رسول المحبة

[شاعر الليل وظلماه]

رسول المحبة
رسول المحبة رسول السلام
رسول الهداية وخير الأنام
هبعت سلامي وأسطر كلامي
يحكي اشتياقي وطول الغرام
لأنك نبينا لأنك هادينا
لأنك شفيعنا في يوم الزحام
هفرد جناحي وأشد عضمي
وآجي لقبرك وأبوس الرغام
نور الوجود حلو الشمايل
عذب اللسان حلو الكلام
مولود يتيم جُرحه أليم
نوره بيضوي ويمحي الظلام
محمد نبينا عالي المقام
في الغار بيعبد يصلي ويسجد
يناجي ربه من بين الأنام
حاربوه الأعادي من كل وادي
أبو بكر صاحبه على الدوام
ربه راعيه صاينه وحاميه
زارع له حبه في قلب اللئام
خالفنا شرعك وخُنا عهدك
بقينا هفية بين الأنام
نسينا وعدك وخُنا عهدك
وتوهنا ياطه وسط الزحام
بقينا حيارى للغرب أسارى
عايشين حياتنا من غير إمام
الصادق بيكدب يثور ويشجب
ويحلف بربه كلامنا حرام
وشيخنا يخطب يقوم ويقعد
حالف بربه شرعي راح
آخده من القرآن
وسنة نبينا إللي عايشة فينا
سنين وأعوام
شايفينها غريبة حاجة عجيبة
جايين يقولوا عليها الكلام
أنا اسمي أحمد اسمي من اسمك
وديني دينك كمل جميلك
وكن لي شفيع يوم الزحام
حبيبنا يا طه يا خير الأنام