|
أرشيف المنتدي هنا نقل الموضوعات المكررة والروابط التى لا تعمل |
|
أدوات الموضوع | ابحث في الموضوع | انواع عرض الموضوع |
#1
|
||||
|
||||
![]()
السلام عليكم ......
![]() بعيد بقي عن الكلام الكبير , والشعارات الضخمة , والعبارات الثقيلة , والكلام غير المفهوم , احنا النهاردة هنتناول موضوع او قضية في منتهي الخطورة واعتقد برده ان دا انفراد مني بفتح الموضوع دا ومناقشته بجديه ومنطقيه وموضوعيه وبأهمية كبيرة جدا جدا جدا ... والموضوع دا متعلق بــ كواليس العلاقة بين الشاب والفتاة , ونروح بقي لأخطر مشهد في هذه المشاهد , وهو الحوارات التليفونية او الإتصال عن طريق الموبايل او حتي عن طريق التليفون الأرضي بين الشاب وصحبته او انتيمته او زميلته او حتي حبيبته علي إختلاف المسميات وكترها وتعددها الفترة دى , ولاحظت يا جماعة انتشار ظاهرة خطيرة في الحورات دى وهي إن ( الحوار كله بيتم عن طريق الإسبيكر ) اللي هو يعني مكبر الصوت , وبيكون سامع المكالمة احياناً عدد لا بأس به من الشباب ... وعــــــــــن بعض الأسباب اللي ممكن تخلي شاب ينتهك كرامة بنت بالشكل الحقير دا , ويعلن للجميع علي الملاء صوتها الرنان العذب وأول الأسباب دى هي الفخر والتباهي بمعني انه بيفتخر بأنه متعدد العلاقات بكافة اشكالها وانواعها معهن وانه يعني بالبلدي كدا ( مقطع السمكة وديلها ) او ( قاهر قلوب العذاري ) ودى طبعاً من العبارات المشهورة والأقوال الشهيرة جداً والمتدوالة بين الشباب .. ومغزاها يعني انــــــه شاب ملوش حل , وزيه زى الناس اللي طلعت القمـــــــــــر . وفيه بقي سبب اخر وخطير جداً وهو ان الظاهرة دى انتشرت من باب العناد كمان بين الشباب وبعضهم .. بمعني اكتر انك تلاقي بعض الشباب في صراع مع بعضهم البعض علـ ( مين هيكسر أنف البنت دى ) , ومين هيفوز بلقب الجروب ويصبح فارس الأحلام الأول والأخير , ومين اللي هيكون ليه بصمه عظيمه ينكتب عنها اشعار ويقال فيها حودايت وحكايات ( يعني زى الف ليلة وليلة كدا ) . نستعرض مشهد بسيط جداً من خلف الكواليس لإتصال هاتفي بين صديق و احدي صديقاته ... المحمول بيرن , يرد , وفي لحظة يفتح الإسبيكر , ويهمس لأصدقائه المحيطين به للإنصات عشان يسمعوا المكالمة بوضوح , وبيبدأ هو ينطلق بقي بكلامه المعسول ودخلاته الرومانسية والعاطفية علشان يحفز صديقته المتصلة انها ترد بأرق والطف ما عندها من جمل وعبارات وكلام جميل , وبعد انتهاء المكالمة تعلو الضحكات والنظرات التي تملئها علامات التعجب , وكله بيسأل بيقول ! معقولة دى فلانة ؟؟!!!!! معقووووووووولة ؟؟ !!!! وينتهي المشهد الحقيــــــــر . وننتقل للظاهرة التانية بقي , ودى طبعاً هقول فيها كلمتين صغيريين جداً للبنات خصوصاً ... ( خلي بالك كويس .. قد تكون مكالمتك مع صديقك عبر المحمول مسجلة بالحرف الواحد ) , وممكن تكون المكالمة دى سبب خطير في القضاء عليكي نفسك بل ومن الممكن ان تقضي علي اسرتك بالكامل ........ دا مجرد جرس انذار !!! وننتقل لظاهرة اخيرة كانت تحتاج لموضوع خاص منفرد للخوض فيها بتأني ولكن هيحصل دا تاني وتالت لانها فعلاً مهمه واهم ما في الموضوع ودى كمان انا هتناولها من الواقع ومن مشاهد متعدده اتكررت قدامي , وهي انــك احياناً تعجب بزميلة معــك في الجامعة أو الكلية , وتفاجأ بعد اعجابك بها انها علي اتصال بصديق لك في حدود الزمالة ومش بيربطهم ببعض غير سياق دراسي بحت جدا , فأنت فضولك بسبب إعجابك بهذه الفتاة , دفعك انــــــك تسأل صديقك دا عليها مثلا , وكان سؤالك بيقول ( هو انت علاقتك ايــــه بفلانه ) ...... وكان رده صدمة لا توصف وقالك بكل برود وبساطة ( دى صحبتي وحبيبتي ) .... ولكن أنت متأكد أن العلاقة بينهم لم تتجاوز حد الزمالة فقط لا غير , وانا اكتشفت اخيراً وللإسف الشديد ان حتي علاقة الزمالة بين الشاب والفتاة تكاد ان تقضي علي حياة زوجية من الممكن ان تنشأ من خلال سؤال مثل هذا , وبسبب الإستهتار والتسيب الحاصل في كافة العلاقات , تتعرض الكثيرات من الفتيات لأن ت*** بيدها فارس احلام مجهول بدون أن تدري .. لذلك يدب هنا جرس إنذار اخر لكل الأخوات ...... تأملي في زميل دراستك كويس جداً . انا اســـف جداً يا جماعة علي الإطالــــــــــــــة , ولكني والله اكتب لأفيد الجميع وأحاول ان اكون سبباً في القضاء علي ظاهرة ما او التصدي لها ولو بكلمة او بعبــارة يضىء بها عقل مظلم , او يستيقظ عليها قلب تائه في بحور الظلام ...... توضيح هام جداً : الموضوع واقعي , والمشاهد التي ذكرت واقعية وليست من وحي الخيـــــــــال . الموضوع ظاهرة ولكـــن من الخطأ أن نعمم مهما كانت فاعلية وخطورة انتشــار هذه الظاهرة . والسلام اكيد ختـــــــــــــام .
__________________
![]() |
#2
|
||||
|
||||
![]() اقتباس:
موضوع جميل ومفيد |
#3
|
||||
|
||||
![]() ههههههههههههههه
موضوع كويس علي فكرة بس لو اتكلمنا هنلاقي نفسنا دخلنا في متاهات كتير اولها ان دول مش شباب استغفر الله العظيم تلاقي الواحد فيهم عامل نفسه راجل وهو مخنث لا يفرق شئ عن معظم شباب الخليج اللي هوا بيعيب فيهم يعني بالنسبة أصلا للعلاقات دي فعلا بتحصل وكلامك فعلا واقعي يعني انا كان اتحكالي علي واحد كل شغلته يكسر غرور البنت دي يخلي البنت دي تحبه يقابل كل واحدة ويقولها بحبك دول يابني مرضي نفسيين والله ( دي غير مخنثين ) والله ومعظمهم وكل اللي شوفتهم لقيتهم مسقطين البنطلون هههههههههههه متعرفش فيه ايه ![]() طب اقولك علي حاجة بعيدة عن الموضوع بتكلم عن الشباب بصفه عامه من كام يوم لقيت واحد لابس بنطلون وتحت عظمه الحوض تقريبا بعشرين سنتي وماشي فاتح رجله ( طبعا شئ منطقي عشان البنطلون ميقعش ) بس ده عادي انا اتعودت عليه اللي متعودتش عليه ان الأندر وير كان لايق جدا علي لون البنطلون والتيشرت :D يعني الواحد لما يروح مول ولا محل دلوقتي عشان يشتري طقم يبقي يشتري الأندر وير مناسب للبنطلون والتيشرت والجزمه والله دول ما شباب يابني وربنا هيجازيهم في اخواتهم مؤقتا ً لغاية ما يجوا بس ازواجهم وبناتهم العداله الإلهية مبتسبش حد مهما بلغ بيه العمر ربنا يهدي الجميع شكرا لموضوعك الجميل يا ايمن ![]()
__________________
استعيدي نفسي مني إنني قدْ تُُــهتُ فـــىّ .. إنْ جَرحَتُكْ .... إعْفِ عنى واهْرَبي مني ... إلىّ ! ![]() |
#4
|
||||
|
||||
![]() بجد الحاجات دي بتحصل وانا بشوف زيها وبيتحكيلي كتير
اقرب موقف كنا في الماجيك لانك واقفين مستنين دورنا في لعبة كان ورانا اربع شباب بنتين وولدين بعيدا عن شكل لبس البنات وواحده فيهم كانت خالعة الطرحة المهم كانو كابيلز ![]() واحد فيهم ماسك الموبيل بيكلم واحده يقولها قوليلي انتي مرتبطة ولا لأ انا بجد مش بنام الليل وكلام عجيب اي حد بيسمعه هيصدقه وصاحبته والاتنين التانين واقفين جنبه يضحكو وحوار طويل جدا وفي الاخر وقعو الاربعه من الضحك وهي اكيد البنت صدقته وبتتكرر كتير جدا لدرجة ان في بنات بتبقى حديث المدينه من الفيس بوك ده يعرف اصلها وفصلها ويشهر بيها ربنا يرحمنا ويهديهم هما بيبقو حاجة من الاتنين يااما مش رجالة يااما مش فيهم عقل ده لو عقل طفل هيفكر فيها ويعرف انه عنده اخوات بنات وفي المستقبل هجيب بنات وممكن يتعمل فيهم كده وده اكيد ربنا يهدي شباب المسلمين موضوع جميل جزاك الله خيرا
__________________
لو صرخت الدنيا ف وشي اكيد هعلي حسي ... لو كان ده وقت الانهيار انا حاطه روحي ع كفي ... لو كان ده وقت الانفجار .. اكيد ملغمه نفسي ...!! * ** فى حياة كل منا ذكرى تمنى الا يمر بها ولكن لولا ألمها لارتكب المزيد من الاخطاء فى حق نفسه وفى حق الاخرين* ** الحمدلله ![]() ![]() |
#5
|
|||
|
|||
![]()
اصلي بجد توبيك هايل بس تعمل اية بقي في العالم التيت دول وتعليقا ع موضوع بيسقط البنطلون ف دي عايزلها حملة زي الحملة العظيمة اللي نقلتها هنا واتحذفت حملة احترمي نفسك في لبسك يا ريت حد يفهم مضمون كلامي المختصر دا
__________________
آخر تعديل بواسطة Travel ، 01-12-2008 الساعة 07:45 PM سبب آخر: غلطة حرفية |
#6
|
||||
|
||||
![]()
ربنا يهـــــــــدي
__________________
إبليس و الدنيا و نفسي و الهوى ................... كيف الخلاص و كلهم أعدائي |
#7
|
||||
|
||||
![]()
اللهم ماهدي جميع المسلمين
|
#8
|
||||
|
||||
![]()
بجد بجد الموضوع دة كان مضايقنى جدا و كان نفسى نفتح نتكلم فية المهم انا بجد بستخرب لما بشوف البنت مثلا وقفة مع ولد كدة فى الشارع عادى خالص طيب دى جوة تفسها راضية حالها و كدة تخلى منظر اسرتها بالكامك شكلة اية و يا عينى طبعا يفتكروا انها مصلية على السجادة واللة حرام و سعات بقا نشوف بنتين فى الشارع مع ولد طب دة اية استبن يعنى و المبيلات دلوقتى يوة مهما نهزق و نخلى الميشترى يتفرج مفيش فيدة برضوا و انا صحابى واللة بيسعبوا عليا اما القيهم يستخبوا عشان يتكلموا فى الموبيل طيب لية و الى يجبرك على كدة لا حول الللة بس انا مكنتش متوفعة حكاية الى سبيكر دى اول مرة اسمعها بصراحة بس بجد حرام عليهم و على فكرة الطرفين الى خلطنين مش الشباب بس و معلش طولت عليك بما فية الكفاية
__________________
الحزن مملكة لا يسكنها سوى الدموع |
#9
|
||||
|
||||
![]()
بص يا حازم بجد يعنى اللى يعمل كده يبقى انسان اقل كلمة تتقال عليه حيوان ديه اقل حاجة وعلى فكرة
(كما تدين تدان) يعنى اللى بيعملة ده هيتعمل فى حد بيعزوا اوى تقبل مرورى
__________________
![]() تحت شعار كلنا عرب
|
#10
|
||||
|
||||
![]() يا سبحان الله كل اما اجى اغير رايى فى الولاد حاجه كده ترجعنى تانى لنظرتى ليهم بجد دول ......
ولا بلاش خليها فى سرى احسن عشان مضيقش حد بس انا عندى مشكله صغيره اوى كل اما اسمع حكايات الشباب دى بعديها على طول بتتقال جمله (بس مش كل الشباب )انا بقى عوزه اعرف الشباب التانيه راحت فى يا خوانا فين الشباب المسلم الى بيخاف ربنا وبيتقيه فين الجار الى بيخاف على جارته الزميل الى بيخاف على زميلته للاسف الشهامه والاخلاق دى حواديت بنسمعها يا فى المسلسلات يا اما قبل النوم انا اسفه طبعا انى بتكلم كده بس انا اتعودت انى اقول الى حاسه بيه كله يا اما مقولش خالص آخر تعديل بواسطة Hamset_Etab ، 01-12-2008 الساعة 07:59 PM |
#11
|
||||
|
||||
![]()
المشكلة فينا احنا المصريين
أنا مش أمانع انه يكون فيه علاقة بريئة بين شاب وفتاه بس المشكلة برده فينا احنا المصريين وخصوصا الشباب ما بنعرفش نفهم ده أو نرسم حدود للعلاقات دى وأصبحت كل علاقة بين شاب وفتاه مشبوهة حتى لو كانت علاقة بريئة علاقة صديق بصديقته أو أخ باخته بس هنقول ايه احنا المصريين
__________________
يا رب
|
#12
|
||||
|
||||
![]()
بص يا حازم .. انتا عايز من الاخر ..
ربنا قال في حديث قدسي .. يا أبن ادم أفعل ماشئت فإنك ملاقيه وأحبب ماشئت فإنك مفارقه وكن كما شئت فكما تدين تدان واللي انتا بتعمله في حد .. هايتعمل فيك .. وهوا دا مبدأ العدالة الالهية وانا شخصيا حصل معايا موقف معين .. وفعلا اتردلي .. وعلى قد مازعلت من الحاجة دي انها اتردتلي .. على قد ماارتاحت لإن ربنا نفذ حكمته |
#13
|
||||
|
||||
![]()
والله الموضوع شبه سطحي يعني إنتي لو جيتي تعدي ظروف العلاقات مش ال3 أو 4 أمثله دول هيكون كل حاجه أو حتي ممكن نسميها ظاهره أو حتي مثال دي مواقف محدودة ومتستدعيش إنها تكون ظاهره لكن هو في الأساس العلاقة هيا اللي عايزه المعالجه مش المواقف اللي إنتي ذكرتيها
__________________
![]() |
#14
|
||||
|
||||
![]() اقتباس:
شكراااااااااا على ردك ونورت الموضوع
__________________
![]() |
#15
|
||||
|
||||
![]() اقتباس:
انها تتكلم وكلام رقيق وناعم وتفتكر الحياة عادى......الخ والولد كمان انه يقبل انه يعمل كده فى واحده وثقت فيه وكل ده من ورا ظهرها ده كما تدين تدان يعنى لو اى واحد حطها فى دماغه كويس اوي الجملة دى هيفكر كذا مرة قبل مايعمل حاجة زى كده وشكراااااااا على ردك
__________________
![]() |
العلامات المرجعية |
|
|