المنهج السنه اللى جايه

[محمد الكيال]

المنهج السنه اللى جايه
إلى الأن لم أجد أحد يعطى خبر عن المنهج فى الصف الثالث السنة القادمه هيكون شكله ايه
هل هو باقى الكتلب فقط
هل سيضاف إليه ملازم
هل سيكون منهج جديد
الرجاء الساده المدرسين والموجهين فيه حد عنده معلومات أكيده

[wasim.hamdy]

تم بالفعل اضافه موضوعات وحذ ف اخرى فعلى سبيل المثال حذف مسكويه واضافه ثلاث شخصيات بدلا منه ودمج الثامن فى المنطق فى الفصل السابع واضافه نوع جديد من انواع المنطق مع العلم ان بدايه المنطق ستكون بالاستدلال القياسى مره اخرى رغم دراسته بالصف الثانى واتوقع ان ينال المنهج الجديد اعجاب الجميع

[خالد البش]

انت بتجيب المعلومات دى منين
و بعدين مفيش حاجة على موقع الوزارة

[أ/ تامر صفوت]

وسيم له مصادرة الخاصة وكلام ثقة
اثق في كلام وسيم

[خالد البش]

هههههههه هو ابن اخت المستشار يعنى و لا قريب الويز
فاضل يطلع يقول صرح مصدر مسئول من وزارة التربية و التعليم
ده البلد بتخرب

[أ/ تامر صفوت]

والله يا خالد مش شرط يكون قريب حد ولكن العلاقات في البلد ده كويسه
ولكن أ / وسيم شخص محترم وعلاقته ممتازة مع المستشارين باسلوب راقي وليس علاقة شخصية
وبصراحة كل حاجة بيقوله بتطلع بعد ذلك صحيح وتابعته في اكثر من خبر وبيطلع صحيح
وانا مش معاك يا خالد بدل ما نتهكم عليه نشكره لانه بيجبلنا المعلومات قبل ما تيجي رسمي اي كانت علاقاته مش فارقة معنا المهم بنعرف المعلومة وخلاص

[علاء شندي]

شكرا جزيلا للمستر وسيم وجزاك الله خير الجزاء

[خالد البش]

و الله انا متهكمتش عليه و لا حاجة انا بستغرب من المعلومات اللى بيجيبها و بعدين مفيش حاجة اسمها علاقته بالمستشارين حلوة و جميل و الكلام ده انا اللى اعرفه فيه معلومة يا اكيدة يا لاء
و بعدين معلومة اية اللى بتعرفها و هية مش مأكده اصلا
على رأى المثل يا خبر بفلوس بعد شوية هيبقى ببلاش
و بعدين انت جربته فى اخبار و طلعت مظبوطة انا مجرتوش خالص

[ahmed H capo]

خالد البش
ان شاء الله الكلام يبقي صح هو انت تكره ان المنهج يبقي حلو زي ما هو بيقول

[حسام جابر]

ياريت نعرف نظام الماده لسه اختياري ولا ايه

[pepo2003]

المشاركة الأصلية كتبت بواسطة wasim.hamdy

تم بالفعل اضافه موضوعات وحذ ف اخرى فعلى سبيل المثال حذف مسكويه واضافه ثلاث شخصيات بدلا منه ودمج الثامن فى المنطق فى الفصل السابع واضافه نوع جديد من انواع المنطق مع العلم ان بدايه المنطق ستكون بالاستدلال القياسى مره اخرى رغم دراسته بالصف الثانى واتوقع ان ينال المنهج الجديد اعجاب الجميع

دايما سباق يا استاذ وسيم وانا اثق فى كلامك مليون المية

[محمد الكيال]

يعنى يشيل مسكوية فى الخامس
ويحط ثلاث شخصيات فى الخامس بردوا
ولا فيه باب جديد

[أ/ تامر صفوت]

ان شاء الله هذا المحتمل باذن الله
وانا معاك يا مستر خالد الدبش الله يبارك فيك

[عمر فرغل]

الى الاستاذ مستشار الفلسفة اسال عن وضع المادة العام القادم والمنهج الجديد

[عمر فرغل]

مستشار الفلسفة الكبير تهنئتى اليك بشهر رمضان الكريم العام الدراسى على الابواب وابناءك المدرسين يسالون عن وضع المادة معقول تصبح مادة اختيارى مع علم النفس كدة المادة ضاعت بدليل ان اغلب المدارس مفيهاش طالب واحد اختار المادة ارجو من سيادتكم النظر فى هذه المشكلة مع سيادة الوزير الجديد والا لن تقوم قيامة للفلسفة مرة اخرى