من النهاردة ..أنتـــــي .. الساحرة الطيـــــــــــــبة

[جمانة2]

السلام عليكم ورحمة الله وبركاته

اهلا وسهلا يا اجمل وارق بنوتات ومدامات في الدنيااااا
وحشتـــــــــــــــــــــــــــــــــــــــوني
راجعة لكم وكلي حماس اني باذن الله ازرع في حياتكم شجر الفرح وزهور السعادة ومتعة الحياة في موسوعة كبيرة من احدث الدراسات والافكار لاحلى واسعد حياة باذن الله




النهاردة باذن الله هنتكلم على
النفس الطيبة صاحبة القلب الابيض صانعة الفرحة
( الساحــــــــــــــــــــــــرة الطيــــــــــــــــــــــــــبة)






ياترى انتي طيبة ؟؟ ياترى قلبك ابيض ؟؟
هقولك على مؤشرين تحكمي بيهم انتي على نفسك
لو طلعتي طيبة يا بختك ... ولا طلعتي طيبة بس مش اوي ...تابعي معايا عشان تكوني اطيب الناس



النفس الطيبة هي اروع سمات الشخصيات الناجحة وتظهر جدا في



1/ الصفاء والقلب الطيب
قلب نقي لا يحمل كراهية ولا حقد ولا حسد لاي حد
قلب ينبض بحب الخير للناس جميعا
قلب يملك القدرة على العفو والصفح حتى على اكتر ناس ظلمته

2/ النفس الطيبة زي الشمس تعطي بلا حدود
ولا تنتظر اي مقابل الا من رب السماوات
نفس تمتلك القدرة على صنع الخير في كل مكان ودائما تترك العالم من بعدها افضل




من النهاردة انتي باذن الله هتكوني النفس دي
هتكوني شمس الحب والعطاء هتكوني صاحبة القلب النقي


وقبل ما اقولك هتكوني كدة ازاي
تعالي اعرفي الاول النفس الطيبة النقية بتفوز بايه في الدنيا والاخرة
عشان تحسمي قرارك وتنضمي لقافلة الطيبين

1/ راحة بال وسكينة وسلام داخلي ولذة الحياة السعيدة رغم اي صعوبات في الحياة


2/ تجذب لنفسها اضعاف ما تقدمه من الخير وفق قانون كوني مهم جدا
كلما اعطيت كلما حصلت على اكثر مما تعطي

3/ نفس قريبة من الرحمن ومن محبته وعفوه ورضاه ففيها من الشفافية
والنقاء ما يمكنها من الغرق في الحب الالهي
والايمان اليقيني


4/ تحقيق الاحلام والامنيات زي السحر تلاقي حاجة بتتمنيها
بتحصل بنفس التفاصيل ال تخيلتيها بالظبط جربيها وشوفي
بنفسك





تحبي تكوني طيـــــــــــــــــبة ؟؟؟؟؟؟؟؟؟؟؟؟؟ تعالي اقولك تعملي ايه


1/ كل يوم قبل ما تنامي
اصدري عفو شامل عن اي حد ظلمك او اساء ليكي وسامحيه
وقولي يارب سامحت عشان خاطرك ومتاكدة ان
الجزاء من *** العمل


2/ ادخلي السرور على قلب طفل
كوني سبب في ابتسامة طفل ويكون اروع لو كان الطفل ده محتاج فعلا للبسمة
والفرحة دي

3/ اتصلي باي حد من قرايبك او اصحابك بدون اي سبب
الا انك تقوليلها بحبك وتدخلي عليها السرور

4/ قدمي هدية بدون انتظار حتى كلمة شكرا وياريت تكون هدية
هتدخل السرور والسعادة الحقيقية على قلب من اهديتي

5/ لو واقفة في طابور طويل اتنازلي عن دورك لاي واحدة تانية
لمجرد انك تكوني سبب في سعادتها وماتنتظريش حتى
تسمعي كلمة شكرا او تشوفي فرحة في عيونها



6/ حاولي تزرعي فرحة في اي مكان تروحي فيه حتى
بابسط الاشياء انك تقولي مجاملة رقيقة او كلمة طيبة
او ابتسامة لطيفة

7/ كوني سبب في انسان او انسانة حياته اتغيرت للاحسن بفضل ربنا اولا ثم انتــــــــــــــــي




واهم حاجة وانتي بتعملي كدة
تخلصي نيتك لربنا انك بتعملي كدة لان ده دينك وده اسلامك
وده هدي المصطفى محمد صلى الله عليه وسلم
الذي جعل الجنة بكل نعيمها ومتعها جزاء لمن ادخل السرور على قلب مسلم




الواجـــــــــــــــــــــــــــب العمـــــــــــــــــــــــــــــــــــلي


هاتي كيس مصاصات او حلويات او بلونات او اي حاجة في استطاعتك وقدرتك وخليه دايما في شنطتك
وماتمشيش في اي مكان فيه طفل وخاصة اطفال الشوارع او الاطفال المساكين
واعطيه وفرحي قلبه واسعدي طفولته

او

ماتخرجيش السوق ابدا
الا وفي شنطتك حاجة حلوة بسيطة هتعطيها للست بتاعة الفجل والجرجير
وياريت ماتفاصليش معاها ابدا
بالعكس لو الواحدة بنص جنيه ادفعي 5 جنيه واحتسبي ان دي احلى صدقة ممكن تفرح الست الغلبانة دي
وياريت تديها حاجة تفرح بجد يعني شوفي ايه ال يفرحك انتي وحاولي تفرحيها هي كمان بيه
جربتي تديها ايس كريم مثلا ؟؟
ماتستغربيش يعني هي عشان غلبانة مالهاش نفس في الحر والمر ال هي فيه ده انها تفرح ؟؟

او


لو بتشتغلي وبتجهزي كل يوم سندوتشات للفطار
اعملي حساب واحد غلبان معاكي في الفطار كل يوم
ممكن السندوتش الزيادة ال هتعمليه يكون سبب في
تحقيق كل احلامك زي السحر



جربيها وشوفي حياتك كووووووووووووولها هتتحول لاروع حياة ازاي
وشوفي البركة والخير والرزق الكتير
والثواب والسعادة وتيسير الامور وزوال الهموم والنشاط والحب
كل ال تتمنيه هتلاقيه اول ما تكوني شخصية طيبة
جربي بيقين وهتلاقي النتيجة الخيالية يقينااااااااااااااااااااااااااااااااااا



وانتظروني باذن الله في اسرار كتيييييييييير جديدة في احلى حياة يطرح شجر الفرح وتزهر لنا متعة السعادة وبحور البسماااات



منقووووووووووووووووووووووووووووووووووووووووووووووو ووول

[Esraaesooo]

جميييييل جدا

[جمانة2]

مرورك اجمل اسراء

[aalaaabdelhamed]

رووووعة جزاكي الله كل خيير بحبك ف الله

[جمانة2]

وجزاك خيرا مثله الاءا يا قمر احبك الله الذى احببتنى فيه
وانا بحبك اوى

[اية عبد اللطيف]

رووووووووووووووعة
ربنا يكرمك ويحققلك كل امنياتك يارب

[جمانة2]

واياكى يارب يا ايه ويجعلك الخير والنصر والقبول فى الارض والسماء

[mo7med_2222]

يارب رحمتك بينا

[جمانة2]

شكرا للمرور الكريم

[نسيــــــم الجنـــــــــة]

ما شاء الله
....
ربنا يبارك فيكى ويجازيكى كل الخير

[مادوكا]

موضوع جميل جدا
...........
جزاكي الله خيرا

[جمانة2]

ويبارك فيكم ويجازيكم خير ويسعدكم يا بنات