|
||||||
| حوارات ومسابقات ققسم خاص بالحوارت واللقاءات والموضوعات الخفيفة و المسابقات و الألغاز الهادفة |
 |
|
|
أدوات الموضوع | انواع عرض الموضوع |
|
|
|
#1
27-06-2014, 10:07 PM
|
||||
|
||||
يوم من أيام زمان ^_^
 ازيكم يا جماعة  كل سنة وانتو طيبييييييين رمضان يوم الأحد خلاص  يا ريت تكونو استعديتو للشهر الكريم  اممممم أنا مش عارفة أبدأ منين جوايا كلام كتير  نبدأ باسم التوبيك " يوم من أيام زمان " الحكاية وما فيها إنه كان فيه مجموعة من البشريين  كانوا بيدخلوا هذا المنتدى وصدف ان جمعهم الوقت والمكان في فترة 2011 و 2012 وما حولهما  وأنا كنت واحدة من هذه الكائنات البشرية  كنا مجموعة رائعة أو إخوات أو مثلا أسرة مع بعضشينا وكنا بنشارك كل حاجة مع بعض الجد والهزار  والعلم والكورة والحاجات الوطنية والمسابقات والنقاشات حتى الخناقات  كنا عاقلين أوي مجانين ملتزمين مشاغبين في نفس ذات اللحظة وكانت بجد أيام جميلة إتشاركنا حتى إحتفالاتنا بنجاحنا وأعياد ميلادنا  وعلى أيامنا المنتدى كان مختلف فعلا ( تحسوا إن تيتة بتتكلم )ومع إنشغالات الحياة والطبيعة الدنيوية كل واحد فينا انشغل ومبقناش بندخل  بس ذكريات المكان دا فضلت معايا ومنستهاش وإذ فجأة ألاقي المنتدى وحشني وعاوزة ادخل ابص بصة  واتفرج على الايموشنات ولقيت إن مش انا بس اللي وحشني لمة زمان كل ماكلم بنت من اللي كانو بيدخلو معانا الاقيها بتقول يا ريت الأيام دي ترجع تاني ومن هنا جاءت الفكرة واللي اضاءتها ف رأسي حبيبة اللي هي Heart beats صديقتي الصدوقة ورفيقتي الرفوقة  إننا نعمل يوم من ايام زمان نحاول نجمع فيه البنات اللي كانت بتدخل المنتدى تاني وكل اللي نقدر نتواصل معاهم ونعمل حفلة بقى وزيطة ونستعيد ذكريات زمان وكمان هنستقبل رمضان سويا  بس بقى عشان انا كدا طولت ورغيت كتير أنا مش هقول أسماء الناس اللي قدرنا نتواصل معاهم هسيبها كل واحد يعلن عن نفسه عشان تبقى مفاجأة حلوة بقى وكدا  بس حابة أكلم عن الناس اللي مقدرناس نتواصل معاهم للأسف وتحت بند "الغائب الحاضر " هنذكر شوية أسماء على سبيل المثال وليس على سبيل الحصر - أستاذ طاهر اللي هو T!to او عابر سبيل سابقا او Tahertaher سابقا للسابقا طبعا الكل عارفه كان مشرف ركن الأسرة قدم كتير للمنتدى وكلنا استفدنا من مشاركاته دا غير انه كان اهلاوي بقى يعني احسن ناس وكان يكتب شعر كمان ومن أشهر قصائده اللي كتبها لمامته ـــــــــــــــــــــــــــــــــــــــــــــــــ - سمر سعد و سمر love your life السمرين الجميلتين أحلى بنتين كانو شاغلين المنتدى كله بيهم نشيطتان ورائعتان ــــــــــــــــــــــــــــــــــــــــــــــــ - سلمى Hopeful Girl كان نفسي لما ادخل الاقيها واسلم عليها بجد بنت عسووولة اوي ووحشتنــــــــــــــي ـــــــــــــــــــــــــــــــــــــــــــــــ - صوت العقل من اول الناس اللي بحثت عنهم لما دخلت المنتدى كان نفسي تكون موجودة قدمت كتير للمنتدى وبنت قمة في الاحترام يا ريت ترجع تاني ــــــــــــــــــــــــــــــــــــــــــــــــــ ــــ - Zozza love عزة كلنا عارفنها وحشتني اوي وكان نفسي اقدر اتواصل معاها ــــــــــــــــــــــــــــــــــــــــــــــــــ ـــ - Lovely girl أمييييييييييرة برنسيسة قسم الاهلي اسمها اميرة وفعلا اميرة ــــــــــــــــــــــــــــــــــــــــــــــــــ ـــ - [COLOR="blue"]مايةCOLOR] , naira1 )"] وبنات كتير وحشوني بجد وأحب اني اذكر اسماءهم ــــــــــــــــــــــــــــــــــــــــــــــــــ ـــ - Mohamed helmy طبعا الكل عارفه المصمم الشهير والفنان الكبير ــــــــــــــــــــــــــــــــــــــــــــــــــ ــ - صوت الأمة الأستاذ أسامة كان أخ لينا كلنا ربنا يوفقه ويكرمه ــــــــــــــــــــــــــــــــــــــــــــــــــ ــ - Usernamo أستاذ أمجد كان من انشط الاعضاء ربنا يوفقه ــــــــــــــــــــــــــــــــــــــــــــــــــ ــ - عاشق البلانكو الابيض مع انه زملكاوي  بس كان عضو اساسي بردو ــــــــــــــــــــــــــــــــــــــــــــــــــ ــ - Golden eagle النسر الأهلاوي .. كان مشرف رائع وكان مضحك بردو ــــــــــــــــــــــــــــــــــــــــــــــــــ ــ - أبو تريكة استاذ محمد كان زملكاوي واختار لنفسه اسم تريكة دا تريكة حبيب الملايين بردو ــــــــــــــــــــــــــــــــــــــــــــــــــ ــ وناس كتير انا والله مش ناسية بس صعب اكتب كل الاسماء يا رب يكون الجميع بخير ويوفقهم لما يحب ويرضااه انا خلصت كلامي بس الموضوع طبعا لســــــــــــة مخلصش هسيب باقي الناس تتكلم بقى إبقوا معنا 
|
|
#2
27-06-2014, 11:29 PM
|
||||
|
||||
|
أحب أن أضع بصمة لى فى هذا الموضوع الجميل
بالفعل هناك الكثيرين الذين افتقدناهم فى هذا المنتدى إما لظروفهم الشخصية أو لاسباب اخرى نفتقد الاستاذة الفاضلة أم شاهندا التى اكن لها كل تقدير واحترام أفتقد كثيرا أخى وحبيبي أبو بطة الذى يدخل على استحياء أفتقد استاذى الحبيب مستر أسامه وكان مشرف على قسم حوارات نفتقد الغائبة الحاضرة صوت العقل اختنا مريم تلك الفتاة الخلوقة نفتقد كثيرا د/ رحيق التى كان من أبرز اعضاء المنتدى أفتقد الرجل الخلوق أستاذ اسامة (( صوت الأمة )) نفتقد أختنا تسبيحات نفتقد البنت الخلوقةى جدااااااااا (( لؤلؤة الإيمان )) ربنا يردها للمنتدى ثانية بعد انتهاء دراستها الثانوية نفتقد وبشده كبيرة فيلسوفة المنتدى الأستاذة سلوى كمال أفضل من عملت معى كمشرفة نفتقد العضوة لوجين21 تلك المشاكسة الحديدية هناك اسمااااااءكثيرة جداااااااااااااااااااا شكرا جزيلا يا دكتور آلاء تحيتى و تقديرى واحترامى
__________________
كنتَ كبيرا
فصرتَ أصغر مما كنت أتوقع هذا قدرك الحقيقى آخر تعديل بواسطة أبوبسملة ياسر خليفة الطحاوى ، 27-06-2014 الساعة 11:35 PM
|
|
#3
28-06-2014, 07:53 AM
|
||||
|
||||
|
اقتباس:
والله فكرتنا بناس محترمين يا مستر ابو بسملة
للأسف مستر أبو بسملة مكنش معانا في الفترة دي وانا تعرفت عليه بعد هذه الفترة وانا نادم جدا على اني لم أتعرف عليه قبل ذلك فهو نعم الأخ ونعم الصديق الصدوق وانا مش هتكلم كتير لأنهم كما يقولون من القلب للقلب رسول وانت تعلم ما في قلبي نحوك بارك الله فيك اخي الكبير كبير الطحاوية
__________________
يارب ارفع عنَّا وعن مصر الفتن ما ظهر منها وما بطن واحفظ بلاد المسلمين من كل شر وسوء يا أرحم الراحمين  
|
|
#4
28-06-2014, 05:15 PM
|
||||
|
||||
|
اقتباس:
أستاذ ياااااااسر
حضرتك نورت التوبيك وذكرت اسماء ناس غاليين علينا ربنا يبلغهم ويبلغنا رمضان على خير يا رب شكرا لمشاركة حضرتك الرائعة جزاك الله خيرا
|
|
#5
27-06-2014, 11:50 PM
|
||||
|
||||
|
هعهعهعهعهعهع اول كومنت من البنات
انا مبسووووووووطة جداااااا اني دخلت النهاردة وكان نفسي ادخل بدري عن كده بس النت للاسف عملها معايا بس وحشني كلامك يا بيت يا لولو والله ووحشني المسابقات الي كانت هنا وخناقنا الي ع طول ف كورة او غيره المهم انا رجعت وعاوزة دافع قوي اني ميخلنيش اسيب المنتدى تاني المرة الاولى سبته لما لقيت كل الناس مشيت ومافيش ولا دافع يخليني اباه موجودة لكت دلوقتي مش عاوزاها تتكرر تاني
|
|
#6
28-06-2014, 05:20 PM
|
||||
|
||||
|
اقتباس:
هي الدنيا جرى فيها ايه وانا مبسوووطة ان اسمك رجع ينور تاني يا زميلي ههههههه احلى حاجة انه كله واحشه الخناقات هي حاجة حلوة والله كانت بتعمل اكشن وتحالفات بقى ومتفجرات  لاء ان شاء الله هنعملك دافع وعندك واحد خناقة وصاية لعاشقة الطفولة نورتي يا جميل
|
|
#7
28-06-2014, 01:10 AM
|
||||
|
||||
|
احم احم انا جيييت من الواضح ان النت عملها معانا كلنا ومن الواضح ان فيه اجماع على كده اولا كل سنه وحضراتكم طيبين ورمضاااان كريييم ثانيا انا اول ما عرفت الفكره جالى كده احساس بالهييييييييييييييييييييييييييح ورشقت على طول اصل مش هيعرف قد ايه الايام دى كانت احلى ايام هنا الا اللى جربها وعاش فيها ومن حظى وشرف ليا انى من الدفعه دى وحشنى المنتدى ووحشنى جدا اللمه والاصحاب اللى كانوا هنا وكانوا اكتر من اخوات وحشنى قسم الاهلى وشجره الاهلى قصدى البستااان 4 او 5 اشجار لحد دلوقتى والبوم الصور وتوبيك التشجيعات وحشنى التخطيط والتكتيك للمواضيع والمفاجات فى قسم الاهلى بردو مع طاهر واميره والاء افتقدت كل الناس اللى كلهم اختفوا فجاه واللى كانو زمان سبب ان الواحد يدخل عالمنتدى ده قبل ما يفتح اى حاجه تانيهوكل سنه وانتم طيبين ويارب نكسب بكره
__________________
|
|
#8
28-06-2014, 07:17 AM
|
||||
|
||||
|
السلام عليكم ورحمة الله وبركاته استهل كلامي بالتهنئة بحلول شهر رمضان المبارك فكل عام وحضراتكم جميعا ومصرنا الغالية وأمتنا العربية والإسلامية بخير أعاده الله علينا بالخير واليُمن والبركات ثم أما بعد أوجه الشكر لبنوتة من أجمل البنوتات اللي عرفتها بالمنتدى خفيفة الظل شقية مرحة  لبقة مهذبة ذكية سريعة البديهة وفية متفوقة دراسياً أهلاوية تريكاوية بسم الله ما شاء ما بنحسدش يا ترى عرفتوها  طبعا هي الدكتورة آلاء التريكاوية بجد يا دكتورة آلاء لما ابالغ او اجامل في اي صفة من الصفات السابق ذكرها ربنا يعزك ويحميكي ويبارك فيكي هذا المنتدى عرفت فيه أناس كثيرون منهم من ترك أثر في نفسي ومنهم من مر مرور الكرام وبكل تأكيد يا دكتورة آلاء أنت ممن يصعب نسيانهم بسبب الحوارات الجميلة اللي كنا بنعملها بخصوص العريس المنتظر ومنافستك عليه مع باقي البنات يا تري حد فاكر مين العريس المنتظر ده لقد قضيت في المنتدى حوالي خمس سنوات ونصف تعرفت على الكثير والكثير على الحلو والوحش .. الصالح والفاسد .. النافع والضار .. وبلا شك لا يخلو مكان من هؤلاء واستفدت كثيرا علمياً وعملياً وفكرياً أجمل فترتين في هذا المنتدى الأولى تلك التي تحدثت عنها آلاء إبان إشرافي على الركن الاجتماعي الثانية تلك التي تبعتها مباشرة بانضمامي لمجلس الإدارة الفترة الأولى فقط لأن الفترة الثانية حدث فيها أمور كثيرة لم تعجبني وكشفت لي النقاب عن وجوه لم أكن أتوقعها للأسف وبسببها بعدت قليلاً عن المنتدى منذ مطلع هذا العام طولت عليكم اختتم كلامي بأني أتمنى أن أرى كل البنات والأولاد اللي كانوا يعيشون تلك الفترة الجميلة اللي اتكلمت عنها ألاء في هذا الموضوع والتي أعتبرها من أجمل الفترات التي عشتها على الإطلاق لأني لم أكن أشعر أنني في مجرد منتدى بل أشعر وكأنني على أرض الواقع وفي حياة اجتماعية فعلية بين اخواتي وبين طلابي الأولاد والبنات حيث كنت لهم الأخ والصديق والمعلم أخيراً اسأل الله ان يجعل ما قدمته بهذا المنتدى من خير في ميزان حسناتي وإن كان غير ذلك أسأله أن يسامحني وبمناسبة شهر رمضان أتقدم على الملأ بالاعتذار لأي شخص أظن أني اخطأت في حقه بقصد أو بدون قصد وأطلب منه السماح
وأنا مسامح أي شخص أخطأ في حقي بقصد أو بدون قصد وكل عام وأنتم بخير
__________________
يارب ارفع عنَّا وعن مصر الفتن ما ظهر منها وما بطن واحفظ بلاد المسلمين من كل شر وسوء يا أرحم الراحمين
|
|
#9
28-06-2014, 06:03 PM
|
||||
|
||||
|
اقتباس:
وعليكم السلام ورحمة الله وبركاته وحضرتك بخييييييير وبالصحة والسلامة يا مستر وجميع الاسرة بخير اللهم آمين يا رب اقتباس:
بجد يا مستر حضرتك احرجتني كدا وانا مش عارفة اقول ايه بس الكلام دا كتير عليا والله وشرف ليا ووسام أفتخر بيه (الكلام دا كبير )ربنا يخليك يا رب ويعزك اقتباس:
إنه حسوووووووووووونة خطيبي منذ نعومة اظافره احتفلنا بالسبوع بتاعه وبالخطوبة في نفس الوقت حد ينساه اصلا دانا صورته لسة عندي لحد دلوقت ولما اكون بفرج ماما على حاجة تشوف الصورة تقوللي مين حسن دا .. اقولها عيب عليكي مش عارفة خطيب بنتك اقتباس:
ياااه يا مستر
والله حضرتك فرحتني بمرورك الجميل دا وحضرتك قدمت الكتير وربنا يجازيك كل خير ـــــــــــــــــــــــــ فاااااااصل بقى ــــــــــــــــــــــــــوعن أستاذ أحمد (أبو بطة) حدث وافتخر أنا كنت منتظرة تشريفك عشان أقدمك بقى وكدا مفيش حد من الناس اللي دخلو المنتدى الا وكان مستر ابو بطة من اول الناس اللي عرفوه واحترموه من مشاركاته ونشاطه وعن نفسي يكفي اني اول يوم ليا في المنتدى لقيته كاتب قصيدة لمحمد أبو تريكة وهي كانت السبب اني قررت استمر في المنتدى دا وخلتني أحبه أستاذ أبو بطة كان أخ لينا كلنا وأستاذنا اللي بنحترمه كان مشرف ملتزم بالقوانين  وفي نفس الوقت أخونا كدا بيشاركنا هزارنا ومسابقاتنا وكل حاجةيعني قدر يوفق بين الشغب بتاعنا والقواعد والقوانين هنادا غير صلة القرابة اللي بيني وبينه دا حمايا وخالي في نفس ذات اللحظة معرفش ليه في اسلوبه بيفكرني بخالو وبجد حضرتك من الناس اللي صعب ننساها وأنا في تلك اللحظة مش بتكلم فقط عن نفسي أنا واثقة ان دا شعور الكل هنا ربنا يعزك ويوفق حضرتك ويفرحك بحسن وسهر وبطة وألف مبروووووووووووووووك على هالة ربنا يباركلك فيها ومتسألنيش عرفت منين احنا لينا مصادرنا الخاصة دانا ممكن اقولك اتغديتو ايه امبارح جزاك الله خيرا
|
|
#10
28-06-2014, 07:31 PM
|
||||
|
||||
|
اقتباس:
هالة .. هالة .. هالة
مين مين هالة واتغدينا ايه يا واد يا حسن دور كدا شوف في كاميرات في البيت لا بجد عرفتي منين ؟؟ بجد استمتعت بالحوار معك من جديد وفكرتيني بالزمن الجميل
__________________
يارب ارفع عنَّا وعن مصر الفتن ما ظهر منها وما بطن واحفظ بلاد المسلمين من كل شر وسوء يا أرحم الراحمين
|
|
#11
29-06-2014, 04:03 AM
|
||||||
|
||||||
|
اقتباس:
ايوووة صح يا مستر بحبهااا الدعوة دي ع اقتباس:
ايه السرعة دي يا مستر طيب حاضر هنبدأ ف المطبخ اقتباس:
انتخبو استاذ ابو بطة رمز الـ .. (خليه الحصان عشان بحبه )اقتباس:
ايوة دي القصيدة دي اصلا غالية عندي ههههههه يا بختي انا اني تريكاوية وبما اني الراعي الرسمي لتوبيك القصيدة فأحب اقول القصيدة موجودة اهي http://www.thanwya.com/vb/showthread.php?t=233269 هههههههههههه يا نهاري بجد انا تصفحت التوبيك .. ايه الجنان اللي أنا كنت عملاه دا  وخناقنا على بطة كمان هههههههههههههههه دا التوبيك دا لوحده عاوز يطبع ف مجلد ويتشال وبرده فضلت انا اول واخر حد يرد فيه اقتباس:
اممم صدقني مش عارفة بس هو خالو دايما يقعد يحكي ويهزر معانا كدا وانا بحبه جداا يعني اكيد وجه الشبه حاجة حلوة اقتباس:
ههههههههههه حضرتك بتقول لحسن يدور على الكاميرات
اذا كان حسن هو اللي قايلي اصلا دا بيقوللي اخباركو أول بأول حتى بالأمارة هالة بدأت تمشي كمان
|
|
#12
28-06-2014, 08:03 AM
|
||||
|
||||
|
اقتباس:
الدكتورة بسمة من أوائل الناس اللي عرفتهم ولفت نظري إليها اسم العضوية وهو عاشقة الطفولة يا تري ايه أخبار زياد والعفاريت اقتباس:
الدكتور بيبو الأهلاوي الجامد
مسكته الإشراف على قسم الأهلي وكان بيخليني هبوس على دماغه علشان يهدي اللعب شوية مع عاشق البلانكو كانت ايام جميلة
__________________
يارب ارفع عنَّا وعن مصر الفتن ما ظهر منها وما بطن واحفظ بلاد المسلمين من كل شر وسوء يا أرحم الراحمين
|
|
#13
28-06-2014, 06:10 PM
|
||||
|
||||
|
اقتباس:
مالية صورهم على الفيس اصلا انا بقول نشوفلها حضانة تشتغل فيها ـــــــــــــــــــــــــــــــــــــــــ اقتباس:
وانا كنت اولعها وف الاخر اعمل بوست للصلح داحنا كنا شرانيين هههههههه
|
|
#14
28-06-2014, 07:33 PM
|
||||
|
||||
|
اقتباس:
اكبر واحسن توبيك فى قسم الاهلى منوره واشكرك فعلا على توبيك شجره الاهلى ده كان بدايتى فى المنتدى هنا واول مشاركات فى قسم الاهلى ليا كانت من التوبيك ده اللى عرفت فيه احسن ناس دكتور الاء , مستر ابو بطه , مدرسه الانجلش , طاهر , اميره , جولدن ايجل (مصطفى) , مستر اهلاوى واخوات تانيه اكتر من كده وعمرى ماهنسى انه كان شرف ليا انى اكون فى اول 100 واول شجره للاهلى   شكرااااا اقتباس:
مش فاهم انا اتمسح ليه  كأن وجوده هيغرمهم فلوس حتى الحاجه الحلوه اللى فاضله ضيعوها بيطرودنى بالزوق من المنتدى :/ او اكيد بدل ما كان قسم اهلى وقسم زمالك وقسم انديه تانيه وكده نخليه كله فسم واحد سلطه ونوفر الباقى عشان مصر وقسم الزمالك كمان يعنى هندخل نبارك لمين كمان شويه يعنى لما نكسب اصلا من غير تريكه مفيش طعم للكوره بس الاهلى بردو بالحياه اقتباس:
كان اكتر حاجه بتضحكنى انهم قبل الماتش ميبطلوش كلام ادحل بعد الماتش ملاقيش ولا واحد منهم
__________________
|
كان مفروض يقطع عندي انا كمان |
#15
29-06-2014, 04:49 AM
|
|||||
|
|||||
|
اقتباس:
اللــــــــــــــــــــه حضرتك لسة محتفظ بالصوووور دددي كوووووويس عشان عايزاااهم وفين باقي الشجرات كمان فيها باقي الاسماء وكدا اقتباس:
هههههههههههههههههههههه ما تجيب السلطة دي عشان ماسر حقيقي بصراحة دا كان اكتر تصرف رخم انهم مسحو القسم دا كان فيه كل توبيكاتنا والتوبيكات المتثبتة مش كلها سابوها انا كنت بحب توبيك "ادخل شوف حبايبك" بس ياللا متزعلش نفسك يا دكتور محدش هينسى اللي حضرتك عملته في فترة اشرافك في القسم اقتباس:
ههههههههههههه ينفع كدا دلوقتي ادينا كسبنا ومش لاقيين حد نغيظه اقتباس:
أولا مبرووووووووووووووك الفوز بصراحة الزمالك كان مسخرة انهردة جابو جون ف نفسهم وكمان ضيعو ضربة جزاء منتظرين ايه من نادي ماسكه مرتضى منصور ومدربه ميدو ثانيا انا والله اضايقت من الاهلي الفترة اللي فاتت استغنى عن لعيبة كتير اساسية مش كفاية اني بشوف الماتش وانا مفتقدة ابوتريكة كمان فيه لعيبة كتير مش موجودة كانوا كويسين بجد واستغنى عنهم لاسباب غير كروية ودا كان من احد اسباب اني اضايقت من النادي بجد بس هيفضل حبي للكيااااااااان زي ماهو ثالثا بقى بمناسبة أبو تريكة وكدا انا كنت عملتله حاجة كدا بمناسبة اعتزاله خلاص بقى كفاية الحاح عشان الفضول هوريكو .. .. ..   تاتاتاتاتاتاااا رسمتها عشان الماجيكو يا رب تعجبكو اقتباس:
 فعلا احنا كسبنا بالناشئين بس انا بحب اللعيبة الكبيرة بردوووووووو ههههههههههه بامبو وذنبه على جمبو كل سنة وكلكو طيبييييييييين
|
|
| العلامات المرجعية |
«
الموضوع السابق
|
الموضوع التالي
»
العرض المتطور
|
|
جميع الأوقات بتوقيت GMT +2. الساعة الآن 12:32 PM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
