افيدونى لو سمحتم

[afandena1983]

انا مدرس حاسب آلى عاوز أحول الى أخصائى تطوير وتكنولوجيا نظرا لظروف خاصه
كنت عاوز اعرف اعمل ايه وايه هى المخاوف من اخصائى التطوير يعنى ايه مشاكها عشان ناس كتير قالتلى بلاس بس مش فاهم ليه يعنى
ياريت اللى يرد عليا يفهمنى كل حاجه لو سمحتم

[biba200577]

بص حضرتك كل مهنة لها مزايا وعيوب التدريس طبعا مهنة شاقة وفيها احتكاك بالطلاب وغيرها من المشكلات وأخصائى التطوير صحيح ملوش حصص ولا احتياطى ولا بيدخل فصول ولا اشراف لكن أحيانا بيشتغل شغل ادارى زى الاحصاء والكنترول بس بيكون بمزاجه مش غصب عنه وده طبعا مش طول السنة وهو برده أريح من التدريس.
المهم حضرتك قدم طلب لتغيير المسمى الوظيفى وعليه موافقة الحاسب والتطوير واطلع به على المديرية وهيخلص هناك بس لازم التوجيهين يوافقوا وربنا يوفق حضرتك والله لو حضرتك كنت من نفس المحافظة والادارة كنت عملت بدل معاك مش علشان التطوير وحش ولكن أنا بعشق التدريس جدااا. مع تحياتى