حصريا لطلبه حقوق القاهرة انتساب الفرقه الاولى محاضرات الترم الاول فيديو

[yassour]

احب اعرفكم بنفسى الاول انا ياسر حاصل على ليسانس اداب وحاليا لسه مقدم ف اولى حقوق انتساب المجموعه د طبعا ولحسن التقدير من رب العالمين والحمدلله موظف ف التعليم المفتوح وبفضل ربنا وظفتى هى تصوير محاضرات الدكاترة ف التعليم المفتوح ومؤخرا بعد الاحداث ال حصلت تقرر اننا ننشأ قناة للانتساب وبناءا عليه صورنا محاضرات لمعظم الدكاترة وخصوصا سنه اولى لكن مع ضيق الوقت لقينا انها من غير فايدة لانها مش هتلحق توصل للطلبه فتقرر انهم يصورو مواد الترم التانى افضل لان لسه قدامها وقت لكن الحمدلله انا مصور لحد دلوقت صوت وصورة طبعا 3 محاضرات علم اجرام ومحاضرتين علم عقاب وكام محاضرة كدة كمان اهو احسن من ما فيش وطبعا الموضوع دا حصرى لان المواد دى مش اتزاعت لكن هى معايا بس واحب اساعد بيها كل واحد محتاجها لاننا كلنا محتاجين للمساعدة وبالرغم من انى بشتغل ف الجامعه الا انى انا كمان محتاجكم ويا جماعه مش مطلوب اى مقابل كل واحد محتاجها ممكن يدخل على البروفيل وياخد الميل ويكلمنى وانا تحت امركم ولو فى اى حد شاف اى حاجه ممكن اساعدة فيها بحكم وظيفتى انا بردو ف الخدمه بالنسبه للجداول متهيالى كلامى متاخر اوى انما انتساب تقرر حضورهم اسبوع اة واسبوع لا وللتفاصيل ابقو بردو راسلونى


اة على فكرة ممكن اخوانى ال مش ف السنه الاولى اساعدهم بردو

[a7med_sale7]

شكراااااااا يا باشا بس فين هيا المحاضرات ارفع على الموقع علشان الكل يستفاد منها

منتظر الفديوهات

[yassour]

للاسف المحاضرات دى متسجله بكوالتى عالى المحاضرة خمسين دقيقه حوالى 12 جيجا فانا هضطر احولها لمساحه اصغر ممكن توصل ل 700 ميجا وبكدة ف كل الاحوال هتبقى كبيرة المساحه بتاعتها فكل واحد محتاج محاضرة يقولى هو الفرقه الكام واى ترم واسم المادة والمجموعه ال هو فيها وانا اضغط المحاضرات ال عايزها وف اول فرصه ممكن يجى الجامعه نتقابل وياخد الاسطوانات ويا جماعه الموضوع مش تربح نهائى وانا مش طالب اى مقابل بس المادة هتكون على اسطوانه يجيبلى مكانها اسطوانه لانى مش هقدر استخدم اسطوانات الشغل لغرض خاص دا حرام

[yassour]

ماشاء الله قارب عدد المشاهدات الى 90 مشاهدة ولكن لا يوجد الا رد واحد ماشاء الله يظهر ان والحمدلله الكل عامل حسابه و مذاكر ومش محتاج لاى حاجه ربنا يكرمنا ان شاء الله وتعدى السنه دى على خير و كل مجتهد يصيبه النجاح باذن الله

[saso5589]

انا مش لاقيه المحاااااضرات

[yassour]

يا اخت saso انا ماقولتش انها موجودة هنا او هرفعها لانى زى ما قولت المساحه كبيرة لكن ال عايزها يقدر ياخدها منى اسطوانات وبدون اى مقابل انا بس عايز اخدمكم

[المان 2]

السلام عليكم ورحمة الله

هاى ياسر ازيك تقبل مرورى وايضا اضافتي ليك كصديق ده بعد اذنك طبعا
واكيد يكون لية الشرف لو قبلت
انا يحيي رابعة انتساب حقوق وحاصل على بكالريوس تجارة القاهرة وزي ما انت عارف ظروف الشغل وكدة
فلو ممكن تساعدني اكون مشكور ليك جدا لانى النظام اللى عملوه ده محيرنى كتيييييييييييييييييير قوى
وشكرا ليك على كل حال
بيس مان

[amer lover]

مشكور جدا ياسر على مساعدتك الجميله دى

وانا يزيدنى شرف لو انتا قبلت اضافتى ليك كصديق

امير

كليه الحقوق جامعه القاهره الفرقه الاولى

[yassour]

يا جماعه انتو ال تزيدونى شرف اضافتكم ليا كصديق شكرا ليك يا امير وليك يا يحي وانا ف خدمتك ان شاء الله وربنى يقدرنى عليها
بالنسبه ليك يا يحى ابقى قولى بس ايه المساعدة ال محتاجها وانا تحت امرك

[المان 2]

اولا شكرا على قبولك لي كصديق لك وده شيئ يذدني شرفا
ثانيا كنت عاوز اعرف هل فى اى تسجيلات تمت لسنة رابعة ولو فى ايه هى المواد دى
elmangroup2000 ده ايميلى
على الهوت ميل
وشكرا ليك ياسر

[mmh232]

الأخ ياسر
جازاك الله خيرا
الميل الخاص بك جنة الحبيب على الياهوو ام الهوت ميل
الميل الخاص بى mmh232
على الهوت ميل
برجاء ارسال كيف يمكن مقابلتك فأنا فى سنه اولى انتساب مجموعه ج
ولك جزيل الشكر

اللهم اكثر من امثالك

[yassour]

يا جماعه احب اقولكم الخبر دا من هنا ورايح مش هيبقى فى تسجيلات خلاص للانتساب لانهم شايفين ف الجامعه ان الموضوع بتاع الانفلونزا كان مبالغ فيه وان الدراسه انتظمت وعلشان كدة مش هيسجلو تلفزيون للانتساب خلاص الخبر التانى ان الانتساب الموجهه من المقرر الغائه من العام القادم وهيبقى فيه حاجتين بس تعليم نظامى وتعليم مفتوح وانتساب هيفضل شغال بالطلاب ال موجودين فيه ال ان يتم تخرجهم لاخر واحد وينتهى الامر

ارجو ارسال الميل الخاص بك علشان اخد منك المحاضرات وليك عظيم الشكر

انا علاء المصرى والد زميل لكم وهو بيشتغل مايقرب من 18ساعة يوميا وطلب منى احاول احصل على محاضرات الترم الثانى للفرقة الاولى(ج)من فضلكم ساعدونى من اجل نجاح ابنى وشكرا