جدول حصة المكتبة وخدمة المنهج

[duchess1]

أنا أعمل فى المرحلة الثانوية وفى الحقيقة مش عارفة أعمل جدول لحصة خدمة المنهج وهل هى للصف الأول فقط أم لكل الصفوف الثلاثة ولو فى حد عندة نموذج جاهز للجدول لو ممكن ينزل منة نسخة على الموقع الطلب دة ضرورى جدا جدا لأن الموجه بتاعى مش عارف حاجه وتوهنى معاة
وكمان جدول حصص المكتبة دة فى حالة انها تكون حصص غير خدمة المنهج أصل والله الموجة لخبط دماغى مرة يقولى ملكيش حصص مكتبة هى بس حصص خدمة المنهج وفى نفس اللحظة يطلب منى جدولين واحد لحصص المكتبة وواحد لخدمة المنهج
أفيدونى أفادكم الله

[duchess1]

فين الردود يا زملائى

[zaky zaky]

انا اعرف انه حصة المكتبة مطبقة عندنا فى التعليم الاعدادى اما فى المرحلة الثانوية فهى حصص خدمة المناهج الدراسية بحيث يكون لدى اخصائى المكتبة قائمة بالكتب التى تخدم منهج معين بالمدرسة وذلك بالاستعانة بمدرس المادة او المنهج ونفس القائمة تكون مع المدرس ويوضع جدول حصص لخدمة المنهج فى المواد التى تتوافر لها كتب كثيرة بالمكتبة
هذا ما اعرفة .......اسألكم الدعاء

[duchess1]

مشكور اخى انا قلت كدة الموجة معجبهوش كلامى
ومصمم على دفتر تحضير لحصة المكتبة وكمان جدول لحصة المكتبة غير جدول خدمة المناهج للثلاث فصول
مع انى اعرف انها للصف الأول فقط
يلا يعنى هى جت علية مهو كلة عك فى عك

[احلى شقاوه]

ياجماعه انا سمعت ان حصه المكتبه اتلغت
واصبحت من ضمن الانشطه
هو الكلام ده صح ولا ايه

[mohammed100100]

فى تحضير لحصة خدمة المنهج بالمرحلة الثانوية تقسمالصفحة الى اليوم التاريخ الفصل عنوان الدرس ما يدور بالحصة المهارات المكتبية اسئلة توقيع الاخصائى توقيع المدرس وطبعا فى منهج للتربيةالمكتبية للمرحلة الثانوية

[sliver1990]

انا برضو معاي نفس المشكلة ومش عارف اعمل ايه

[التوت والنبوت]

صحيح انما سمعت ان حصص المكتبة اتلغت وان حدول لحصص المواد لان المكتبة اصبحت نشاط من الانشطة الموجودة فى المدرسة فهل هذا صحيح ارجوكم ردوا علينا

[zaky zaky]

بالنسبة لى ...انا اعمل فى المرحلة الثانوية عندنا حصص خدمة منهج فقط وجدول خدمة المنهج يشمل الصفوف الثلاث
والسجل يشمل جدول الحصص للمدرسين الذين يوجد لهم بالمكتبة مصادر وكتب تخدم مناهجهم
كما يشمل السجل قائمة بالمواد الموجودة بالمكتبة لكل مادة من هذة المواد يمكن الاستعانة بها فى حصة خدمة المنهج
كما يوجد بالسجل ورقة توقيعات المدرسين تفيد حضورة لحصة خدمة المنهج
والله ولى التوفيق

[نجلاء عبد البديع]

شكرا ليكم جدا ... ورجاء نشر تصميمات لسجلات المكتبة ... وخاصة بعد تحويل سجلات معظم المكتبات المدرسية إلى سجلات الكترونية .

[MSTFI7]

يا استاذة ريحى الموجة واعمليلة دفترين تحضير وجدولين وختميهملة بخاتم النسر كمان هى دى مشكلة اهو يشوفهم ويتوكل على الله

[طلال سلومه]

الأخت الفاضلة تعقيبا على كلامك

ما زلنا فى ثانوى نستخدم دفتر تحضير حصة المكتبة ويقصد بها هنا دفتر تحضير المهارات المكتبية ( يوجد نسخة من توزيع المنهج فى النشرة الوزارية للإدارة العامة للمكتبات ) وهى على الصفوف الثلاث

أما الشق الثانى من استفسارك فلقد أفاضل الأخ الكريم زكى بشرح ذلك

على العموم من وجهة نظرى

أن تريحى الموجه وتعملى الآتى

قائمة بالكتب التى تخدم المواد الدراسية ( وتوضوع فى سجل مكتبات المواد ويحتفظ معلم أول المادة بنسخة منها

دفتر تحضير للمهارات المكتبية ( ال محدش اساسا بيدرسها خالص ) لأنها مالهاش فى الأساس حصص فى الجدول العام للمدرسة ...