الاتحادات الطلابية

[فارس الليل]

سأحاول هنا تجميع بعض سجلات
الأتحادات الطلابية
وأبدأها بسجل :
المواقف اليومية السريعة
وهو من إعداد

هشام عبد الفتاح المعداوى
اخصائى اجتماعي أول ثانوي
وله منا جزيل الشكر

وأنتظر مشاركات كل من عندهم

نماذج لجميع أنواع سجلات الأتحادات الطلابية

التحميل من هنا

[فارس الليل]

زملائى الاعزاء
اسمحوا لى أن اقدم هذا البرنامج وهو خاص بتطوير عمل الإخصائيين الإجتماعيين مسؤلى الاتحادات الطلابية
يتناول البحث:
اولا: مفهوم الاخصائى الاجتماعى مسؤل الاتحادات الطلابية
( هو المهنى المتخصص فى مجال العمل مع الاتحادات الطلابية ومع الطلاب بشكل مباشر ويعمل على كافة مستويات الاتحادات الطلابية )
ثانيا: مفهوم تطوير عمل اخصائى الاتحادات الطلابية
يقصد بة تطوير اسلوب العمل الذى يواكب متطلبات جودة التعليم والعملية التعليمية من خلال (نقل افكار ومعلومات وخبرات الجودة للطلاب بهدف تعديل سلوكهم واكتسابهم اتجاهات جديدة وذلك من خلال تفاعلهم فى تشكيلات الاتحادات الطلابية )

ثالثا البرنـامـج المقتـــرح

لمــن يصمم البرنامج
يقدم البرنامج لكافة الاخصائيين الاجتماعيين العاملين فى الاتحادات الطلاببية
لمـــاذا يقدم البرنامج
لاكتشاف ورعاية قدرات الاخصائيين وتطوير طريقة عملهم داخل المدارس واكتسابهم خبرات جديدة فى مجال الجودة
مــاذا يقـــدم البرنامج
يترجم البرنامج فى شكل اقتراح بتعديل اختصاصات الاخصائى الاجتماعى فى القرار 203
كيــف يقدم البرنامج
من خلال الدورات التدريبية فى مجال التريبية الاجتماعية عامة والاتحادات الطلابية والتدريب على استخدام الحاسب الالى وعمل قياس قبلى وبعدى لمعرفة المردود التدريبى على الاخصائيين
مـتـــى يقـــدم
يبدء قبل بداية العام الدراسى للاستفادة من هذة الخبرات

رابعــــــا :طرق تطوير الاختصاصات

اولا: فى مجال الترببية الديقراطية
نص القرار على ( توعية بالاهداف والمبادئ للاتحادات الطلابية مع اتاحة الفرصة للتعبير عن الراى والافكار والمشاركة فى العمل الجماعى )
الاضافـــة(تدريب الاخصائيين على طرق اكساب الطلاب الديمقراطية والاكثار من المحاضرات التى تتناول المواطنة والانتماء والتعريف بالدستور )
ثانيا: فى مجال الاعمال التنظيمية
ينص القرارعلى ان دور الاخصائى هو( الاعداد للاجتماعات والمناقشات والتقارير ودراسة الخطط والتوصيات والتنسيق بين اللجان )
الاضـــافــــة
تدريب الاخصائين على :
1- استخدام الحاسب الالى لاعداد التقارير بشكل الكترونى وليس يدوى
2- إنشاء قواعد بيانات للطلاب على الحاسب الالى لسهولة عرض البيانات
3- اعداد البرامج على الاسطوانات والتى هى خاصة بالاحتفالات لاستخدمها فى المسابقات
ثالثا: فى مجال رعاية الطلاب
نص القرار ( على رعاية الفائقين فقط )
الاضافـــــــة
1- اضافة برامج اكتشاف ورعاية الموهوبين والخطط الخاصة بلعمل معهم
2 - رعاية المتأخرين دراسيا ودمجهم فى تشكيلات الاتحادات الطلابية
خامــســـــا : اضــافة المِِِِِِشــــاركة المجتمعيـــــــة للقرار الوزارى
الاخصائى الاجتماعى مسؤل الاتحادات الطلابية لة دور واضح فى المشاركة المجتمعية وتفعيلها وذلك من خلال
1- تبصير طلاب الاتحاد بالمدرسة بماهية المشاركة المجتمعية واهميتها
2-ان تتضمن خطط الجان المشاركة المجتمعية
3- الندوات والمحاضرات التى تتناول المشاركة المجتمعية
4-تنشيط دور رواد الفصول للمشاركة المجتمعية
هذا هو ملخص للبحث وارجو ان اكون قد وفقت فى عرضة ليستفيد منة الاخصائيين الاجتماعيين والجميع
المراجع المستخدمة :
1- القرار 203 لسنة 1990
2-نشرات مكتب مستشار التربية الاجتماعية لاختصاصات الاتحادات الطلابية
3- تعليقات الباحثة

منقـــــــــــــــــــــــــــــــــــــــول

[سارة زهيرى]

ماشاء الله بارك الله فيك وفي كاتب الموضوع
أنا كمان كنت كتبه نقاط كثيرة في القرار 203 ححاول أضيفها قريبا بإذن الله خاصة بالقرار ككل وليس بدور الأخصائي الاجتماعي فقط
بجد ياريت القرار يتعدل ده بقى له 19 سنه مش كل يوم في جديد ما يجددوه بقى

[محمد فتحى عطاالله]

حفظك الله ورعاك سلمت يداك على هذا العمل الرائع

[ahmed makram]

Hpskj tn i`m hbqhtm ,bf] lk hgjk,di ugn hki r] w]v rvhv ,.hvn bgj

[فارس الليل]

بصراحه انا معاكى جدا فى انه لازم يتعدل
زى ما كل سنتين بيعدلوا مجلس الامناء
لازم يفكروا فى تعديل القرار
االلى قرب على 20 سنه

[فارس الليل]

جزاك الله خيرا
بس كان ليا استفسار كيف يكون تقسيم السجلات بينى وبين زميلتى وما هى سجلات الريادة هل هى سجل مجلس الفصل وهل الموهوبين والمتفوقين شرط يكونوا من قادة الاتحاد؟
انا عارفة ان اسئلتى كتيرة بس اعذرنى لان الاخصائية الاساسية بتدينا معلومات غلط وشكرا

المفروض ان دى حاجة بترجع لكم انتوا كاخصائيين مع الاخصائي الاول بالمدرسة
اما لو عايزة رأيي الشخصى انا شايف انكو ممكن تقسموها كالتالى :

اخصائية تكون مسئولة عن :

* مجلس الاتحاد
* المكتب التنفيذى للاتحاد
* اللجان الخمسة

ودول سبع سجلات

والاخصائية التانية تكون مسئولة عن السجلات الاتية :

* المواقف السريعة لقادة الاتحاد
* المتفوقين والموهوبين ( من قادة الاتحاد )
وذلك لوجود سجل اخر للمتفوقين والموهوبين
خاص بالتربية الاجتماعية
* مجلس الرواد
* البرلمان المدرسي
* سجل الربط المالى

ودول خمس سجلات

* بالاضافة الى الاشراف على سجلات الريادة أو( مجلس الفصل )

والله والموفق

[سارة زهيرى]

اخصائية تكون مسئولة عن :

* مجلس الاتحاد
* المكتب التنفيذى للاتحاد
* اللجان الخمسة

ودول سبع سجلات

معلهش سؤال بس هو حضرتك مسئول عن سجلات اللجان الخمسة ليه هو المفروض اللجنة الاجتماعية بس والباقي لكل لجنة مسئول

[فارس الليل]

اولا نورتى المنتدى
من زمان مش شايفين تعليقاتك
لعله خير
وانا عرفت ان مشكلة لا توجد صلاحية
انتهت والحمد لله
اتمنى ان ده يكون صحيح

المشاركة الأصلية كتبت بواسطة سارة زهيرى

معلهش سؤال بس هو حضرتك مسئول عن سجلات اللجان الخمسة ليه هو المفروض اللجنة الاجتماعية بس والباقي لكل لجنة مسئول

علشان مفيش تعاون من المدرسين
اللى معايا فى المدرسة
واجمل التعليقات :
احنا ناقصين
ياعم انا هاعمل شغلى وشغلك
ياعم سيبنا فى حالنا
وخدى من دا كتير
انا كان ممكن امضيه على اللجنه
واسيبها خالص من غير شغل
بس انا مشكلتى
انى احب شغلى كلة يكون خالص
علشان كده انا بامضية على اللجنة
واقولة انى هاخلص كل الشغل بتاعها
مع المقرر وهو ماعليه الا حضور
اجتماع اللجنة واجتماع الريادة
علشان ما سمعش التعليقات
اللى سبق واشرت لها
وعلى فكرة اللجنة الاجتماعية
المسئول عنها
الاخصائي الاول او اقدم الاخصائيين
يعنى فى الحالتين مش انا
والله الموفق

[سارة زهيرى]

بارك الله فيك مشكلتنا اننا عندنا ضمير قوي في شغلنا وده بجد بيتعبنا في العمل لأن مش بنلاقي حماس عند أي حد ربنا يعينك ومعلهش كنت الفترة اللي فاتت مشغوله في icdl بس للأسف رحت امتحن امبارح بعد ما كنت حجزة للامتحان من شهر وأكثر وقالوا الامتحانات اشتغلت روحنا وقعدنا من الساعة 10 لحد بعد 1 وفي الاخر قالوا لنا معلهش الامتحانات اتأجلت أصل اليونسكو ما بعتتش رصيد
يا ريت لو حد يعرف ان في شركات فتحة للامتحانات يقول لنا ولكم جزيل الشكر

[سارة زهيرى]

ده محتوي السجل العام للاتحادات الطلابية

v مقدمة

v شعار الاتحاد للعام الدراسي

v بيان بعدد طلاب المدرسة

v بيان بميزانية مجلس الاتحاد

v مواعيد الإجتماعات

v الإجتماعات والدورات التدريبية

v التشكيلات (المكاتب التنفيذية للفصول – مجلس الرواد – مجلس الاتحاد – المكتب التنفيذي - اللجان )

v خطة مجلس الرواد

v البرنامج الزمني لخطة مجلس الرواد .

v أهم قرارات مجلس الرواد .

v الخطط العامة للجان .

v البرامج الزمنية للجان واهم القرارات ( اللجنة الاجتماعية ، الثقافية والدينية ، الفنية ، العلمية ،الرياضية )

v خطة مجلس اتحاد طلاب المدرسة

v البرنامج الزمني لخطة مجلس الاتحاد

v أهم قرارات المكتب التنفيذي

v أهم قرارات مجلس الاتحاد

v ميزانية مجلس الاتحاد

v البرامج والمشروعات التي تم تنفيذها مدعمة بالصور طبعا .

v المشاركة المجتمعية لمجلس الاتحاد .



وعلى فكرة الموافقات على المشروعات كنت سحبتها بالاسكنر وصغرتها ووضعتها في السجل العام وأيضا المطويات مصغرة وملصقة بالسجل العام

لأنهم مش بيشوفوا أي حاجة تانيه غير السجل العام والدراسة وربنا يوفقك ان شاء الله وأي حاجة انا تحت أمرك

[فارس الليل]

المشاركة الأصلية كتبت بواسطة سارة زهيرى

بارك الله فيك مشكلتنا اننا عندنا ضمير قوي في شغلنا وده بجد بيتعبنا في العمل لأن مش بنلاقي حماس عند أي حد ربنا يعينك

ربنا يخليكى
فعلا الضمير بيتعب
بس تعب جسدى فقط
وفى المقابل
بيخلى الواحد مرتاح نفسيا
انه بيعمل اللى عليه واكتر كمان
وربنا يعينك انتى كمان
اكيد بتواجهى المشاكل
اللى زى دى كتير
ومع ذلك كنتى الاخصائية المثالية
السنة اللى فاتت
ده مجهود تانى
والحمد لله انه جه بقايدة معاكى
ولقيتى اللى يقدر تعبك

المشاركة الأصلية كتبت بواسطة سارة زهيرى

ومعلهش كنت الفترة اللي فاتت مشغوله في icdl بس للأسف رحت امتحن امبارح بعد ما كنت حجزة للامتحان من شهر وأكثر وقالوا الامتحانات اشتغلت روحنا وقعدنا من الساعة 10 لحد بعد 1 وفي الاخر قالوا لنا معلهش الامتحانات اتأجلت أصل اليونسكو ما بعتتش رصيد

الـ icdl اليومين دول
بقت عمله زى الدكتوراة
علشان الواحد ياخدها لازم يطلع عينه
ربنا ييسرلك الحال
وتاخديها فى اسرع وقت
ان شاء الله

[hisham madawy]

الف الف شكر وكل عام وانتم بخير

[فارس الليل]

دى نماذج لسجلات اللجان الخمسة
من شكل عام للغلاف
ونماذج للخطط والبرنامج الزمنى لها
ونموذج لتسجيل الاجتماع الاول
وان كان يختلف التسجيل باختلاف الاخصائي
فكلنا يعرف اشكال وانواع التسجيل المختلفة
ولكنى افضل التسجيل المهنى
الواضح فى النماذج
التحميل من هنا
وانتظر النقد البناء من الجميع
والله ولي التوفيق

[سارة زهيرى]

المشاركة الأصلية كتبت بواسطة فارس الليل

دى نماذج لسجلات اللجان الخمسة

من شكل عام للغلاف
ونماذج للخطط والبرنامج الزمنى لها
ونموذج لتسجيل الاجتماع الاول
وان كان يختلف التسجيل باختلاف الاخصائي
فكلنا يعرف اشكال وانواع التسجيل المختلفة
ولكنى افضل التسجيل المهنى
الواضح فى النماذج
التحميل من هنا
وانتظر النقد البناء من الجميع

والله ولي التوفيق

بارك الله فيك بس يا ريت حضرتك تضع على غلاف السجلات الشعار الخاص بالاتحادات الطلابية

http://www.4shared.com/file/14981651.../__online.html