ارجو الافاده بخصوص رواد الفصول بالمدارس

[toubaaa]

السلام عليكم ورحمة الله وبركاته
عندى استفسار اتمنى حد يفيدنى فيه لانى مش لاقيه اى اجابه شافيه ليه
هل يحق لادارة المدارس بتكليف مدرسي الحاسب الالى بريادة الفصول يعنى فى قرار بان مدرس الكمبيوتر يبقي رائد فصل ؟؟
ولو فى اى نشرات بخصوص الموضوع ده ارجوكم تدلونا عليها لان الموضوع ده عامل مشاكل كتير فى مدرستى

[toubaaa]

محدش عنده اى معلومه بخصوص الموضوع ده ؟

[mrmrmr1]

مدرس الحاسب الآلي المفروض ان يتواجد فى المعمل الحاسب الآلي طوال اليوم الدراسي سواء كان تدريب للطلاب او تدريب لنفسه لانها مادة عملية بالتالي لا يصح ان يكون فى اشراف او حصة احتياطى غير الحاسب الآلي او ان يكون رائد الفصل
ما الحل ؟ يجب عليك تعرض المشكلة لموجة الحاسب الآلي وسوف يفيدك كثيرا
انه عارف الكلام ده وسوف يعطيك بورقة افادة بذلك و يحذر مدير المدرسة بعدم استغلالك



بالتوفيق ان شاء الله
أخوك محمد رجب - غربية

[toubaaa]

بارك الله فيك شكرا

[halawa201010]

اطلبى منهم المنشور الخاص بالرياده بيكون مع الاخصائى الاجتماعى ؟؟؟ وهتلاقى فيه ان الرائد يكون الاكثر تواجدا داخل الفصل ؟؟ والكمبيوتر 2 حصه فقط فى الاسبوع
ثانيا : لو انت واخده نصاب الحصص كامل لا تاخذى رياده لان حصة الرياده ضمن نصاب الحصص الاسبوعية

[toubaaa]

انا نصابي اقل حصتين لانى الاقدم يعنى مشرفه لكن الموجه لما سالته قالى حسب حاجة المدرسه ممكن تاخدلى رياده والكلام ده انا مش فاهمه ازاى وانا المطلوب منى اكون طول اليوم جوه معملى