|
||||||
| إبداعات ونقاشات هادفة قسم يختص بما تخطه أيدي الأعضاء من شعر ونثر ورأي الخ... |
 |
|
|
أدوات الموضوع | انواع عرض الموضوع |
|
#1
07-03-2009, 08:49 AM
|
||||
|
||||
الجراحة والأمل نص في المليون ..
اندبحت نذفتك انتي
معاكي كل هوايا ليكي كلامي عنك عن عنيكي كل اللي كان ليكي هنا في قلبي كان ليكي اتنزف بعترف إن المخاطرة كبيرة جداً والجراحة رهيبة جداً والأمل إني ابقى عايش بعدها نص في المليون الأمل إني اعيش من غير ما أكون شايل في دمي انزيماتك روحك حياتك ضعفك سكاتك معدوم ضعيف شيء مخيف من غير لا بنج ولا حتى خبطة في راسي ادوخ والجراحة مش في اودة مجهزة بالترتيبات والأجهزة الجراحة ع الشط حالاً جوه كوخ واندبحت والمشارط ماشية عارفة طريقها فين بدأت تشيل صورة عيونك م العنين نجحت جراحة العيون يااااااااه صورتك خلاص برا عيوني والشاش على وشي مليني والانكماش والخوف بيعصف كل حتة في جسمي خايف لما شاش الجراحين يتشال .. هشوف؟ ويطوف يطوف ببالي كل مشهد بنا كان شايفه فاكره .. حافظ مكانه والزمان واتشال رباط العين لقيت صورتك بعرض البحر نايمة والبحر فاتح ليها حضنه واديه كتيرة وهي عايمة رايحة بعيد جوه قلب البحر دابت واندبحت حسيت بايد الجراحين والمشارط رايحة قلبي تفتحه عارفين هواكي ومطرحه وانفتح بيتك .. لقيت الجراحين والمشارط بيقولوا يااااااااااااااااه بقى فيه كده؟ في قلب واسع بالشكل دا؟ يااااااااااه ع الدفا شفوكي نايمة جوه بيتك بصولي قالوا نعمل ايه؟ رفعت ايدي بالموافقة خدوها بره قلبي واقفلوه خلوها تمشي بعيد يا عالم واقفلوه اقفلوا كل المسالك والدروب علموا قلبي يتوب يدوب شالوكي صحيتي .. أَخْدِنّي فين؟ انا عاوزة بيتي اخدني فين؟ كفاية صورتي اللي غرقت كفاية غبت من العيون أخدني فين ؟ سيبوني مش هعمل مشاكل مش هقرب مش هحاول سيبوني اعيش جوه بيت ملوش مثيل أخدني فين؟ والايدين الجراحين متعودين على الدموع متعودين ميرحموش مفيش رجوع سحبوها بره القلب هموا يقفلوه وهي تصرخ والقلب يصرخ والبيبان اتقفلت بنها وبيني واندبحت جددوا جوايا دمي نسوني اسمي نسوني امي نسوني همي اندبحت .. وقفت .. بصيت .. لقيتك توسلاتك تضرعاتك مشيت ونتي جارية ورايا جارية مشيت ونتي زاحفة ورايا جارية مشيت والأمل نص ف المليون اني اعيش بعد الجراحة ما تنتهي عشت قلبي آه مقفول بس عشت إنسان .. بسيط .. مقبول .. 
|
|
#2
07-03-2009, 09:00 AM
|
|||
|
|||
بجد جميلة اوي
شكرا ع الموضوع
__________________
والحب له قوانين آخري..!
|
|
#4
07-03-2009, 09:59 AM
|
||||
|
||||
|
اقتباس:
اقتباس:
|
|
#5
07-03-2009, 11:45 AM
|
||||
|
||||
|
والله وحشتنا مواضيعك جداااا
وموضوع جميل جدااااااااا كعادتك يا فنان حقيقى دائما بتمتعنى بمواضيعك المميزه ادامك الله لنا مبدعا دائما فى رعاية الله
__________________
صديقتى انتظرتك طويلا حتى فات الاوان فها انا امام جدار زمنى وقد ضاعت الامال
|
|
#6
07-03-2009, 12:44 PM
|
||||
|
||||
|
شكرا شكراً على مرورك وربنا ما يحرمني منكم يا أحلى مبدعين في الدنيا
|
|
#7
07-03-2009, 02:18 PM
|
|||
|
|||
|
نجم باشا
طبعا زعلان منك عموما انا جى قريب لأغوص فى هذا البحر الجميل المليىء بالنزف بس سؤال ع السريع المفروض نزف أم نذف لأنك بتقول نذفتك انتى أيهم أصح هل أنت صح؟ أى بالذال؟
|
|
#8
07-03-2009, 09:35 PM
|
||||
|
||||
|
بس بس بس بس
إيه ده يا أستاذ نجم ..... و الله شكلك ناوى تخلينا كلنا نبطل شعر مش هننفع كدة يا ريس كل قصيدة باكتشف انى مش بكتب شعر أساسا بجد انا مش عارف اقولك ايه على التحفة دى بجد أحلى قصيدة بالعامية قريتهالك يا أستاذنا حقيقى تستحق تكون ملك العامية ها هنا ما تغيبش علينا كتير و دايما منور الركن اللى انت بتحبه
|
|
#9
08-03-2009, 05:06 AM
|
||||
|
||||
|
اقتباس:
والله وحشتني وبالفعل عندك حق خطأ إملائي يا معلم هي (نزفت) بالزاي وليس (نذفت) بالذال وسأقوم بتعديلها حالاً جزاك الله خيراً وفي انتظار نقدك وغوصك في كلماتي
|
|
#10
08-03-2009, 05:08 AM
|
||||
|
||||
|
حسيت بايد الجراحين والمشارط
رايحة قلبي تفتحه عارفين هواكي ومطرحه وانفتح بيتك .. لقيت الجراحين والمشارط بيقولوا يااااااااااااااااه بقى فيه كده؟ في قلب واسع بالشكل دا؟ يااااااااااه ع الدفا شفوكي نايمة جوه بيتك بصولي قالوا نعمل ايه؟ رفعت ايدي بالموافقة خدوها بره قلبي واقفلوه خلوها تمشي بعيد يا عالم واقفلوه اقفلوا كل المسالك والدروب بجد رائعه جدا ماشاء الله عليك يا مستر ربنا يخليك لينا يارب
__________________
التوقيع مخالف مشرف Policy
|
|
#11
08-03-2009, 05:42 AM
|
||||
|
||||
|
اقتباس:
تسلم ايدك استاذ/احمد بس القصيدة دى فيها ان مفيهاش لغة عربية فصحى اصيلة  كده انت تتوقف اسبوعين تتعلم لغة عربية فصحى وبعدين نرجعك تان
|
|
#12
08-03-2009, 05:43 AM
|
|||
|
|||
|
اقتباس:
__________________
دع الايام تفعل ما تشاء ، و طب نفسا اذا حكم القضاء ، و لا تجزع لاحداث الليالى ، فما لحوادث الدنيا بقاء .
|
|
#13
11-03-2009, 01:52 AM
|
||||
|
||||
|
اقتباس:
ربنا ما يحرمني منك يا غالي يا عم دا انا على اد حالي والله وحشني الركن اوي اوي اقتباس:
اقتباس:
|
|
#14
11-03-2009, 01:53 AM
|
||||
|
||||
|
اقتباس:
 هتوقفيني اسبوعين ؟ماشي لما نشوف مين هيوقف مين اصبري وهتشوفي  ربنا ما يحرمني منك وشكراً بجد على ردك أبو دم خفيف :abdoog8:
|
|
#15
29-05-2009, 12:39 AM
|
|||
|
|||
|
اتوجد من تستحق هذا البيت الكبير وتعيش داخله بل تسيطر على الشاعر ،وتكون ملء العين والقلب ، تدخل داخله بل تستوطنه و في النهاية ......تخدعه.
و العجيب في الفكرةأن صاحبنا كان مستمتعا و أخير ا استيقظ من ثباته معلنا ذبحه العظيم . والأعجب قوله بعد نزفه أن الحياة بدونها وبعدها الأمل نصف في المليون ،وأعجبني:_ الجناس بين جارية الأولى و الثانية رائع وموفق فبعد ان كانت السيدة وصفت بالجارية الأولى ، أما الثانية فهى حالتها ولفظ اندبحت يدل على الخداع الذي وقع فيه الشاعر بحق الفكرة غريبة هل يتسنى ان يخدع انسان هذا الخداع ، على العموم هذه أعمالك دائما أفكارها جديدة ومتنوعة حمد لله على السلامة.
|
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 12:17 PM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
