مش مهم انت مين؟!!!

[ahmedpsd]

بسم الله الرحمن الرحيم
السلام عليكم و رحمة الله و بركاته

للشاعر الدكتور / حسن أحمد عمر

مش مهم إنت مين !!

امسك قلمك
اكتم ألمك
اوعى تقول للظلم آمين
حقق حلمك
اعلن رأيك
اكتب على صدرك
ثايرين
المهم الفكر ايه
مش مهم الإسم مين
والمهم كتبت ليه
مش مهم تكون منين
المهم كتبت ايه
مش مهم كتبت فين
ليك فؤاد عمال يدق ؟
ليك حنين للناس يرق ؟
ليك دموع نازلين مطر؟
ليك أحاسيس تنفطر؟
ليك ايدين ماسكين زهور؟
ليك عينين بتشع نور؟
يبقى انت أكيد بشر
بس يا صاحبى افتكر
لو فؤادك من حجر
لو دموعك من صخور
لو ايديك ع الناس تجور
لو عينيك فيها غرور
تبقى طبعأ مش بشر
لو بقيت للحب ضد
أو بقيت للظلم يد
تبقى شيطان ولابد
تنكسر وتضيع هدر
لو بقيت للعدل مانع
او بقيت للحق بايع
تبقى فعلأ فى خطر
لو كرهت الناس تملى
أو عاديت إنسان بيصلى
تبقى ضعت ولا مفر
لو تكون انسان بحق
قول فى وش الظلم لأ
أوعى تصبح نبع ضر
أوعى تتسبب فى شر
وبإيديك ضمد جراح
خلى أيامك سماح
قوم و نادى بالصلاح
قوم وعوض اللى راح
أيوة صمم وانتصر
ضم صدرك للوطن
وبأيديك إرسم أمل
أوعى تلويك الرياح
ابنى فى الأطفال كرامة
علم الناس السلامة
واجعل الظلمة صباح
خد من الماضى جماله
مش تسلم له بحاله
ده عبير الصبح فاح
مصر يا بلد الحضارة
يا حبيبتى يا منارة
فجر أهل العلم لاح
فجر أهل الفكر لاح

يارب تنال على الأعجاب

[Sharp Nails]

شكرا على الموضوع بجد رااائع
تسلم ايدك

[ahmedpsd]

شكرا لمروورك الكريم

الملئ بالعطر

[zizo2_2]

فعلا جميلة اوي

انا حسيت كل كلمة فيها

اشكرك على تلك الكلمات الرائعة

[شموخ مسلمة]

صراحة اى كلمة جميلة توصفها مش هقدر اوفيها حقها بجد روووووووووووووووووووووووووووووووووووووعة

[lolymao]

الأخ ahmedped
يوسفنى أن تنشر هذه القصيدة باسمك وتنسبها لنفسك وأنت تعلم أنها للشاعر الدكتور حسن أحمد عمر وهو شاعر وطبيب مصرى وهذه القصيدة من ضمن ديوان الحب فى الهجير الخاص به ولقد نشرها على عدة مواقع هامة وأليكم بعض هذه الروابط
أولا على موقع دروب الأدبى العالمى المعروف
http://www.doroob.com/?p=10523
ثانياً على موقع ديوان العرب الأدبى العالمى المعروف
وكذلك الرابط التالى
http://www.diwanalarab.com/spip.php?article11704

أرجو أن نتقى الله فيما ننقل وفيما نكتب ولا نسرق أعمال غيرنا وننسبها لأنفسنا لأان فى ذلك إساءة كبيرة لك وللمنتدى الذى تكتب عليه .

[lolymao]

شكراً جزيلاً للسادة الأفاضل القائمين على المنتدى لسرعة الإستجابة للنداء الذى أطلقته فى تعليقى وشكراً لهم لأنهم أعادوا الحق إلى صاحبه وبارك الله فيهم وفى هذا المنتدى الكريم وأرجو لهم وللمنتدى دوام التوفيق والتفوق .