المستقبل ضاع مننا اترحموا عليه

[ياسمين سعيد]

مع احترامى لكبار الدولة والمسئولين
لكن احترامى ده مش هيكون فوق تحقيق العدل والانسانية والرحمة

فى حاجات بتحصل فى بلدنا غرضها الاساسى تحطيم الباقى منها
تطوير التعليم لنظام افشل
والجديد ال المهازل ال بتحصل ف قرارات الثانوية العامة

اين نحن ف و سط الذئاب
اين الرئيس لينهى هذا العدوان

الوزير قال الامتحانات يوميا قلنا ماشى
قال هتبقى الثانوية العامة سنة واحدة قلنا ماشى
قال الامتحانات نار قلنا ماشى

قال المستوى الرفيع مش هيتغير قلنا ماشى
وال مش ماشى ولو حكم الامر اننا نثور
عليه وعلى النظام ان الشعبة ما تتغيرش
كده يبقى نهانا خالص والله حطم مستقبل اجيال مصر

لو سالنا سؤال بيعمل كده ليه؟؟؟؟

ممكن علشان امريكا مدعماه
ولا علشان مش لاقى ال يوقفه
ولا علشان انانيته
ولا علشان يظهر نفسه ويعمل ضجة


رجاااااااااااااااء
من سكان القاهرة
اصمدوا امامه
فهو والله احتلال داخلى
لالغاء عقول بشرية يمكنها افادة العالم


تقبلوا موضوعى
مع العلم انا كتبته من صراخ كل ال فى ثانوية عامة

[الاء الله]

عندك حق يا ياسمين انا كمان في تانيه ثانوي ومن ساعة لما الوزير ده جه وانا خايفه ومحبطه علي الاخر

[د/بسمة الاسلام]

ان لله وانا اليه راجعون
ربنا معاهم ويعينيهم

السلام عليكم

لماذا تأخذون كل قرارات الوزير زكي بدر على أنها ظالمة؟؟

هو يردي أن يعيد التعليم إلى ما كان عليه سابقاً

وبالنسبة لعدم تغيير الشعبة فهذا هو الأفضل

لأن الغالبية بعد الصف الثاني الثانوي تختار الشعبة على أساس مجموعها وليس على حسب الميول والرغبات

[ابن القيم]

التعليم الفاشل لابد انه يكون مننا وقفه عليه والا تمادى فى ذلك ويبقى الدعاء لله عز وجل لينجينا مما نحن به الان

[ياسمين سعيد]

يا جماعة كفاية كلام فين الفعل
بجد احنا عايزين نقف امامه
مع انا المفروض الرئيس هو ال يعمل كده
لان للاسف فى حاجتات احنا منقدرش نغيرها لاننا ببساطة لا يهتم بنا الوزراء المهم مصلحتهم وبس
يلموا فلوس ويبعتوها للبنوك وخلااااااااااااص

[منى..]

والله عندك حق يا ياسمين
أنا خلاااااص نفسيتى اتدمـــــرت

ومعنتش قادرة أستحمل كل يوم قرار جديد
أوحش من اللى قبله وفعلا بقيت حاسة ان كل حاجة
بتضيع من ايدى
ووالله أنا معتمدة على ربنا وكل حاجة
لكن ربنا قال اننا نخاف على مستقبلنا
ونخطط ليه...

وكله بيقول ذاكر ومش عارفة ايه
بس الامتحانات جاية نااااااار

فعلا اللى ايده ف الميه مش زى اللى ايده ف النار

مع احترامى لسيادته وكل المسئولين ف الدولة
ليه حضرته بيعمل كدا؟؟ يجى فى نص السنة
ويدمرلنا أعصابنا ... معروف ان أى نظام جديد
بيتطبق من أول دفعة معينة .. يعنى بتبقى داخلة من أول السنة وفاهمة وعاملة حسابها على
القوانين والقرارت الجديدة

والله أنا نفسى أقول كلام كتير بس ف الأول
والاخر

حسبى الله ونعم الوكيـــــــــل

[يالا بينا]

كلامكم عاطفي اوي

فكروا بالعقل يا حبايب

هتلاقوا ... ان الكلام سليم ، والافكار بتاعة عم الدكتور:احمد ممتازة

وبعدين مستحيل يرضيكم طبعا
لان ارضاء الناس غاية لا تدرك زي ما انتوا عارفين

الراجل بصراحة شغال وبيحاول ينضف النظام التعليمي
ادعولوا بس ياخد فرصته
عشان اللي زيه مش مطلوبين في بلدنا

[نونا الامورة]

يعنى ايه بئه الكلام ده
انتوا بتعقدونا منها قبل ما ندخلها
انا مش فهمه

[د/بسمة الاسلام]

:0 06et4: بصوا بقى بصراحة انتم بتدلعوا ..........
بالراحة بس
أنا هقولكم ليه ؟
اول حاجة " :- هي الامتحانات الصعبة دي هتيجي ليكم انتم بس ؟؟؟؟؟
مش فاهمييين
قولكم طيعنى مثلا الامتحان هيجي نار في البحيرة وعبيط في القاهرة ؟؟؟
لا طبعا
هيجي صعب ع الكل
يعني الى هيمشي عليكم هيمشي ع الكل
هتقولولى لا برده في ناس دحاحين ومبيفرقش معاهم هقلكم كده كده الدحاحين دول دحاحين يعني لو جابوا 98 والامتحان نار هيجيبوا 101 لو الامتحان سهل
وبعدين الواحد بيعامل ربنا وبيرضى ضميره وبعد كده الامتحان زي ما يجي يجي يجي سهل يجي صعب
اهم حاجة الواحد يبقي راضى ربه وعمل الى عليه ومتهاونش
طيب والتوتر وشدة الاعصاب و و و وو
اهو دي بقي المشكلة بجد
انتم بتخلقوا مشكلة من لا مشكلة وبتصعبوا المسائل وبتهولوها ...
والكلام ده مينفعش في ثانوية عامة
اهم حاجة هدوء الاعصاب والراحة النفسية و السكينة والاطمئنان والثقة في الله
والله عند ظن العبد به فليظن العبد به ما شاء
فلو محيتوا حاجة اسمها التوتر والخوف من مصطلح حياتكم
ربنا هيكرمكم اعلى كرم ان شاء الله
أسأل مجرب أو أسأل طبيب ( هتسألونى .. هتسألونى )
وأسمعوا الكلام يا جماعة والله ثانوية عامة دي سنة جميلة جدا لو حبيتها وحبيت موادها واستمعت بالعلم الى بتستفيد منه حصة بعد حصة .............. والله متعة
روقوا وفرفشوا و استمتعوا بالدراسة ... مش احسن متبقوا فاضيين زهقانين مملولين لا شغلة ولا مشغلة الفراغ هي***كم ؟؟؟؟
يا عالم احمدوا ربنا ربنا هيكرمكم ان شاء الله
واحنا اول ناس هتبشرونا بالدرجات المفرحة بعون الله
اه و ع فكرة :=
لو عيزين تجددوا النية ف المزاكرة وتزاكرو بنية انكم تخدوا حسنات ممكن بسرعة تشوفوا اللينك د ه :=
http://www.thanwya.com/vb/showthread.php?t=189145

[منى..]

المشاركة الأصلية كتبت بواسطة د/بسمة الاسلام

اهم حاجة هدوء الاعصاب والراحة النفسية و السكينة والاطمئنان والثقة في الله
والله عند ظن العبد به فليظن العبد به ما شاء
فلو محيتوا حاجة اسمها التوتر والخوف من مصطلح حياتكم
ربنا هيكرمكم اعلى كرم ان شاء الله

فعلا أهم حاجة هدوء الأعصاب
احنا عارفين والله ان التوتر دا هو اللى تاعبنا (ربنا يستر)
وكل اللى بنقوله دا تنفيس عن اللى جوانا بس مش أكتر
وربنا يجازى كل واحد على أد تعبه ومجهوده
ان شاء الله نعمل اللى علينا
ربنا يتقبل منك يارب ويكرمنا وان شاء الله ونبشرك

[احمد يحي عبده]

ًًٌٌٍَُُان الله لايضيع اجر من احسن عملا
ان شاء الله ربنا معانا

[mad love]

شكرا ياسمين على موضوعك جه في محله فعلا

حتى لو احنا قولنا راينا في حد يسمعنا؟؟؟؟؟؟؟؟؟؟

احنا ملناش راي في البلاد دي واللي بيعملوه بينفذوه وبس

[ياسمين سعيد]

للاسف احنا اتفقنا على اننا نختلف
لا اله الا الله
انا عن نفسى من ال عايزين الامتحانات صعبة بس انا موضوعى كان واضح
ان حراااااااااام ان يفكروا فى اننا من نقدرش نغير الشعبة
صحيح ال هيجرى هيجرى علينا كلنا
بس لما يبقى مفروض اغير الشعبة انا ال هتأذى فهمتى ؟؟؟

احنا بجد مش مكبرين الموضوع
وال يقول كده حاجة من اتنين
يا اما هو ال مكبر دماغه الا انه ايده ف المية اقصد مهواش فى ثانوىي عامة

عموما مفيش فايدة من الكلام ولا الزعل
خلاااااااااااااااااااااااااااااااااااااااااااااااا ااااااص
اليأس فاليأس هو الحل حتى يحدد مصير الفشل

[miss heba]

موضوعك حلو يا ياسمين لكن أنا معرفش إنتى عايزة إيه بالظبط دى قرارات وبعدين هو إنتى لازم تستنى لحد ما تشوفى درجتك وبعدين تحولى لازم تكونى منطقية فى إختيارك حتى لا تغيريه وحاولى تختارى على أساس قدراتك وليس طموحاتك فالكثير يختار على أساس أحلامه الخاصة فى أن يصبح كذا ولكن فى النهاية لا يستطيع تحصيل أى من أحلامه وبعدين الإمتحانات سواء صعبة أو سهلة يا حبيبتى لن تأتى من خارج المنهج وربنا معاكم كلكم