حد يرد عليا بالله عليكو

[esooo mohsen]

انا دلوقتي م الفيوم وجاتلي هندسة اسيوط وناوية لما التحويل يبدا احول ان شاء الله دلوقتي انا معرفش التحويل هيبدا امتى بالظبط شوية يقولو الاسبوع الجي وشوية يقولو اللي بعديه والله اعلم بعد الاحداث الحالية هيكون امتى وانا معرفش اصلا التقديم ف هندسة اسيوط دي امتى ولا هينتهي امتى فانا خايفة افضل قاعدة كدة ويروح عليا التقديم ومعرفش ده عواقبه ايه وبردو مستحيل اضرب مشوار لحد هناك عشان اعرف التقديم امتى والمشكلة اني ماعرفش حد م هناك ويقولي هيبدا امتى فايريت اللي يعرف يقولي وينصحني بايه ف حوار التاخير ده والتحويل وكدة

[ÇàŹáЙοvã]

انا برده من القليوبيه وجاتلي هندسه اسيوط

ربنا يستر والتحويل يكون اعلي الاقل الاسبوع الجاي

بس الكليه لسه مفتحتش باب التقديم

انا كلمت واحد صحبي هناك وقالي لسه

وربنا يستر

[M..Elawady]

لسه باب التقديم مفتحش
ولا باب التحويل برده

بس باب التحويل لازم المتابعة من موقع التنسيق الالكترونى اللى انت منسق من عليه

[omar.ahmed3]

التحويل منتصف الاسبوع القادم

[Markkonii]

اولاً مفيش حاجة اسمها التقديم يروح عليك، انت اسمك متسجل فى الكلية اساساً يعنى انت مجرد بتروح تودى الملف بتاعك بس اسمك بيكون مسجل فى الكلية، و التقديم بيفضل شغال لغاية الدراسة. و التحويل لغاية دلوقتى بيقولوه منتسف الاسبوع القادم بس لسه ممكن يتأجل، و ان شاءالله خير