جريدة الجمهورية " اي كلام فاضي معقول "

[msh-tlba]

مش عارف لية بئيت احس ان جريدة الجمهورية في تغطياتها الاخبارية عن الثانوية العامة بئت تهييس ،
شوفوا كدا دا اخبار امتحاننا ، بتاع امبارح
http://www.algomhuria.net.eg/algomhu.../detail00.asp‏
‏
! طبعا دا إلي جانب مهزلة توقعات المصدر المسئول بالمجلس الاعلي للجامعات لتنسيق 2011 ، الطب كحد ادني 93 % ،
ههههه خبر مضروب 100 % ، لأنه قال " مصدر مسئول " ، عشان يخاف يقول اسم محدد ينسب له الفبركة دي فيتم ملاحقته قضائيا ،
‏
بس برضة ميزتها الوحيدة ، هي مراجعاتها في ليلة الامتحان بس ، خلاص خلونا نستحملها لحد ما نعدي من الامتحانات ع خير ان شاء الله ، و نرجع تاني لحبيبتنا " المصري اليوم " ، هههه
لا تقول لي يوم سابع و لا دستور و لا اهرام ، المصري اليوم هو الاساس ... ،
‏
طبعا كدا ، رسمي انتوا افتكرتوني مندوب اعلانات ، صح ؟ هههه ،

[محمود طلعت محمود]

المشاركة الأصلية كتبت بواسطة msh-tlba

مش عارف لية بئيت احس ان جريدة الجمهورية في تغطياتها الاخبارية عن الثانوية العامة بئت تهييس ،
شوفوا كدا دا اخبار امتحاننا ، بتاع امبارح
http://www.algomhuria.net.eg/algomhuria/today/brains/detail00.asp‏
‏
! طبعا دا إلي جانب مهزلة توقعات المصدر المسئول بالمجلس الاعلي للجامعات لتنسيق 2011 ، الطب كحد ادني 93 % ،
ههههه خبر مضروب 100 % ، لأنه قال " مصدر مسئول " ، عشان يخاف يقول اسم محدد ينسب له الفبركة دي فيتم ملاحقته قضائيا ،
‏
بس برضة ميزتها الوحيدة ، هي مراجعاتها في ليلة الامتحان بس ، خلاص خلونا نستحملها لحد ما نعدي من الامتحانات ع خير ان شاء الله ، و نرجع تاني لحبيبتنا " المصري اليوم " ، هههه
لا تقول لي يوم سابع و لا دستور و لا اهرام ، المصري اليوم هو الاساس ... ،
‏
طبعا كدا ، رسمي انتوا افتكرتوني مندوب اعلانات ، صح ؟ هههه ،

بالفعل انا اتفق معاك تماما
ولكن يكفى ان جريدة الجمهورية هى اول وافضل جريدة تنزل ملحق تعليمى فى جريدتها
ويكفى ان امتحان الانجليزى بتاعنا بتاع ثانية ثانوى جه50%منه
اما بالنسبة الى المصرى اليوم فانا اعشق هذة الجريدة
وبالمناسبة انت عملت ايه فى امتحان النهارده بتاع الاحياء

[msh-tlba]

تمام الحمد لله ،
الامتحان السنة دي مقارنة بامتحانات السنوات السابقة : تافه بكل ما تحمل الكلمة من معاني ،
المهم انت يا بطل عملت اية ؟ انتوا كان عندكوا اربع ايام بس قبل الاحياء ،،،
‏
ربنا يكرمكوا و يوفقوا ان شاء الله و يكمل لنا ع خير جميعا ... ،
انت كدا طبعا بيس يا مان في الاجازة رسمي
‏
احنا لسة ناقصلنا ، مادة ادبية ، و مستوي رفيع و وطنية ... ،

[msaid93]

المصري اليوم بتاعت ساويرس
لازم كل المسلمين يقاطعوه لأنه بيستهزأ بالحجاب و بالشيوخ الله يحرقه
و خشوا صفحة احنا كمان بنهزر يا ساويرس عل فيس
وكسروا كل شرايح أم نبيل بتاعته عشان يتخرب بيته باذن الله

[Hamsa_1]

eh el klam da nageb sawers da ragl to7ffffffffa ana b3sha2ooooooo bgd ensan gameel gdn >> blash el klam ely y3ml mshakl da

[لوجين 3]

طبعا جريدة الجمهورية شكلها عايشة في عالم تاني انا كنت احياء السنة اللي فاتت وحتي ما اهتموش يامتحاننا واعتبرونا نكرة مش مشكلة بس حكاية التنسيق دي واسعة اوي ان شاء الله التنسيق هيكون هاي ان ذا سكاي زي 2007 وربنا يستر علينا

[لوجين 3]

علي فكرة مش لازم نتكلم علي الناس بالطريقة دي ولازم حضرتك تكون متأكد مليون في المية قبل ماتتكلم وما تسبش الناس واقتدي برسولنا الكريم في كدة لم يكن سبابا ولا لعانا

[msh-tlba]

المشاركة الأصلية كتبت بواسطة msaid93

المصري اليوم بتاعت ساويرس
لازم كل المسلمين يقاطعوه لأنه بيستهزأ بالحجاب و بالشيوخ الله يحرقه
و خشوا صفحة احنا كمان بنهزر يا ساويرس عل فيس
وكسروا كل شرايح أم نبيل بتاعته عشان يتخرب بيته باذن الله

و لا أكني سمعت حاجة ،
‏
حاجة بس كدا ع السريع ، المصري اليوم مش ملك لرجل أعمال معين ، مش عارف منين جبت انها بتاعة نجيب ساويروس ، و ان كان زي ما سمعت انه عنده اسهم فيها في البورصة ! فهل دا معناه انه مأثر فيها ؟!
طب ما رجال الاعمال الخليجين مساهمين في أسهم وكالات انباء عالمية و امريكية ، زي فوكس نيوز و سي ان ان .. الخ ، هل دا غير حاجة من سياسة القنوات دي تجاه الشرق الاوسط بشكل عام ؟!
‏
حاجة كمان ، انا شخصيا مش من مويدي نجيب ساويروس و لا حتي من معارضيه ، انا اينعم ليبرالي ، بس في ليبرالين كتير غيره بحبهم ، لانهم مقنعين اكتر بالنسبة لي ،
و احب اقولك ، ان اوراسكوم مش موبينيل ،
حتي لو موبينيل خسرت ، انت كدا مش بتضر شخص واحد بس ، انت كدا بتضر آلاف من المهندسين و المحاسبين و العمال و ... الخ اللي بيشتغلوا في الشركة دي بفروعها المختلفة ( و اللي منهم المحجبات )
شخصيا ، انا مع الحرية الشخصية تماما ، و الحجاب و النقاب دا حرية شخصية ، عايز تلبسه البسه ، مش عايز انت حر ، انا مش فقيه ديني عشان اقدر اقول حاجة تانية ، بس دا اللي في وجهة نظري المتواضعة ،
‏
و ياريت تبعتلي ع الانبوكس اللينك اللي انت بتقول عنه انه استهزء فيه من الشيوخ و الحجاب ، - حب استطلاع مش اكتر - ،
‏
و انا بالنيابة عن كل الليبراليين ، بتآسف لك عن بعض تصرفات القلة التي قد تكون احيانا غير مسئولة ... ،
‏
‏
نقطة اخيرة ،
انا قلت الحجاب حرية شخصية ، يعني لو نجيب ساويروس دا استهزء به ، فأنا اول واحد ضده ،
و برضة لو حضرات الشيوخ فرضوه بالقوة ! فأنا اول واحد ضدهم ... ، احنا مش في ايران هنا ، التدين القسري !!!
‏
و لما شيخ يخطب في مسجد و يقول للناس ان اللي هيقول لا ، هيبئا كافر و بيزندق ، دا اسمه اية ؟! لما جماعة " طظ في مصر .. و اللي جابوا مصر " تطلع منشورات تقول فيها ان نعم واجب شرعي ، دا اسمه اية ؟ مش اتجار بالدين برضة ؟!
مش الدين بري من الاستغلالات و المصالح الشخصية و السياسية دي ؟!
‏
طالما الدين بري من المتاجرين به كدا ؟! لية حضرتك شايف النص التاني و النص الاول مش واخد بالك منه ؟
‏
كل واحد له اللي له و عليه اللي عليه ،،،
ع العموم انا مش حابب اطول عليك ،

بالتوفيق ان شاء الله للجميع ،

[msh-tlba]

المشاركة الأصلية كتبت بواسطة لوجين 3

علي فكرة مش لازم نتكلم علي الناس بالطريقة دي ولازم حضرتك تكون متأكد مليون في المية قبل ماتتكلم وما تسبش الناس واقتدي برسولنا الكريم في كدة لم يكن سبابا ولا لعانا

احلي كلام سمعته في التوبيك دا ،،،

[كاريمان]

على فكرة ..انا شايفه ان فعلا المصرى اليوم ميش بتاعت حد ..كل صحفى بيكتب رايه بحريه
والدليل على كدة ان ممكن تقرا راى عن شخصيه او مشروع او اى شئ ..وتقرا نقيدة فى نفس الصفحه
(رغم ان الموضوع دا بيغظنى احيانا ..مبلحقش اكمل الصفحه والاقى الحكايه اتقلبت )
بس دا يدل على ان كل صحفى بيكتب رايه بحريه ..حتى لو كانوا عكس بعض

بس انا اصلا ميش هاويه قرايه جرانين ..كله كلام فكلام

[Dr.Mohamed Attia]

انتم قلبتوها بلوتيكس لية ما تخلونا فى الايديوكاشن

[soma_love2010]

يعنى ممكن التنسيق يبقى عالى السنادى ولا ايه ؟

[msh-tlba]

المشاركة الأصلية كتبت بواسطة كاريمان

على فكرة ..انا شايفه ان فعلا المصرى اليوم ميش بتاعت حد ..كل صحفى بيكتب رايه بحريه
والدليل على كدة ان ممكن تقرا راى عن شخصيه او مشروع او اى شئ ..وتقرا نقيدة فى نفس الصفحه
(رغم ان الموضوع دا بيغظنى احيانا ..مبلحقش اكمل الصفحه والاقى الحكايه اتقلبت )
بس دا يدل على ان كل صحفى بيكتب رايه بحريه ..حتى لو كانوا عكس بعض

بس انا اصلا ميش هاويه قرايه جرانين ..كله كلام فكلام

كلام سليم 100 % ،
ابسط مثال : نادين البدير و الدكتور خالد منتصر / و الاستاذ منتصر الزيات و الغطريفي ( بتاع قسم التحقيقات )
‏
ع الاقل كمان ، انها مش اعلام موجه ، كانت اجرأ الصحف في العهد البائد ، مكنتش جريدة معارضة و بتأفور في المعارضة زي الوفد و الدستور ، و مكنتش ممالئة و موجهة زي الاهرام و الاخبار و الجمهورية ،،،
‏
ع العموم ،
الاختلاف في الرأي لا يفسد للود قضية ،
‏
و انا برضة بحب المصري اليوم حتي لو طلعت بتاعة حسين سالم ،،،
لا تقول لي يوم سابع و لا وفد و لا دستور ،،، المصري اليوم هو الاساس .

[msh-tlba]

المشاركة الأصلية كتبت بواسطة soma_love2010

يعنى ممكن التنسيق يبقى عالى السنادى ولا ايه ؟

امتحان تافهة + تساهل في التصحيح + غش جماعي = تنسيق نار ،
بس بعد امتحان الاحياء دا ، احنا مستبشرين خير ان التنسيق مش هيزيد عن بتاع 2009 ،

[soma_love2010]

على فكره موضوع الغش ده مش فى كل مكان انا لجنتى والله مفيش حد بيبص جنبه واكيد فى لجان كويسه كتير