الى كل من التحق بكلية العلاج الطبيعي جامعة القاهرة

[Doctor P.T]

السلام عليكم ورحمة الله وبركاته

احب اهنئ كل طلبة الثانوية العامة بمناسبة دخلوهم مرحلة جديدة عليهم وهيا مرحلة الجامعه

احب اعرفكم بنفسي

انا اخوكم محمد من كلية العلاج الطبيعي جامعه القاهرة بالدفعة الثانية

واحب اقول لكل اللي جاله تنسيقه لهذه الكلية الف مبروك يا دكاترة المستقبل ان شاء الله

واي استفسارات تحبوا تسألوها انا تحت امركم في أي حاجة

أي استفسارات عن الكلية – عن أي حاجة تخطر على بالكم

وانا ان شاء الله هحاول ارد ع كافة اسئلتكم واستفسارتكم

وكمان تقدروا تتعرفو اكتر على مواد الكلية وعن مهنة العلاج الطبيعي واهميتها وعن مستقبلها المهني

وعن كل شيء بيخطر على بالكم

وهتلاقوا زمايلكم في سنة اولى وتانية هيردو عليكم ويساعدوكم في أي حاجة ان شاء الله

تحياتي

[Doctor P.T]

ايه يا جماعه محدش دخل علاج طبيعي و لا ايه

[Doctor P.T]

ايه ياجماعه محدش دخل علاج طبيعي ولا ايه
???

[رامي نبيل]

انا اترشحت لعلاج طبيعى بس هحول صيدله عشان مجموعى جايبها

[kimoz]

انا جالي علاج طبيعي واريد معرفة نظام الدراسة

[loai bahgat]

السلام عليكم

أنا أخوكم لؤى بهجت تانية علاج طبيعى و لو محتاج أى مساعدة موجودة و أحب أقولك مبروك و على فكرة بجد العلاج الطبيعى ده هو طب المستقبل
لو أى حد احتاج حاجة عن الكلية فأنا فى الخدمة

[lost_love]

هاااااااى يا جماعه ازيكو انا طالبة جديده معاكو فى علاج طبيعى بس من المنصورة ومش هعرف اروح غير الاسبوع التانى فى الدراسه حد يقلى اذا كان ممكن يفتنى حاجه مهمه او لا

[dr_buffon]

لاي ا دكتورة عادى جدا مش هيفوتك كتير

[م عبير]

السلام عليكم ورحمة الله وبركاته
فى البداية احب اوجه لكم الشكر الجزيل لانكم هتسعدوا الناس تتعرف على الكلية
وانا واحدة من الناس اللى نفسها تعرف حاجات كتير تخص الكلية واتمنى تردوا على سريعا
انا اخى الصغير جايله فى التنسيق كليه العلاج الطبيعى ومضايق جدا جدا لانه كان نفسه يبقى دكتور وانا بقوله ان الكلية دى يتخرج دكاترة ايضا
فارجوكم افيدونا فى الاتى :
ما مسمى الخريج من عندكم ؟ ممرض ام دكتور ام ماذا؟؟
ايه انواع المواد الدراسية اللى بتخدوها؟؟
ما صعوبة الدراسة فى الكلية؟؟
ايه هى فرص العمل بعد التخرج؟؟؟
ارجو تفيدونا فى هذا الامر سريعا

[mahmoud farid el_lamy]

وانا كمان اترشحت لكلية العلاج الطبيعى .. ياريت تفيدونا اكمل فيها ولا احول صيدله ؟؟ بسرررررررعه بليييييييييز

[‏Dr.KaR!MaN]

أنا نفسي أعرف إحنا مطلوب مننا أدوات في سنه أولي زي بتوع البشري والأسنان ؟!

[كيميائي طبي2011]

المشاركة الأصلية كتبت بواسطة م عبير

السلام عليكم ورحمة الله وبركاته
فى البداية احب اوجه لكم الشكر الجزيل لانكم هتسعدوا الناس تتعرف على الكلية
وانا واحدة من الناس اللى نفسها تعرف حاجات كتير تخص الكلية واتمنى تردوا على سريعا
انا اخى الصغير جايله فى التنسيق كليه العلاج الطبيعى ومضايق جدا جدا لانه كان نفسه يبقى دكتور وانا بقوله ان الكلية دى يتخرج دكاترة ايضا
فارجوكم افيدونا فى الاتى :
ما مسمى الخريج من عندكم ؟ ممرض ام دكتور ام ماذا؟؟
ايه انواع المواد الدراسية اللى بتخدوها؟؟
ما صعوبة الدراسة فى الكلية؟؟
ايه هى فرص العمل بعد التخرج؟؟؟
ارجو تفيدونا فى هذا الامر سريعا

المسمي هو اخصائي علاج طبيعي و لقبه دكتور

[محمد ميزو]

المشاركة الأصلية كتبت بواسطة م عبير

السلام عليكم ورحمة الله وبركاته
فى البداية احب اوجه لكم الشكر الجزيل لانكم هتسعدوا الناس تتعرف على الكلية
وانا واحدة من الناس اللى نفسها تعرف حاجات كتير تخص الكلية واتمنى تردوا على سريعا
انا اخى الصغير جايله فى التنسيق كليه العلاج الطبيعى ومضايق جدا جدا لانه كان نفسه يبقى دكتور وانا بقوله ان الكلية دى يتخرج دكاترة ايضا
فارجوكم افيدونا فى الاتى :
ما مسمى الخريج من عندكم ؟ ممرض ام دكتور ام ماذا؟؟
ايه انواع المواد الدراسية اللى بتخدوها؟؟
ما صعوبة الدراسة فى الكلية؟؟
ايه هى فرص العمل بعد التخرج؟؟؟
ارجو تفيدونا فى هذا الامر سريعا

اولا اخوكي هيفرح اوي لما يعرف ايه هي الكلية و هيعرف انه احسن من ناس كتير دخلت كليات الطب و الاسنان و الصيدلة
مبدئيا تمريض دي خاصة بكلية التمريض و معاهد التمريض
دكتور دي لقب الشخص الحاصل على دكتوراه فقط اما احنا عندنا كعرف بنقول لخريج العلاج الطبيعي و الاسنان و الصيدلة و الطب يا دكتور
خريج الكلية بيكون اخصائي علاج طبيعي
صعوبة الكلية دي بتختلف من شخص لأخر لكن هي زي الطبو لكن احنا عندنا شغل عملي كتير
و بالنسبة للشغل هي ممكن تكون الكلية الوحيدة اللي لايمكن خريجها ميلاقيش شغل ده بيشتغل من سنة تانية لو حب لكن مستحيل يكون في خريج مش لاقي شغل عشان احنا كل سنة بيتخرج 800 بس بيتوزعوا على مصر كلها ف صعب ان ميكنش قي شغل غير كده الكلية الوحيدة اللي ليها تكليف

هو هيدرس في سنة اولى


التشريح – علم وظائف الأعضاء – الكيمياء الحيوية – الطبيعة الحيوية – لغة إنجليزية – وسائل العلاج الطبيعى – علم الأنسجة – دراسة الحركة.

و في موضوع كامل في القسم عن الكلية و موضوع عن ايه هو العلاج الطبيعي
و اي استفسار تحت امرك
وان شاء الله احنا في الكلية هنكون مع كل الدفعة الجديدة من اول ما يدخلوا لحد ما يستقروا في الدراسة

[lorddrigo]

السلام عليكم و رحمة الله و بركاته
انا من الاسكندرية و اسمى الحسينى السيد
وسؤالى هو متعلق بمستقبل الخريج ؟؟؟
ما هى فرص عمله ؟؟؟ و اين يعمل؟؟؟ و ماذا يعمل ؟؟؟؟
و هل ما قيل بانه غير معترف بيها فى نقابة الاطباء صحيح ؟؟؟
و هل من الممكن بعد انهاء الدراسة ان التحق بالكلية الحربية كضابط متخصص؟؟؟
و شكرا

[doc_toto]

انا الحمد لله جايبة 395.5 لكن لسة مجاش الترشيح بس ان شاء الله معاكم