ايه اللى اقدر اعمله لمصر ام الدنيا والعيب على مين

[مصرية وبحب بلدي]

السلام عليكم


اولا احب اعرفكو انى انا بنت بس اللى سجلى هنا بابا
سالت حد سؤال بقوله انا نفسى اعمل حاجة علشان اوفى ولو لواحد على المليون من فضل امى عليا
ماتعرفش ممكن اعمل ايه؟
قالى زاكرى وانجحى واعملى حاجة تفيدها
قولتلوا ازاكر وانجح واتخرج وعارف ابقى كدة عملت ايه
ابقى زودت نسبة البطالة فيها
ولا اروح اتجوز واريح نفسي وابقى كدة ساعدت على الانفجار السكانى
حد يقولى انا ممكن اعمل ايه؟
بجد انا تعبانة جدا من الموضوع ده حاسة انى عاجزة ومتكتفة
وانا بحب مصر بجد ومستعدة انى افديها بروحى
واقسم بالله ان اللى بقوله ده مش شعارات ولا كلام وخلاص
شوف احساسك لما تكون بتحب حد اوى وهو محتاجلك وانت مش قادر تعملو حاجة
فما بالك بقا دى مصر امى وام الدنيا
انا مستنية ردودكم

[مصرية وبحب بلدي]

انا عارفة ان السؤال صعب جدا علشان كدة محدش رد

[مصرية وبحب بلدي]

ارجوكم حد يريحنى ويقولى اعمل ايه

[smsma81]

شكلك لما تكبري شويه حتبقي حاجه جامده اوي .بس بابا عنده حق لازم تذكري وتجتهدي عشان تنفعي بلدك .شوفي كام دكتور اتخرج وهو فاشل .وكام واحد مش سعر الدخول ليه اكبر من العلاج .كام مهندس خالف ضميره.كام مدرس مش عارف يربي الامانه اللي في ايديه.اللي انت منهم يا قطه.بس غير كده وقبل ما تكبري اوي ويبقي ده الهدف الاساسي شوف كام واحده زميلتك في الفصل او زميلك لو كنتي في ابتدائي ضعاف في ماده انت شاطره فيها واشرحيله .الماده وحلي اسئله معاه .كده يبقي شجعتيه .وفهمتي المعلومه اكتر وفدتي بلدك عشان ده حيبقي مواطن صالح انشاءالله بدل ما يفقد الثقه في نفسه .ورضيتي ربنا قبل كل شئ.وكوني مقتنعه انك مش بتذاكري عشان الدرجه.انت بتذاكري عشان تعرفي معلومات وعشان دماغك يبقي شغال.ومش تبقي زيي غيرك جاتله الفرصه وضيعها وسعتها حتكسبي حاجتين الدرجه.ونفسك

[أ/رضا عطيه]

كونى لربك قبل أن تكونى لنفسك -------------- شكرا

[مصرية وبحب بلدي]

انا متشكرة جدا على مروركم
بس الظاهر ان مفيش حد واخد الموضوع بجدية لان مفيش حد جاوبنى اجابة مقنعة
وانا مش صغيرة علشان حد يقوللى ياقطة انا فى تالتة ثانوى عام
يجد انا ابتديت افقد الامل فى كل الناس حتى اللى فكراهم مثقفين

[mohammedatef2003]

هتقدر تعمل حاجة فعلا

[مصرية وبحب بلدي]

بجد انا مخنوقة مكنتش متوقعة الردود دي
واحد يقوللى يا قطة وانا عندى 20 سنة
والتانى مش فاهمة قصدو ايه من الكلام اللى قاللو

[مصرية وبحب بلدي]

انا اقدر اعمل اى حاجة بس انت قوللى

[مصرية وبحب بلدي]

كونى لربك قبل أن تكونى لنفسك -------------- شكرا

مش فاهمة كلام حضرتك خالص وايه علاقة الكلام ده بالموضوع

[modym2020]

اولا : أنا أحييى فيكى الاحساس بالمسئولية تجاه وطنك
وفى الحقيقة حماس الشباب ورغبته فى الاصلاح يصطدم مع توجهات المجتمع ومؤسساته وذلك لعدم اتاحة الفرص المناسبة لاستغلال طاقة الشباب والراغبين فى الاصلاح

ولكن كل انسان يستطيع ان يساهم فى تقدم المجتمع قدر استطاعته وحسب مجاله

و البداية تاتى باصلاح الذات اولا

• الدنيا لا تنفصل عن الاخرة

1- الالتزام بمبادىء الاسلام واصلاح الدين اولا .

2-اصلح نفسك اولا ..بالمذاكرة والتفوق لانها الطريق الذى يصل بك الى وضع تكونى فيه اكثر قدرة على العطاء

• ليس التخرج زيادة فى نسبة البطالة فعندما يكون الخريج متميز سوف يفرض نفسه ليحصل على افضل المناصب ..

وليس الزواج والانجاب زيادة فى عدد السكان وذلك
عندما تكون الاسرة نواة لخروج جيل متميز يقدر المسئولية سينفع المجتمع ولن يكون عالة على غيره .

[توتاااااااااااااااااا]

شوفى بقى الرد المنتظر وبعدها لو عجبك ادعيلى

اولا:لازم تفهمى كويس انك مش هتقدرى تعملى اى شى بدون تاهيل وتدريب ((((((((((0عقلىومعنوى)))))))))))

والتدريب فين وازاى؟؟؟؟؟؟؟؟
اقلك يا قمر انا كانت عندى نفس مشكلتك ولقيت فكره
وعجبت مجموعه واشتركوا معى وسنبدا العمل والتدريب صيفاااااا 2010 باذن الله كلها ايام مش اكتر علشان الامتحانات

اللمكان / منتدى مجااااااااانى حزب شباب التنميه

http://hayat.banouta.net/forum.htm

عملته مجموعه رائعه وبنجهزه ليكون منتدى مجانى ثقافى هنفكر فيه وننظم افكارنا ونتعلم اللى ناقصنا ونعرف نبدا منين

ايد لوحدها متطورش
انشرى الفكره ورابط المنتدى المجانى
علشان نفيد بجد والافكار تزيد

اه صحيح اول ما تدخلى زورى قسم جيل التغيير والتنميه العقليه

وشوفى اول موضوع وحاولى تكونى صورة وهستنى رد فعلك
ونتقابل فى الصيف باذن الله وفقنا الله

اختك توتا

[مصرية وبحب بلدي]

انا متشكرة جدا على المرور
انا دخلت المنتدى دا يا توتا وهو جميل جدا صراحة ويارب نقدر نعمل حاجة ان شاء الله هاسجل فيه فى الصيف
هو انتى المديرة بتاعت المنتدى انتى فتاة الحزب ولا مسجلة باسم تانى وايه هو

[smsma81]

انت ازاي في تالته ثانوي ووالدك هو اللي مسجلك
وبعدين اللي بيوصل ل20سنه يبقي في تالته كليه .تالته ثانوي 16 حتي لو دخلتي المدرسه كبيره
وبعدين انت جايه تقولي كده وانت امتحانك يوم 12/6 ازاي انت بتهربي من المذاكره ولا مش محدده انت مين اصلا يا كبيره يا بتاعه تالته ثانوي

[مصرية وبحب بلدي]

اولا بابا هو اللى سجلى هنا لاننا كنا لسة جايبين الكمبيوتر جديد او بمعنى اصح كنا لسة مشتركين فى النت جديد
وانا مكنتش اعرف استخدمه
ثانيا انا دخلت المدرسة متاخر سنة وقسمت تانية ثانوى احسبيها بقى
ثالثا حاجة ماتخصش اى حد ازاكر او ما ازاكرش دى حياتى واظن انا حرة فيها
وانا ماسمحش لحضرتك انك تكلمينى بالاسلوب دة لانى ماقولتلكيش حاجة غلط
وبعدين حبى لوطنى وحرصى على انه يبقى احسن بلد فى العالم مش محتاج مكان او زمان
اللى بحسو بكتبو وكنت ف****و اهل انى افضفض معاكو بس ياخسارة محدش بيفهم حد صح اليومين دول
كل واحد يفهم اللى هو عايزو ومايهمهش صح ولا غلط