مرتب العامل 1500 جنيه في الإسعاف

[أ.محمود مطر]

بلغني من أحد الزملاء بأن مرتبه وهو عامل في الإسعاف الطائر أصبح 1500 وبأن مرتب المسعف أصبح 2500 وأن هيئة التمريض زادت 250% .
التمريض زاد
الطبيب زاد
المسعف زاد
العامل زاد
الجيش زاد
امين الشرطة زاد
والمعلم
المعلم بياكل هباب
أين كرامتنا
أفيقوا يرحمكم الله والله والله بيضحكوا علينا بزيادات مش هتكمل غير 30 جنيه على الأساسي وفاضحينا في الجرايد وبيضحكوا علينا
بالله عليكم هل تم إعلان كادر أي فئة في الجرائد إلا كادر المعلمين
لو لم نطالب بحقنا الآن فلا قيام لنا بعد ذلك

[أ/محمد على عاشور]

نهدى هذا الخبر للمعلمين المعترضين على الاضراب ويدافعون عن الحلوانى مثل ابيهم
الاخ صاحب الموضوع فعلا مرتباتهم زادت ونحن لا نزيد الا كلاما حلوانيا يجلب لنا الامتعاض
لنا الله
تحركوا يا معلمين

[zeyadmaya]

الدكتور زاد و الممرضين زادوا و الهيئة و الكهربا و الزفت و النيلة و احنا مش محصلين حتى القطران

[قرشم]

كل ده بسبب الغنم

اكيد كل المعلمين فاهمين من هم الغنم


اللى بيخدوا اوامر من فوق علشان يطلعوا مظاهرة اللى بيتكل بعقولهم حلاوة


ثورة المعلمين يوم 10-9 ان شاء الله ناخد حقوقنا ومش عاوزين غنم معنا

[ابراهيم حمدى 1]

لينا ربنا يا محمود

[foash002002]

المشاركة الأصلية كتبت بواسطة ابراهيم حمدى 1

لينا ربنا يا محمود

ونعم بالله ولكن ان الله لا يغير ما بقوم حتي يغيروا ما بأنفسنا واحنا مشكلتنا السلبية والامبالاة وعدم الاهتمام بكرامتنا واحساسنا بالمسئولية كمعلمين وعشان كده موعدنا 10/9/2012 واضراب حتي يشعر اولو الامر بالمعلم

[عوض محمد حسن]

يااساتذتي الافاضل طول ما فيه واحد اسمه الحلواني يدافع عن الحكومة بشكل غريب المؤسسات كلها زادت بدون تدخل احد يقول ياجماعة بلدنا محتاجة كثير نستحمل شوية ليه نستحمل لان الاستاذ مفيش مشكلة بالنسبة لسيادتة مرتبه يكفية واحتمال الجماعة تعطية وكلامة دائما دفاع للحكومة سبحان الله اقف يا اخي بجوار زميلك اللي اكيد انته عارف ظروفه ولا تقف لمجاملة ولي العهد حسبي الله ونعم الوكيل اقسم بالله كرهت هذه المهنة بسبب امثال هؤلاء ويقول لك البلد في مشكلة اقتصادية لكن المشكلة لاتوجد للشرطة ولا الصحة ولا الجيش ولا ............................ز عموما من الاخر الاعتصام يوم 10 - 9 واضراب شامل ومفيش دراسة واللي مش عاجبة بضرب راسه في اقرب سبورة

[احمد عبد الرحمن مخلوف]

عيب المعلمين انهم يقنعوا انفسهم ومصر كلها انهم سوف يكسروا الدنيا وسيضربون يوم كذا وسيتاظهرون يوم كذا وفي الاخر تلاقي في المظاهرة 200 او 300 معلم من مليون ونصف معلم, وينتظرون ان يحضر لهم غيرهم حقوقهم الضائعة

[احمد رفاعى]

اقل مرتبات فى الدولة هى مرتبات التربية والتعليم
حسبى الله ونعم الوكيل