ياجماااعه انا محتاااارة بالله عليكم تسااعدوونى

[asma semo]

السلااام عليكم ورحمه الله وبركااااااااااااااااااته الاول بس كده وكل سنه وانتم طيبييين يارب وكماااان مبروووك لكل بتوع الثاانويه العاامه
نيجى بقي للموضووع ........... اكييييد الجواااب باين من عنوااانه
حييييييرة كل طالب وطالبه ثاانويه عامه بعد ظهووور النتيجه
اكييييييييييييد نفس الموضوووع بيتكرر كل سنه بس بجدددد انا نفسي استفييد من خبرة النااس اللى اكبر منى ف الموضووع ده عشاااااااااان انا اكتششففت بعد كل عناء الثاانويه انى كنت بذاكر عشاان مجموع مش عشان كليه!!!!
ودلوقتى الحمدلله وصلت لمجمووع كووييس وجبت 99.75 % بس لحد دلوقتى مش محدده اي كليه وكل اما اقوول على اي كليه لاااااااازم ولااابد حد ييجى يطلعلى فيها القطط الفطسااانه ( بقييت بحس ان الحكاايه دى بقت وااجب وطنى على كل وااحد عشان يكرهنى ف الكليه وخلاص )
ومنااااش عارفه ادخل ايييه وكل الكلاام اللى اتوجهلى يتلخص ف الكلمتيين دول
اوعى تدخلى طب دى سبع سنييين درااسه هاتتفحتى فيهم مذااكرة وزيهم عشان الماجستيير وبعدين تبدئي تكونى نفسك على سن التلااتين ( هااار ابييييض )
اوعى تدخلى اسنااان دى مصااريفها كتييير وهاتتحايلي وتتذللي للناس وانتى ف الكليه عشان تعمليلهم اطقمه على حسااابك وكليه مقرفه وطول النهااار واقفه على رجليكى وف النهاايه كماان كتب ومذاكرة زى الكلياات التانيه( وانا اييه عليا الله الغنى )
اوعى تدخلى صيدلللله اصلك هاتمققي عنيكى وتذاااكرى من نااار ف حجاات مانتيش فاهماها اصلا وف النهاايه يافرحتى هاتطلعى بيااعه دوا ( قول والله العظيم؟؟ )
طب دلوقتى اعمل اييييييه انا يعنى اقعد ف البيييت انا مثلا؟؟؟؟؟؟؟ ولا اخدها من قصيرها وادخل سنتيين معهد خدمه اجتمااعيه ؟؟؟؟ هههههههههههههههه


بالله عليكم يااجماعه افييدونى يعنى م الاخر حااولو تحببونى ف اي كليه عشاان انا بجد محبطه ومااليييش ميول نحو اي كليه ( انا اصلا دخوولى علمى علووم كانت غلطه كان نفسي اوووووووى اكون رياضه واطلع مهندسه بتروول بس والدتى مرضتش )



والمهم دلوووووقتى بقي انا عاوزة نااااس م الكلياات التلااته تعرفنى نظاام الدرااسه ف كل كليه واييه اكتر حاجه دلوقتى مستقبلها مضموون علما انى بنت وعلى راي ماما (حببتى ماما دى والله ههههههه ) البنت ف النهااايه اخرها لبيتها ولعيااالها يعنى مش عااايزة ادخل كليه تاخد منى كل وقتى مستقبليا ويكون كل ده على حسااب بيتى وتربيه عياالى ( والله من كتر مابيقولو كده حاسه انى هعنس اصلا ههههههههههههههههههه )
خاااااصه ان ماما تعرف دكاااترة ستاااات شخصيا ووالدتى مدرسه بتقولى ان داايما اللى والدتهم دكتوورة بيكونو ملخبطيين ف نفسهم ووالدتهم مش بتهتم بيهم فبيخيبو دراسيا !!!!!!!!!!!!!! دى حكااايه عامه ولا دول ممكن يكونو حاجه خااصه كده وخلاااص؟؟؟؟؟؟؟؟؟؟؟


وانا اسفه جدا على الاطاااله بس بجد انا عااايزة نااس تكلمنى من (قلب الحدث) !!!!!!!!!!!!!! ويقولولى رايهم اييه ف الكليه بتاعتهم وانا اي كليه ف التلاته هتكوون اسكندريه ان شاء الله فياااريت اللى يعرف حاجه يفيدنى

[ابراهيم بهى]

بنتى العزيزة الف الف الف مبروك ليكى ويارب دايما فى تفوق وتقدم
كل سنة وانتى طيبة وكل الناس الطيبين المصريين بخير
بخصوص طرحك للسؤال المحير
انا مش شايف حاجة تحير
فين الهدف امال اللى كنتى بتذاكرى عشانه انتى فين طموحك؟
طاب فين مشورة ماما وبابا؟ فين القدوة اللى انتى بتسعى تكونى زيها؟
رايى الشخصى
أنا مستر ابراهيم بهى الدين مدرس انجليزى فى مدرسة بسيون الثانوية بنات
لو بنتى مكانك هحبب لها كلية الصيدلة
ليه؟
الدراسة قصيرة . مافيهاش سفر بعد التخرج . مش حتحتاجى للحكومة عشان تاكلى عيش.
وقتك ملكك . بيتك وعيالك قدام عنيكى . مجالها مفتوح بردو لو عاوزة تحضرى دراسات عليا.
المجتمع امامى:
اولاد الدكاترة معظمهم مهرولين . ولو لقيت بنت ولا ولد لدكتورة بيبقى منظر والله منظر بس بلا اخلاق بلا مادة علمية ((معظمهم))
كل حياتهم دروس خاصة مافيش ماما لأ فيه ام فلان الشغالة ماما دى الضبح قبل المدرسة فقط دا لو ماكنتش عندها سهر.
بنتى فى ظل عصر الفوضى اللى احنا بنعيشه فى بلدنا اختارى لنفسك الطريق القصير اللى يجيب دخل كويس ودى نصيحة من الاخر.
تحياتى ليكى والف مليون مبروك انا فرحان لك جدا.

[asma semo]

المشاركة الأصلية كتبت بواسطة ابراهيم بهى

بنتى العزيزة الف الف الف مبروك ليكى ويارب دايما فى تفوق وتقدم
كل سنة وانتى طيبة وكل الناس الطيبين المصريين بخير
بخصوص طرحك للسؤال المحير
انا مش شايف حاجة تحير
فين الهدف امال اللى كنتى بتذاكرى عشانه انتى فين طموحك؟
طاب فين مشورة ماما وبابا؟ فين القدوة اللى انتى بتسعى تكونى زيها؟
رايى الشخصى
أنا مستر ابراهيم بهى الدين مدرس انجليزى فى مدرسة بسيون الثانوية بنات
لو بنتى مكانك هحبب لها كلية الصيدلة
ليه؟
الدراسة قصيرة . مافيهاش سفر بعد التخرج . مش حتحتاجى للحكومة عشان تاكلى عيش.
وقتك ملكك . بيتك وعيالك قدام عنيكى . مجالها مفتوح بردو لو عاوزة تحضرى دراسات عليا.
المجتمع امامى:
اولاد الدكاترة معظمهم مهرولين . ولو لقيت بنت ولا ولد لدكتورة بيبقى منظر والله منظر بس بلا اخلاق بلا مادة علمية ((معظمهم))
كل حياتهم دروس خاصة مافيش ماما لأ فيه ام فلان الشغالة ماما دى الضبح قبل المدرسة فقط دا لو ماكنتش عندها سهر.
بنتى فى ظل عصر الفوضى اللى احنا بنعيشه فى بلدنا اختارى لنفسك الطريق القصير اللى يجيب دخل كويس ودى نصيحة من الاخر.
تحياتى ليكى والف مليون مبروك انا فرحان لك جدا.

شكرا لحضرتك وكلامك فعلا مشجع جدا وانا حاسه انى فعلا مقتنعه بكلام حضرتك بس ماهى اسناان كمان الدرااسه فيها قصيرة ونفس سنوات الصيدله بس الفرق انها مجهوود بس خلال سنوات الدرااسه اكتر من الصيدله وانى ممكن افتح عياده واكون بين عيادتى وبيتى
يعنى بكده هيا بتجمع مميزات الصيدله (فيها كل المميزات اللى حضرتك قلتها ) ومميزات الطب (انك دكتوور ولك عيادتك ) ف كليه واحده

[Lyonenyo]

رأيي الشخصي
انك هتفشلي في اي كلية من الثلاثة دول لو دخلتيها
والسبب انك مش محددة هدفك ومش عارفة انتي عايزة ايه
لااااااااااازم تحددي هدف ليكي في الحياااة
بعدين كل كلية طبيعي يعني ليها صعوبات -__-

[asma semo]

المشاركة الأصلية كتبت بواسطة lyonenyo

رأيي الشخصي
انك هتفشلي في اي كلية من الثلاثة دول لو دخلتيها
والسبب انك مش محددة هدفك ومش عارفة انتي عايزة ايه
لااااااااااازم تحددي هدف ليكي في الحياااة
بعدين كل كلية طبيعي يعني ليها صعوبات -__-

طيب تماام مانا كنت محدده هدف بس والدتى مرضيتش بمبدا ان (بنت ) تنزل الصحرا وتبقي مهندسه بتروول ومرضوش غير انى افضل علمى علوم عشاان من وانا صغيرة خاالص ينادونى ب ( دكتوورة ) وبعديين ماهو لازم مهما يكوون عندى هدف انى استشير اللى اكبر منى واخد رايهم وكنت ف تالته مش فاضيه بقي انى اشغل دماغي انا عاوزة ايه كل اللى انا عاوزاه مجموع يخلى كل الكليات قدامى وبعدين ساعتها ربنا يوفقنى وحسيت انى خايفه انى ادخل كليه تانيه ف دمااغي ومقدرش ادخلها او مجموعى مايجيبهااش احبط واحس ان دى نهاايه العالم فقلت خلااص كل اللى يجيبه ربنا هيكون اكيد هوا الخير وذاكرت على قد ماقدرت عشان ماندمش بعد كده وسبتها على ربنا ............. اظن انا كده مش غلطاانه وبعدين فيه ناس كتير اوى اعرفهم شخصيا كانو نفسهم ف كليات ومجموعهم وداهم على حاجه تانيه خاااالص واتدمروا نفسيا مع ان كلياتهم كانت كويسه خااالص بس عشان حاسين انهم ماوصلوش لهدفهم .......... ايه يعنى لما اخطط كل حاجه ف وقتها واخد الاموور ببساااطه وعلى فكرة حتى باي كليه هادخلها مش هارسم حيااتى كلها من دلوقت انا بس هاحط الاساسياات واللى علمنى الحكايه دى دكتور عيون كنت رايحاله بالصدفه مع اختى وقالى اتعامل مع الثانوى ده كانه سنه دراسيه عاااديه خاااالص عشان اللى بيحطو قدامهم حاجه واحده ويحسو ان ربنا مخلقش غيرها دايما بيحبطو وبيشيلو نفسهم فووق طاقتهم يكفينى انى اكون باعمل اللى عليا قداام نفسي ويكفينى انى اكوون راضيه عن نفسي !!!!!!!!!!

[soosoo_kotp2000]

بصى يا أسما

انا جبت 99.5 وبإذن الله هدخل طب وعندى هدف بإذن الله هحققه

بس انا عايزه اتكلم معاكى ف الهدف ده ( ممكن نشترك فيه سوا )

ده الفيس بتاعى لو عندك استعداد ابعتيلى رساله وانا هعملك add

ممنوع وضع اميلات او اكونتات شخصيه ف المواضيع والردود داخل المنتدي

[asma semo]

المشاركة الأصلية كتبت بواسطة soosoo_kotp2000

بصى يا أسما

انا جبت 99.5 وبإذن الله هدخل طب وعندى هدف بإذن الله هحققه

بس انا عايزه اتكلم معاكى ف الهدف ده ( ممكن نشترك فيه سوا )

ده الفيس بتاعى لو عندك استعداد ابعتيلى رساله وانا هعملك add

ممنوع وضع اميلات او اكونتات شخصيه ف المواضيع والردود داخل المنتدي

ياااااريت فعلا انا اللى محتاجه اتكلم مع حد قدي وهتكوون فرصه سعيده جدا ان شاء الله انى اتعرف بيكى وانا الاكونت بتاعى اهوه
ممنوع وضع اميلات او اكونتات شخصيه ف المواضيع والردود داخل المنتدي
وبعتلك اد باسم asma semo

[احمد السيد يوسف القاضي]

اخت صاحبى كانت جايبه طب بس اختارت صيدله

المهم انك تحبى اللى هتدخليه

[احمد السيد يوسف القاضي]

خير الامور الوسط اسنان

[asma semo]

المشاركة الأصلية كتبت بواسطة احمد السيد يوسف القاضي

خير الامور الوسط اسنان

انا فعلا قررت على اسنان ان شاء الله وحضرتك ادعييلي بقي عشان احنا طلعنا من نفس العيله
انا كمان من عيله القااضي

[احمد السيد يوسف القاضي]

المشاركة الأصلية كتبت بواسطة asma semo

انا فعلا قررت على اسنان ان شاء الله وحضرتك ادعييلي بقي عشان احنا طلعنا من نفس العيله
انا كمان من عيله القااضي

طب كووووووووويس والله يارب يوفقك لاحسن حال وصلى استخاره .....

العيله ليها فروع فى كل حته الشرقيه واسكندريه والقاهره بسم الله ماشاء الله

هو مجموعك كام

[asma semo]

المشاركة الأصلية كتبت بواسطة احمد السيد يوسف القاضي

طب كووووووووويس والله يارب يوفقك لاحسن حال وصلى استخاره .....

العيله ليها فروع فى كل حته الشرقيه واسكندريه والقاهره بسم الله ماشاء الله

هو مجموعك كام

اسفه ف التاخير على الرد
الحمدلله جبت 99.8%
وفعلا على رأي حضرتك العيله دى طلعت كبييييير أوى

[DrMostafa2015]

بصي يا دكتورة الف مبروك طبعا

في رد قبلي بيقول ان حضرتك مش محددة هدفك يعني من الاخر مش عاوزة -و كلمة عاوزة دي كبيرة- كلية معينة

اه انا مع الراي دة جدا مادام حضرتك مش عاوزة كلية مثلا طب لما تدخلى المحاضرات و تلاقيها محتاجة مجهود عشان تتفهم او تحاولى تحفظي التشريح و الهستولوجي و الفسيولوجي الكبير كل دة هتيجي في مرحلة هتلاقي الموضوع صعب اوي

هتقولي لنفسك بسهولة دي مش كليتي كان المفروض ادخل صيدلة او اسنان

و كذلك في اي كلية من الاتنين طالما حضرتك لسة ما عوزتيش كلية معينة

طب صعبة و اقسم بالله و أنا فيها

مش هتتخيلي صعوبتها غير لما تدخليها عندك استعداد و عاوزاها ادخلى و ربنا هيوفقك إن شاء الله

مش عاوزاها اوي و معلش في الكلمة اي كلية قمة استخسار مجموع و عشان ابقى دكتور يبقى فكري كويس لان الكلية دي الكسل و التعب و الاحباط فيها بيجيب ورا اوي فلو مش عايزاها ممكن تفكري في صيدلة

اسنان قريبة من طب بردو بس اسهل و عملى اكتر ممكن تفكري فيها برده لو حضرتك مش عاوزة و بقول عاوزة "طب"

معلش انا طريقتي في الرد دة حادة شوية عشان الفكرة بس توصل لحضرتك

[asma semo]

المشاركة الأصلية كتبت بواسطة mostafa salim

بصي يا دكتورة الف مبروك طبعا

في رد قبلي بيقول ان حضرتك مش محددة هدفك يعني من الاخر مش عاوزة -و كلمة عاوزة دي كبيرة- كلية معينة

اه انا مع الراي دة جدا مادام حضرتك مش عاوزة كلية مثلا طب لما تدخلى المحاضرات و تلاقيها محتاجة مجهود عشان تتفهم او تحاولى تحفظي التشريح و الهستولوجي و الفسيولوجي الكبير كل دة هتيجي في مرحلة هتلاقي الموضوع صعب اوي

هتقولي لنفسك بسهولة دي مش كليتي كان المفروض ادخل صيدلة او اسنان

و كذلك في اي كلية من الاتنين طالما حضرتك لسة ما عوزتيش كلية معينة

طب صعبة و اقسم بالله و أنا فيها

مش هتتخيلي صعوبتها غير لما تدخليها عندك استعداد و عاوزاها ادخلى و ربنا هيوفقك إن شاء الله

مش عاوزاها اوي و معلش في الكلمة اي كلية قمة استخسار مجموع و عشان ابقى دكتور يبقى فكري كويس لان الكلية دي الكسل و التعب و الاحباط فيها بيجيب ورا اوي فلو مش عايزاها ممكن تفكري في صيدلة

اسنان قريبة من طب بردو بس اسهل و عملى اكتر ممكن تفكري فيها برده لو حضرتك مش عاوزة و بقول عاوزة "طب"

معلش انا طريقتي في الرد دة حادة شوية عشان الفكرة بس توصل لحضرتك

لا بالعكس كلاام حضرتك مقنع جدا بس انا كل الحكاايه ان عندى ميول لاسنان وعمر الطب دى ماجاات ف دماااغي نهائيا ولو للحظه بس انا كتبتها عشان اقول بس الناس بتقولى ايه مش اكتر اما عن مصدر الحيرة فانا عايزة اللى ف الكليات نفسهم يقولولى رأيهم انا مقتنعه جدا بدراسه الاسنان ومقتنعه بكل حاجه فيها خااصه انى بحب الحياه العمليه جدا جدا بس فيه ناس بينصحونى بالصيدله وشايفين ان الاسنان ( مقرفه ) ف الشغل يعنى من النهاايه عاوزة اعرف اراء الناس هي فعلا كليه مقرفه ولا لاء؟؟؟ ممله ولا ممتعه ؟؟؟؟؟؟ كده يعنى وانا لقيت ان جامعه اسكندريه (هكون فيها ان شاء الله ) عامله ايفنت للاورينتيشن بتاع التلات كليات وناويه احضره باذن الله بس خلااص انا عامه قررت على اسنااان ان شاء الله وربنا يوفقنى ويكتبلي فيها الخير كده بس هروح بردو عشان الاساله واشوف الدكاترة ونظام الدرااسه والامتحانات والشغل

[hawass007]

اتكلى على الله و اشتغلى دكتورة