|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#1
22-08-2008, 08:18 PM
|
||||
|
||||
مصر يا عبلة
انا كنت ماشى بس لقيت مقال للاستاذ ابراهيم عيسى عجبنى اوى قولت احطه الاول قبل مامشى
ولا كأن حاجة حصلت.. هذه ذقني لو أحس هؤلاء الفشلة الذين يعجزون عن إطفاء حريق في مبني، أو إنقاذ غرقي في مركب أو فراخ في إنفلونزا طيور أو آلاف الموتي علي أسفلت الطرق كل عام بأي تأنيب ضمير أو إحساس بالمسئولية أو حسوا علي دم وزارتهم واستقالوا وروحوا.. أبدًا كله تمام، ولا كأن حاجة حصلت، ولا كأن الفشلة فشلة ولا كأن المهملين مهملون ولا كأن الدولة دولة ولا كأن الفضيحة فضيحة ولا كأن المسخرة مسخرة، ثلاثة أو أربعة أيام والكل سينسي.. وسنعود لقناة الأهلي مشفرة أم مفتوحة!! لقد صرخنا علي زحام ومآسي طوابير العيش ثم زهقنا وسكتنا بينما استمرت أزمة العيش لكننا تعودنا عليها فقط. هيصنا وصوتنا علي أزمة البنزين «80» ثم اتهمدنا وتعبنا وتوقفنا عن الكلام عنها، لكنها مستمرة، فقط تعود السائقون وأصحاب السيارات، واعتدنا المشهد وتعاملنا مع الأزمة باعتبارها حكمة ربنا. هؤلاء هم المصريون كما أعرفهم وكما لا أحب أن أحبهم، يضعون قوالب الطوب علي بركة المجاري أمام بيوتهم بدلاً من الغضب من الرائحة والعفانة، شعب يتحايل علي العيش ويرضي بالإهانة عشان يعيش، هل دي عيشة؟ أبدًا. لكن عندما تربي شعبًا أكثر من ربع قرن علي السمع والطاعة والنطاعة السياسية، ماذا ستأخذ منه سوي هذا الرضا الخانع والبلادة تجاه البلاوي التي تنزل علي دماغ اللي جابوه! لما نظام يحكمنا وهو لا يوفر لنا اللقمة ولا الهدمة ولا جرعة الماء النظيفة ولا شمة الهواء غير الملوثة وبعدين يفضل يحكمنا كل ده! يبقي له حق مش بس يدلدل رجليه لأ، ده يستخف ويستهتر بالناس الذين يفعل فيهم كل هذا وهم ساكتون صامتون راضون وموافقون ومتوافقون! نظام حكم ينجح فقط في الفشل، لكننا نفشل في أن نكون مواطنين. المواطن في أي بلد محترم في الدنيا لا يمكن أن يرضي بعشرة في المائة مما يفعله فينا الحزب الوطني ورئيسه وابن رئيسه والفشلة المصاحبون والمرافقون، ومع ذلك مصر كلها حاطة كمامة في بقها وساكتة! يا ساتر، دي مصر يا عبلة.. لا.. لا ممكن أبدًا، مصر مش هبلة يا عبلة، وأرجو أن تبقي عند حسن ظني وتكون فقط بتستهبل! فعلاً هناك، مشكلة عميقة وخطيرة لو عايزين نتكلم بجد (علي فكرة ماكنتش بأهزر في السطور السابقة) فما يحدث من فشل يومي للحكم في أن يكون أي شيء له علاقة بالنظم الناجحة والمحترمة لا يدين هذا النظام، ما جري من فشل في إطفاء حريق في قلب القاهرة وفي مبني أثري وفي مبني مجلس تشريعي، لا يدين مبارك ونظامه ولا نظيف وحكومته ولا جمال وحزبه ولا الشريف ومجلسه ولا سرور وبرلمانه، ما حدث يديننا نحن، يدين المصريين ويهينهم أيضًا ويوجه صفعة مؤلمة علي ظهر (أقول ظهر ومش عايز أطلع فوق كده!) الشعب، ليه؟ لأننا ساكتون علي هؤلاء الفشلة ونترك لهم حكمنا والتحكم فينا! نعم هذا شعب يستحق أن يحكمه نظام لا يستطيع إطفاء حريق ولا إنقاذ غريق ولا حفظ روح فرخة. نعم هذا الشعب يستحق أن يحكمه مسئولون تحدث جرائم ال*** في الشوارع في عز النهار ولا يعرفون ال***ة، ويموت الناس علي الأسفلت ولا يملكون القدرة علي وقف النزيف، وتسكن السحابة السوداء في سمائه ولا يقدرون علي إزاحتها (آه بالمناسبة شفتم الصين لما كسرت السحاب في سماء بكين كي تقلل من نسب التلوث أثناء الدورة الأولمبية). نعم هذا شعب يستحق أن يظل رئيسنا علي مقعده 27 عامًا وأن يكون ابنه وريثه وأن يكون صديق ابنه محتكر الحديد وأن يكون صديق والده مُصّدر الغاز لإسرائيل. سيدي الرئيس مبارك، افعل في هذا الشعب ما بدا لك، فهو يستحق أسوأ من ذلك.. إذا كان هناك أسوأ من ذلك!
__________________
 تعبان بجد لو فيه حد لسه بيحبنى ياريت يدعيلى ان ربنا يهدينى |
|
#2
22-08-2008, 08:24 PM
|
||||
|
||||
عجبانى حكايه قناه الاهلى دى ..........وهى دى مصر يا عبله .........والله راجل جاب الخلاصه وموضوع فوق الممتاز...........مشكور ع نقله لينا...............وانا من يومين كنت ناويه اعمل موضوع ع جرس الفسحه مسابقه عد بردو بس عد لخمسه وقول مصيبه حصلت فى مصر عشان نعمل ارشيف فى المنتدى.................وفى فزوره فى ركن الازكياء متاكده ان مفيش مخلوق هيحلها بردو لسه محطتهاش قولى مصيبه سوده محصلتش فى مصر ................يلا انا جيه الموضوع ده تانى اما اشوف الناس هتقول ايه
|
|
#3
22-08-2008, 08:29 PM
|
||||
|
||||
|
حكاية الحريقة دى اول ما اتعملت قالوا ماس وبتاع انا قلت لنفسى كويس انها جت على الماس كنت فاكرة انهم هيقولوا (فار)عبر خط المشاه ودخل المبنى من غير ما يستاذن وطبعا اتكعبل فى سلك قام عامل حريقة وماس والمبنى كان هينفجر عظيمة يا مصر يا موضوعاتك يا محمد  بجد تسلم الانامل اللى كتبت الموضوع :D
__________________
 عجبتني كلمة من كلام الورق .. النور شرق من بين حروفها و برق حبيت أشيلها ف قلبي .. قالت حرام ده أنا كل قلب دخلت فيه اتحرق
|
|
#5
22-08-2008, 08:57 PM
|
||||
|
||||
|
هى دى مصر
هى دى بلدنا ميرسى على الموضوع
__________________
|
|
#6
22-08-2008, 09:16 PM
|
||||
|
||||
|
اقتباس:
فار عبر حط المشاه والله ممكن يقولوها اصل احنا فى مصر ههههههههههههههه شكرا على مرورك يا ترافل اقتباس:
كلها يومين والموضوع هيتنسى وهنرجع للكورة والاهلى والمنتخب واربعه صفر وكاس العالم والحاجات دى بس الفزورة بتاعتك دى محدش هيعرف يحلها هههههههههههه شكرا على مرورك يا بنوتة اقتباس:
شكرا على مرورك اقتباس:
شكرا على مرورك يا اسيل
__________________
تعبان بجد لو فيه حد لسه بيحبنى ياريت يدعيلى ان ربنا يهدينى |
|
#7
23-08-2008, 12:05 AM
|
||||
|
||||
|
نظام حكم ينجح فقط في الفشل، لكننا نفشل في أن نكون مواطنين
هو الراجل ده عرف منين  شكرا ليك يا باشا علي الموضوع اللي هنتمسك بيه ده :D:D:D:D
__________________
Mahmoud Wafaay
Control - Engineer Mansoura university  |
|
#8
23-08-2008, 12:37 AM
|
||||
|
||||
|
ياه ابراهيم عيسى
واحد عامل عندى زى احمد خالد توفيق كده كلامهم كله يوجع و يضحك المهم انا برده معترضه شويه على تيمه انا اللى جبت ده كله لنفسى عمرها ما بتقدم و لا ربع خطوه لقدام احنا خلاص حصل المحظور و مسكنا الباشا و برده بقول راس الحيه اقطعها تخلص من شر الحيه كلها مبارك مش ملاك و احنا مش ملايكه بس احنا لو متحملين جزء هو متحمل تريليون جزء انا صراحه كل ما بفكر فى الطريقه الجهنميه اللى متعايش بيها مع نفسه بستغرب قدراااااااااااااااااااااااااات يلا شكرا على تقليب المواجع مع انى بجيب الدستور دى كل اسبوع فى رعايه الله
__________________
 In God's care HaPpiLy eVeR aFtEr |
|
#10
25-08-2008, 03:56 AM
|
||||
|
||||
|
يااااااااااااااااه قلبت علينا المواجع والله يا محمد
لكن هيا دى مصر اول ما تحصل مصيبه تلاقى الشعب ثائر وايه مفيش بعد كده كمان شويه يشغلوه بماتش كورة ولا بتاع وتلاقيه نسى كل حاجه زى ما حصل مثلا فى موضوع رغيف العيش والبنزين والعبارة ...... الخ لكن هيا دى مصر هاتقدر تغيرها ولا تغير شعبها ابدا ميرسى يا محمد على التوبيك الهايل ده وخفف شويه يا ابنى هاتتمسك قريب ان شاء الله
__________________
 |
|
#11
25-08-2008, 10:00 AM
|
||||
|
||||
واللهي لو ابراهيم عيسي كتب طول حياته مافي حاجه هتتغير ،المصريين هما المصريين ،جبن وخوف من النظام و مشي جنب الحيط لغاية أما بقينا أجبن من الأرانب ، أجبن من اننا حتي نقول رأينا في الأرف و الهم والبهدلة اللي بنعيشها دي بعد ما كنا من سبعتلاف سنة أسياد البر و البحر ،دلوقتي يا خيبة تقيلة ،بقينا في أسفل سافلين وادي 100 رياضي راجعين من بكين معهومش غير ميدالية برونزية فقط وامتحانات ثانوية عامة بتتسرب عيني عينك و ناس بتقطع بعضها بالسلاح عشان رغيف عيش ومبني برلمان بيولع ( عقبال أعضاؤه) ......... و لسه ولسه اللي يعيش ياما يشوف علي رأي اللي قال
|
|
#12
25-08-2008, 10:48 AM
|
||||
|
||||
|
اه احنا متعودين من ابراهيم عيسي علي كدا ....بس المشكله انه بيخلي الدنيا كلها سوده ...وأيام وبنعيشها
__________________
Tawfeek Yahia Mohammed
Faculty of Computer & Information Science Mansoura University |
|
#13
25-08-2008, 01:20 PM
|
||||
|
||||
|
اقتباس:
|
|
#14
25-08-2008, 02:42 PM
|
||||
|
||||
|
اقتباس:
يومين وهنرجع للكورة  مين هيمسكنىهوا المنتدى متراقب ولا ايه ههههههههههههههه اقتباس:
__________________
تعبان بجد لو فيه حد لسه بيحبنى ياريت يدعيلى ان ربنا يهدينى |
|
#15
25-08-2008, 02:45 PM
|
||||
|
||||
|
اقتباس:
مهو جابلك الواقع كله مجايش حاجات سودا من بلد تانيه ولا حاجات خيال هوا جاب الواقع والحقيقه وكل الى بيحصل وهيحصل شكرا على مرورك يا تيفا
__________________
تعبان بجد لو فيه حد لسه بيحبنى ياريت يدعيلى ان ربنا يهدينى |
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 08:24 AM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
