انا متشائم ....اذا انا واقعى

[ابانوب ايليا]

اهلا بيكم اخوتى الاعضاء

انا اخوكم فى 3ثانوى علمى علوم ومع اقتراب الامتحانات عايز اوضح قد ايه انا خايف ....بأختصار شديد ...مقدارالخوف اللى انا حاسس بيه دلوقتى يفوق عشرات المرات مقدار الخوف اللى بيشعر بيه واحد مستنى ينفذوا عليه حكم الاعدام...

انا صحيح عملت اللى عليا بس برضه مش بنسبة 100% وده واحد من اسباب قلقى انا حرمت نفسى من الكمبيوتر والنت والتليفزيون طول ا لسنة كنت احيانا ببص عليهم بصة مش بطول ولما ادخل النت بدخل هنا على المنتدى بس المشكلة انى كنت بضيع وقت جامد ممكن انى اطول فى مذاكرة مادة زيادة عن اللزوم او انى اسرح احيانا اثناء المذاكرة او اقعد اعمل اى حاجة تانى بتعطلنى ....ومن.احد الاسباب واللى اهمها برضه هى ان انا غبى...دى حقيقة لأن بعض المدرسين وخاصة فى الفيزياء لما بيدونا امتحانات ممكن اسئلة كتيرة جدا تقف معايا وبجيب درجات وحشة احيانا.. فى نفس الوقت بشوف ناس عباقرة فى الدفعة بيحلوه فى اقل من ساعة وبيقفلوا فيه كمان ...انهاردة رحت المدرسة علشان امتحن امتحان شامل على الفيزياء فكان بعض الطلبة النوابغ بيمتحنوا امتحان تانى غير بتاعى لأنهم امتحنوه قبلى وكان امتحانهم معقد جدا بس هم حلوه بسهولة تامة وفى غضون اقل من ساعة برضه وللاسف سمعت اللى احبطنى ان كان فيه واحد قاعد جنبى بيمتحن نفس امتحانى فسمعت واحد من العباقرة بيقوله: انت لسه معقول مخلصتش؟ ده امتحان ميستاهلش ربع ساعة .....وانا رغم كده وصلت للسؤال الرابع بس فى خلال ساعة وتسعين دقيقة والاستاذ قاللى وقف دلوقتى وتعال كمله فى يوم تانى علشان كان معاه لجنة...وكان قبله ادانى امتحان اللى هو يعتبر اسهل واحد فيهم وجبت فيه 44ونص من 50 وكمان حليته على مرتين....ازاى انا اقدر احقق حلمى وانا مش قد كده؟؟ واروح في وسط الطلبة اللى اقل وصف ليهم انهم عباقرة...علشان كده انا شايف انى واقعى مش متشائم على الفاضى

[محمد المصرى0]

بس يا سحابى انا مش عارف اى حاجه فى اى حاجه

[ahmedshiba]

المشاركة الأصلية كتبت بواسطة محمد المصرى0

بس يا سحابى انا مش عارف اى حاجه فى اى حاجه

حبيب قلبي فينك من زمان كنت فاكر اني لوحدي

[mahmoud_nomercy]

المشرف بتاع قسم اجتماعيات طالب هو قال كم جملة مش عارف دى حكمة ولا قصيدة بس قريتها من هنا وقلت لنفسى مفيش حاجة بعيدة عن ربنا هو قال :
شـوفت الجـو أتغير في الشوية اللى فاتو كدة ازاي ؟
شـوفت من قمـة الحر لـ قمة البرد أزاي ؟
في 24 ساعه بـ الظبط ؟
شـوفت قدرة ربنا في غمضة عين ايه الـ حصل ؟
طـيب ما مش ربنـا الـ غير الـ جو هـو ربك أنت كمان ؟
مش ربنا الـ بعتلك البلاء قادر في غمضة عين يشيله كمان ؟
خـلاص زعلان ليه ,
ربـــك بيقول كن فـ يكون , كلمة واحده بس بيغير منها الكون كله , و يغير بيها حالك أنت كمان ,
أنت ممكن تنام مهموم و حزين و مكسـور الخاطر , و تقوم من نومك على فرج لا على بالك ولا خاطرك ,
في ثانيه الحال بيتبدل , في أقل من ثاينه , بس الصبر الصبر , لازم تصـبر , و تثق في ربك ,
مهما ضــــــــاقت هتفـرج , مهما أتقفلت هتفرج , مهما حصل هتفرج , إن مع العسر يسرا ,
أصبر و ثق بالله , و ربنا مُستحيل يضيع حد واثق فيه , مُستحيل
احبك ربى


انتا تتوكل على الله وتعمل الى عليك كله على ربنا والهى بتحصل معاية كتير ببقى صاحى الصبح اذاكر فى الامتحانات واتفاجأ باسئلة مش عارفها اروح اذاكرها بعد نص ساعه اكون وصلت المدرسة الامتحان يجى بالنص من الى ذاكرته الصبح بالضبط ساعتها قولت يعنى انا لو مذكرتش من اول السنه وبصيت فى دول من زمان كان زمانى مفيش حاجة واقفة معاية الحكاية مش تذاكر ولا لا الحكاية انك تتعب سواء وصلت المعلومة او لا ( ان الله لا يضيع اجر من احسن عملا)