مبروك ع حسن اختياركم

[Aisha_Tarek]

أولا ً مرحباً بكل طلبة علوم القاهرة الجدد و مبروك علي حسن إختيارهم لهذه الكلية العريقة .


طبعاًالإنطباع الأول اللي خدته من أصحابك أو أهلك إنها كلية معقدة و صعبة جداً ، طبعاً الكلام ده فيه جزء كبير من الخطأ .


كلية العلوم ببساطة هي كلية المتميزين ، و المتميزين هما اللي مش داخلين عشان يتعلموا و خلاص لكن عشان يزودوا معلوماتهم و ثقافتهم و ما يعتمدوش فقط علي المناهج الأساسية للكلية ، لكن منهج الكلية هيكون الأساس لقاعدة عريضة من المعرفة هتكونها في دماغك .

ثانياً : كلية علوم القاهرة كلية بسيطة و هتلاقي فيها تعاون كبير من الدكاترة و المعيدين .

علوم القاهرة يجب أن تذاكر فيها أولاً بأول و <إلا هتتزنق > في الأخر و مش بعيد تشيل مواد ، يعني من الأخر لازم تذاكر أول بأول و تجتهد و ربنا هيكرمك و هتلاقي نفسك كمان جبت تقدير عالي .

هتلاقي مشكلة شوية في الإنجليزي < الدراسة كلها إنجليزي > لكن مع نهاية نصف السنة الأولي هتكون أتقنت الإنجليزية تماماً إن شاء الله .

كلية العلوم ليس كما يقال عنها إن وظائفها قليلة بالعكس هي أبو الوظائف هتلاقي في أي قسم تدخله فرص عمل كتيرة إن شاء الله .

كل مادة هتاخدها هيكون فيها نظري و عملي و طبعاً هتحتاج البلطو و أدوات المعمل .

نظام كلية علوم القاهرة هو نظام الساعات المعتمدة و من أهم مزاياه : إنك هتختار مواعيد المواد بنفسك من ضمن مواعيد موجودة مسبقاً و بالتالي هتعمل جدولك بنفسك و ده هيكون علي النت ، إنك لو لا قدر الله سقطت في أكتر من ثلاثة مواد مش هاتعيد السنة و ده لغاية أربع مواد .

[حبيب لله]

شكرا على اهتمام حضرتك ، ولكن كنت عايز اسأل عن قسم البترول هل هو افضل الاقسام فى الجامعة وهل لسه الشركات بترعى القسم ده وانا جالى علوم المنصورة وعايز احول لعلوم القاهرة فهل ينفع مع العلم انى من المنصورة

[Florida2]

كلامك مفيد جدااا
بس كنت عاوزة أسال هل نظام الساعات المعتمدة ده بردوه فى كليه البنات علوم رياضه عين شمس وهل فيها قسم الحاسب ولا لأ؟؟؟؟؟

[Aisha_Tarek]

انا مش هعرف افيدكو بحاجة لأنى لسة رايحة سنة اولى ممكن تكتبو اسئلتكوا هنا
http://www.thanwya.com/vb/showthread.php?t=452064