صيدلانيه وافتخر

[Dr\3beer]

طالبه فى صيدله وافتخر ,
هتخرج واعمل صيدلانيه ( ده شرف ليا ) ,
ولو هتقول ان الصيدلى بياع زيه زى اى حد شغال فى صيدليه او حتى فى سوبر ماركت ( ولا يهمنى )
اقولك ليه
ببساطه
لانى حابه المجال ده , ومادمت حاباه ربنا هيوفقنى واجتهد فيه واقدر اثبت نفسى من خلال دراستى وشغلى
ده غير ان الهدف من اى دراسه انها تؤهلنى لمهنه لائقه اقدر احصل بيها ع عائد مادى محترم وده بيحصل مع الصيدلى والطبيب والمدرس والمهندس والعامل البسيط
فمقدرش اقول ان الطبيب لما بيفتح عياده وبيقابل المرضى وبيحدد سعر للكشف انه بيبيع مجهوده
وبالمثل ما اقدرش اقول ع الصيدلى انه بيبيع الدواء لان فى الاول والاخر دى مهنته ودى حياته العمليه اللى يقدر بيها يترجم هدفه الانسانى فى مساعده المرضى
اخيرااا
بطلب من كل طالب صيدلى او من كل طالب بيفكر انه يدخل صيدله مش يلتفت للادعاءات والاقاويل ع مهنه الصيدلى الساميه لان سبب انتشار الافتراءات دى هو اننا كررناها مابينا بدون تفكير
وارجو ان يكون موضوعى غير تفكير بعض المتشائمين والمجبورين ع صيدله بحكم التنسيق او ضغط العيله
وبالتوفيق للجميع

[rove angel]

جزاكى الله خيرا يا دكتورة عبير
موضوع فعلا تاعبنى أنا شخصيا
لانى بإذن الله داخلة اعدادي صيدلة السنة دى ان شاء الله
وفعلا ناس كتير فكرتهم عن الصيدلى انه
مجرد " بياع على نضيف "
وللأسف أنا سمعت الكلام دة من ناس مثقفين في كليات طب
ربنا يقدرنا ونقدر نغير الفكرة دى بقى

[DR_MOHAMED_97]

الي كل الناس نسياة ان الارزاق بيد الله وحدة
ناس كتير دخلت طب وفي الاخر قاعدة في البيت والامثلة كتيرة
لكن لازم الناس كلها تعرف ان الانسان طالما حابب مجال عملة هيبدع فية ويتفوق
اشكرك علي تفكيرك العاقل والانسانى
اخوكم محمد
اعدادى صيدلة الاسماعيلية

[سارة عطالله]

مبروووووووووووووووووووووك على صيدلة
انا كمان صيدلة القاهرة
كل حاجة وليها الشغل بتاعها
مفيش قلق
واحنا مش بياعين
احنا هندرس مناهج كتيييييييييييييييير
ربنا يوفقنا جميعا

[محب الجنة 10]

جزاكى الله كل خير

كلام جميل جدا

باذن الله نحن صيادلة المستقبل بعزمنا وهمتنا سنثبت وجودنا ونبرهن على اننا فوق القمة ان شاء الله

يلا يا دكاترة امتياز من اول سنة

وشدو الهمة وخلوا املكم متعلق بربنا دائما

يعنى جددوا نياتكم انكم هتشتغلوا المهنة دى علشان تخففوا عن الام المرضى

وربنا يوفقكم

[Dr\3beer]

الحمد لله الكل متحمس ومقتنع بالمجال شكرا ع مروركم الكريــــــــــــم

[MiSty AnGel]

مم كلام جميل
بس صيدلة مش معناها شغل في الصيدلات بس
في مجاااالاااااات كتير غير الشغل في الصيدليه

[vito123]

بكره نثبت اننا هنخترع وننتج وكل حاجه متخفيش الصيدله لسه بخيييييييييييييييييييييير

[O_zamalek]

المشكلة ان ناس كتير بقت تقف مكان الصيدلى يعنى حتى المهنة مش مهنينا عليها

[Dr. Hoda Ahmed]

شكرررررررررررررا دكتور عبير وكلامك والله جميل وانا بردده لناس كتير اوى

الناس اللى بتستخسر المجموع وتقولك انتى جايبه مجموع طب ليه تنزلى لصيدله

التفكير ده لازم يتغير وهيتغير لما يشفوفوا حبنا لعملنا واخلاصنا فيه ان شاء الله

جزاكى الله خيرا

[mahmouddodo12]

انا محمود صقر صيدلة القاهرة
ودخلت المجال ده علشان بحبه وميهمنيش اي حد

وكل سنة وانتم طيبين

[نسمه يسرى]

انا نسمه صيدله حلوان
واتقلى الكلام ده كتيررررررررررررررر

بس احنا عاوزه ابقى صيدلانيه
وحبه المجال
والصيدلى مش بيشتغل فى الصيدليه بس
ليه مجالات عمل كتييييييييييير
الحاجه ال المفروض تتغير
هى اننا نجيب ناس دبلوم تجاره وغيره ونوقفهم فى الصيدليات دول هيخربوووووووووا الدنيا

ومرسى على الموضوع الجامد ده

[DR_YOYA]

عندك حق يا دكتورة عبير
الفكرة دي عن الصيادلة لازم تتغير
لازم كل واحد فينا و ربنا كتبلو يدخل الكلية دي يكون عنده النية انه يعمل حاجة فيها و يبدع و يجتهد علشان نعلى المهنة دي اكتر
لاننا مش مجرد بنبيع دواء و خلاص

معلش بتكلم بحماسة شوية

[homs tareek]

يا دكتورة عبير الصيادلة مهضوم حقهم والمشكلة إن عددهم كتير وبينافسهم بتوع البيطري والعلوم
بس هافضل أقول إن إحنا دراستنا أصعب من الطب البشري ومن الأسنان بكتيرررررررررررر وبندرس مواد أكتر منهم
وكل شويه عندنا إمتحان وهنفضل إسمنا دكاترة وأي حد هايقول علينا بياع يبقي هو شحات

[أم عبدة]

السلام عليكم
يا جماعة الكلية كبيرة واسمها عريق والي ميعرفش يقول عدس الي بيقول بقال دا دخل الكلية درسها لا طبعا المفهوم القاصر هو السبب اننا لاننظر في الصيدلي الا على عمله في الصيدلية
والله انا دخلت صيدلة عشان حاسة ان دور الصيدلي اكبر من الطبيب فمثلا لو عندنا مريض وعند وجع في بطنه الطبيب هيشخص هل معنى كدا ان الالم راح لا طبعا لازم الدوا والي بيحضر الدوا هو الصيدلي فهو الاهم .