يا إدارة الكمبيوتر التعليمي بالوزارة.. هذه مهن معلمي الكمبيوتر وتكنولوجيا المعلومات

[عبد القادر69]

هناك مثل انجليزي يقول ( من يعرف كل شيء لا يتقن أي شيء )

هذا المثل يطبق بحذافيرة على معلمي الكمبيوتر وتكنولوجيا المعلومات، حتى أنه من كثرة المهن لا يعلمون ماهي مهنتهم الأصلية المعينين عليها بموجب القانون

وهذه عينة من مهن السادة معلمي الحاسب الآلي:
(1) معلم لمادة الحاسب الآلى، وهي مادة تحتاج إلى شرح عملي ونظري، وتصحيح امتحانات عملي ونظري( وهذا هو الأصل)
-
(2) أمين معمل حاسب آلى
(3) أمين عهدة معمل الحاسب الآلى
(4) مسئول صيانة
(5) عامل نظافة
(5) كاتب لدي مدير المدرسة لتحرير المكاتبات الإدارية على الكمبيوتر
--
فهل هذا الأمر:
(1) قانوني
(2) يتفق مع كرامة المعلمين
(3) يهدف إلى الصالح العام

الإجابة القاطعة ( لا )

ولذلك فالأمر يتطلب وقفة حازمة من معلمي الحاسب الآلى لأنهم ليسوا أقل من أي معلم مادة آخر، وإن تطلب الأمر مقاضاة الجهة الفنية المسؤولة عن تحديد اختصاصات معلمي الكمبيوتر.

يجب أن لا يخفت صوت معلمي الحاسب الآلي من الآن

[ragab87]

بارك الله فيك يا استاذ عبد القادر علي الموضوع ده
لان ده اللي بيحصل مع كل مدرسين الحاسب في الغالب ولازم تكون هناك وقفه حقيقية .

[norsam]

انا معاكم بس حد يقول نعمل ايه اذا الادارة بتقول اللى المدير يقول عليه هو الصح بدل ما يضايقك فى الرايحة والجاية ويتحكم فى الاجازات حد يقول نعمل ايه وانا معاكم
لان اى ورقة يطلعونى من الحصة عشان اكتبها كشوف 12 والنتائج وقوائم الفصول والامتحانات رغم ان فى 2 غيرى بس انا الوحيدة اللى عقد عشان كده بيتحكموا فيا

[hmddaly]

يطلعونى من الحصة عشان اكتبها




ha ha ha

[sakr.soft]

انا سمعت ان هناك نشرة بالكلام ده ياريت تبحثو عنها عشان يكون معانا مستند رسمي نقف عليه

[sheer2010]

يوجد قرارات لكن حبيسة الادراج وليست مفعلة وهي موجودة بالادارة العامة للكمبيوتر التعليمي
ولكن عندما تعترض على اي حاجة يقولك يا استاذ زيك زي اي مدرس في المدرسة والمدير ميعرفش حاجة اسمها الادارة العامة للكمبيوتر هو يعرف حاجة اسمها الادارة التعليمية والمديرية
يعني مثلا
تدخل احتياطي
تدخل كنترول
يحطوك في الاشراف
تكتب امتحانات المدرسة
تكتب ورق للجودة (ودي حكاية لوحدها)
تكتب ورق اداريات
تكتب ورق للسيد المدير والسادة اعضاء هيئة التدريس
ولما تيجي تعترض على اي حاجة تنكتب فيك مذكرة على طول من غير تفاهم
ولما يجي الموجه المدير ما يصدق يرصهم له
والادهى من ذلك ان الموجه يكتب في الزيارة ان ده ممنوع ولكن كلام على ورق ولا ينفذ ويحبس في الادراج
وهكذاااااااااااااااااااا

[وليد فوده]

المشكلة فى توجيه الكمبيوتر لا يقف بجانب مدرسيه على عكس توجيه المواد الآخرى مادة الحاسب الآلى بلا هوية وأصبح العاملين فيها هم كتبة المدرسة بجانب الجود ه والحكومة الالكترونية مع ملاحظة ان جميع مدرسة المواد الآخرى على علم بالكمبيوتر ولكن عند وجود شغل بيحصل عندهم جهل بالكمبيوتر مش عارف فيه علاج للحالة دى ولا ايه ؟

[وليد فوده]

ياريت يكون فى موجهين معانا علشان يردوا ويشاركون فى الموضوع

[سلسبيل**]

أحب أضيف إن معلم الحاسب الآلي هوالمعلم الوحيد الذي يمكن إنتدابه إلي ثلاث مراحل :
إبتدائي -إعدادي -ثانوي

[مدرس كمبيوتر]

ربنا معانا لا لنا توجيه عدل ولا يحزنزن كلهم محولين من مواد اخرى وهبطوا بالبراشوت وقفلوا علينا الترقيات ومحدش فاهم حاجة

[على باب الله]

ممكن سؤال انا باعقد مدرسه حاسب وجالى النهارده واحد من المتابعه من المدريه ودخل معمل الكمبيوتر ولقى الطلبه فى المعمل لوحدهم وللاسف كنت فى مكتب شؤن الطلبه ويوبك هيه دقيقه وكتب كده فى الملاحظه ممكن يلغوا عقدى بالله عليكم حد يرد وايه الضرر من كتابه ده فى دفتر الملاحظات

[محمد ألفين وتسعة]

كل الكلام دة بحصل معايا

[ساحرة القلوب]

فعلا كل هذا الكلام صحيح فانا مسئولة عن كل ما يكتب على الكمبيوتر من قواعد بيانات وحكومة الكترونية ومسئولة عن منهج ابتدائى واعدادى ودرجات ومع ذلك يقولوا تعاون مع المدرسة هذا فعلا ظلم بين يارب ارحمنا

[monna2001]

السلام عليكم ،
مشكورا التوجيه العام بالقليوبية اصدر نشرة بما تفيد ان مدرسى الحاسب الالى لا يسند اليهم لى من الاعمال الاتية ( الاحصاء - الكنترول - حصص الاحتياطى ماعدا احتياطي الحاسب - الاشراف ) و ذلك حتى يتمكنوا من حضور اكبر وقت ممكن بالمعمل و التدريب المستمر على المادة وفى حالة وجود زيادة فى عدد مدرسي الحاسب يمكن الاستعانه بهم فى الكنترول فقط

[عبد القادر69]

المشاركة الأصلية كتبت بواسطة monna2001

السلام عليكم ،
مشكورا التوجيه العام بالقليوبية اصدر نشرة بما تفيد ان مدرسى الحاسب الالى لا يسند اليهم لى من الاعمال الاتية ( الاحصاء - الكنترول - حصص الاحتياطى ماعدا احتياطي الحاسب - الاشراف ) و ذلك حتى يتمكنوا من حضور اكبر وقت ممكن بالمعمل و التدريب المستمر على المادة وفى حالة وجود زيادة فى عدد مدرسي الحاسب يمكن الاستعانه بهم فى الكنترول فقط

ممكن حضرتك ترفعي صورة النشرة لو تكرمتي