك بيتعامل مع كم مينفعش يتعامل بشكل عشوائي يعني تعد على مكتبك تحدد بالظبط أنت هتحل كام سؤال هتذاكر أد ايه كم صفحة كل ده لازم خطتك تبقى متكاملة ومرنة كمان وتسيب وقت لامتحانات الشهور بالنسبة للثانوية العامة في إيجاز كده أنتم فهمتم الخطة لازم كم محدد بس النظام ده اسمه 888 يعني تقسم يومك على 3 فترات كل فترة 8 ساعات 8 نوم أساسي ممكن تبقى 7 أو 6 على حسب دماخك وبرضو الوقت اللي تحبه 8 مذاكرة وده مناسب جدا جدا جدا و8 دروس أو مدرسة وفي نظام برضو للجميع 20/80 يعني تذاكر بجهد 20% وتنتج 80% يعني متعدتش على الصفحة ساعتين ده عمرك ما هتخلص في حياتك صدقني واللي واقع منك بيتعوض في المراجعة والحل يا سيدي ونظام 40 120 200 يعني تذاكر أسبوعيا 40 ساعة وتذاكر 120 صفحة لو بتذاكر من ملازم طبعا وتحل 200 سؤال في أبسط من كده ؟! المهم أنكم تفهموا الخطة العامة أنك لازم تتعامل مع كم مع أرقام وأنت وخطتك بقى يا سيدي استنوني بإذن الله الكومنت الجاي وأسس تنظيم جدول للمذاكرة شكرا ليكم
__________________
"قيمة الإنسان هي ما يضيفه إلى الحياة ما بين ميلاده وموته"
|
|
#9
20-09-2015, 01:34 PM
|
|||
|
|||
|
للعلم يا شباب هي قراءتي مش قرأتي خطأ لا يمكن تعديله
__________________
"قيمة الإنسان هي ما يضيفه إلى الحياة ما بين ميلاده وموته"
|
|
#10
21-09-2015, 09:32 AM
|
|||
|
|||
|
بسم الله الرحمن الرحيم ،،،، السلام عليكم ورحمة الله وبركاته
ازايكم يا شباب يا رب يكون في منكم استفاد مما سبق المهم النهاردة زي ما وعدتكم هيكون كومنت بسيط جداً عن أسس الجدول بص يا ريس أول حاجة لازم لازم لازم الخطة اللي اتكلمت عليها في الكومنت اللي فات هي دي اللي هترتبلك الجدول يعني لو مش حاطت خطة محددة بوقت وبكم معين من الصفحات أو الدروس ، يبقى صعب عليك تعمل أي جدول طب الجدول لازم يبقى ايه؟! بص يا ريس القاعدة بتقولك عشان تعمل جدول لازم خمسة ميم يعني ايه خمسة ميم؟ يعني الجدول لازم يكون ممكن متوازن متوافق مرن مستمر ممكن يعني تكون واقعي وأنت بتعمل الجدول مش درس عايز ساعة تعمله ساعتين أو درس عايز ساعة تعمله في نص ساعة متوازن يعني متجيش على مادة عشان مادة تانية متوافق يعني متوافق بالنسبة لك في الوقت مرن يعني لو ضاع منك ساعة أو درس خلي عندك مرونة ، أو لو في أولولية لدرس فذاكره أفضل مستمر ، يعني حاول بقدر الإمكان يكون الجدول مستمر في الزمان ودي أسس الجدول السليم استنوني يا أخواتي
__________________
"قيمة الإنسان هي ما يضيفه إلى الحياة ما بين ميلاده وموته"
|
|
| العلامات المرجعية |
«
الموضوع السابق
|
الموضوع التالي
»
العرض المتطور
|
|
جميع الأوقات بتوقيت GMT +2. الساعة الآن 04:41 PM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
