هندسة عين شمس ولا القاهرة

[totopopo]

ما هو الفرق بين هندسة عين شمس وهندسة القاهرة وايهم تفضل

[eng.taki]

عين شمس مؤسسة انتاج مهندس بجد
مصنع الرجاااااااااااااااااااااااااااااااااااااااااااااا ال

[salab]

أنا لسة مخلص ثانوية السنة ديه و اللى سمعته أن عين شمس الدكاترة فيها بيصعبوا و خلاص حتى لو الحاجة سهلة يعنى و بيفتخروا أن هما بيعقدوا الدراسة فى عين شمس من أول اعدادى كلها انجلبزى و القاهرة اعدادى عربى و بعد كدة انجليزى و أقولك الأهم اختار اللى أقربلك و ديه أهم حاجة صدقنى لو مثلا القاهرة بعيد عنك هتضيع وقت انت أولى بيه فى المشوار فاختار اللى أقربلك مع العلم ان الاتنين رائعين و الله أعلم

[eng.taki]

هي فعلا حتي الصعوبة عندنا بس في احترام عالي من الدكاترة
مستوي تعليمي كويس
هتتعب اه وهتحس انك بتاخد حاجات اكتر من زميلك في اي كلية
بس بطلع من الكلية فاهم
وحاجة كمان انا سمعت عنها بس معرفش علشان انا لسه في الكلية
ان هما مطلوبين في الشغل بره لان بره عارفين مستوي التعليم في هندسة عين شمس

[issac-newton]

شوف للأمانة , السؤال دا لما تسأله , هيرد عليك مهندس من عين شمس و هيقولك أفضل , و هيرد عليك مهندس من القاهرة و هيقولك أفضل , لكن الأمر بسيط , اتفضل بجمع معلومات عن الكليتين , و شوف ترتيبات جامعة القاهرة و عين شمس و غيره من الترتيبات المآخوذ بها , و انت احكم بنفسك . و ان شاء الله تختار الصواب

[issac-newton]

بالنسبة لمعلومة الشغل برا , الخليج و باقي البلاد العربية , شهادة عين شمس او القاهرة محترمة فيها جدا , اما برا فا لازم تكون خريج قسم معتمد عشان ما تعملش معادلة , و بالفعل بدأت أقسام زي اتصالات القاهرة للإعتماد و ان شاء الله تاخده قريب انا معرفش عين شمس ايه نظامها في الاعتماد .

[totopopo]

أشكركم جميعا على الردود

[eng.taki]

المشاركة الأصلية كتبت بواسطة issac-newton

بالنسبة لمعلومة الشغل برا , الخليج و باقي البلاد العربية , شهادة عين شمس او القاهرة محترمة فيها جدا , اما برا فا لازم تكون خريج قسم معتمد عشان ما تعملش معادلة , و بالفعل بدأت أقسام زي اتصالات القاهرة للإعتماد و ان شاء الله تاخده قريب انا معرفش عين شمس ايه نظامها في الاعتماد .

انا الصراحة اللي اعرفه ياباش مهندس ان قسم ميكانيكا عندنا معتمد وواخد الجودة
انما باقي الاقسام مش عارف

[FirstMan08]

ملحوطة لو بتفكر في أقسام زي طيران أو بترول أو طبية أو كيمياء يبقي مش هتلاقيها غير في القاهرة =)
و بالنسبة للدراسة انا خلصت اعدادي السنة و كنت بشوف الدروس اللي أصحابي في عين شمس بياخدوها تقريبا المناهج واحدة بس هما بيبددأوا بالانجلش كله من أول سنة علي عكس عندنا بناخد معظم المواد عربي و علي فكرة في بعض الدكاترة بردو بتشرح بالانجلش في بعض المواد .. أما مسألة الصعوبة و السهولة و كده فانا مشوفتش بصراحة كل امتحانات عين شمس لكن حتي لو أصعب فالمستوي متقارب جدا ومش هتفرق كتير و بالنسبة للشغل مفيش فرق بين الاتنين و إن كنت انا اسمع ان اسم هندسة القاهرة أحسن لكن مش فرق كبير فأنت اختار الاقربلك و بردو روح شوف الكليتين و شوف هتحس براحة فين أكتر يعني ممكن تيجي القاهرة و متبقاش مرتاح للمكان أو العكس ..

[عمرو صال]

أنا بقى شخص محايد
أخواتى الاتنين فى عين شمس وأنا هخش القاهرة.... وده طبعا وجهة نظرهم
كل الحكايةان هما قالولى عين شمس يتقعد فيها خمس سنين أعداد مهندس perfect
يعنى تتحط فى أجدعها مشكلة وأصعب ظروف .. تخرج باداء 100 100
يعنى انت فكرك ان انت لما بتتخرج من عين شمس الشركات بتبقى عايزاك عشان انت بقيت مهندس ...
لأه .... علشان انت اعداد مهندس صح (الكلام ده من بقهم) وهما بعد كده يعلموك الهندسة
زيادة طبعا ان الدراسة بالانجليزى

ديه الميزة أما العيب ان أقسامها محدودة بالنسبة هندسة القاهرة
وهى ديه ميزة القاهرة ان اقسامها كتير ومجال العمل اوسع

فانا قلت اخش هندسة القاهرة وأحط عينى انشاء الله على الهندسة الطبية او الطيران
واشد حيلى ومع الايام هثبت نفسي انشاء الله واهو كله بالمجهود

وأخيرا انا عندى طلب من الباشمهندس محمود معز يقوللى ايه اللى حبه فى هندسة طيران
وياترى ايه أخبار سوق العمل بره و معهد أمبابة _اكيد انت عارفه_ اللى بيقولوا هو المنافس الوحيد
لأن ده قرار تحديد مستقبل
وشكرا وربنا يوفق الجميع

[همس الرومانسيه]

بالنسبة لموضوع مين افضل عين شمس ام القاهرة في الحالة دي فيه معايير لتقييم جودة الجامعة وقوتها على المستوى الاكاديمي واعلاها التصنيف العالمي لترتيب الجامعات ... وهنلاقي ان مصر فيها جامعات زي القاهرة وعين شمس والمنصورة داخل الترتيب ده ... لكن القاهرة كانت اعلاها في الجامعات العريقة ودخلت افضل 400 جامعة على مستوى العالم ... وجامعة المنصورة كانت الاولى عربيا واعلى 100 جامعة عالمية في الجامعات الاقل من 50 عاما

لكن المعيار ده مش معناه ان كل كليات الجامعة دي هتكون بالضرورة افضل من غيرها يعني ممكن تلاقي هندسة عين شمس وفقا بقى لمعايير تانية زي جودة وقوة المناهج التعليمية و كفاءة اعضاء هيئة التدريس ومعدل النشر العلمي ومدى نجاح الخريجين في سوق العمل خلال السنين السابقة كل دي معايير ممكن يكون فيها تفضيل لكلية عن اخرى ومع ان مفيش تصنيف واضح وفعلي على المستوى ده لكن تميل كفة جامعة عين شمس عن القاهرة مع تميز القاهرة بوجود تنوع في الاقسام العلمية وغيرها ... لكن تظل جامعات زي عين شمس والمنصورة اللي التدريس فيها من اول اعدادي باللغة الانجليزية واللي داخلين الاعتماد لكليات الهندسة وجامعة القاهرة وجامعة اسيوط من اقوى كليات الهندسة على مستوى مصر والانتماء لاي منهم هو فخر حقيقي لاي مهندس بشهادة سوق العمل نفسه .... اتمنى اكون افدتك