علمونى وبعد أن علمونى إكتشفت انهم لم يعلمونى شيىءً

[MohammeD el_SadaT]

بسم الله الرحمن الرحيم

السلام عليكم ورحمه الله وبركاته

طبعاً الموضوع باين من عنوانه
" علمونى وبعد أن علمونى إكتشفت أنهم لم يعلمونى شيأً "

الواحد من أول ما بيتولد بيتعلم إن الكذب ملوش رجلين والصدق هو اللى بينجى
" والطيبه والشرف والشجاعه والكرم والحب والعطف والعفو والسماح "
:D
هما الصفات اللى المفروض يكون الإنسان متحلى بيهم
لكن للأسف لما بيكبر ويبص حوليه ويعرف الدنيا ماشيه إزى بيعرف
إن الطيبه بتتفهم ضعف والشرف مبيأكلش عيش والجبن سيد الأخلاق والكرم يبقى عبط والحب معبقاش موجود غير فى الروايات والمسلسلات والعطف والعفو والسماح صفات الناس الخايبه اللى مش بتقدر تجيب حقها

و
بيعرف إن الحياه ما هى إلا غابه البقاء فيها للأصلح والأقوى والضعيف فيها بيتسلخ وشه
وإن الزمن ماشى بمبدأ
معاك قرش تسوى قرش والرشوه والكوسه هى النظام
والصياعه والبلطجه وقله الأدب هى اللى بتاكل عيش مع خلق الله

يمكن أكون غلطان يمكن أكون ببص للجانب السىء بس
بس أنا فعلاً شايف الحياه كده
ده اللى إتعلمته بعد 19 سنه خدمه فى دنيا

إن الحق ملوش مكان فيها

بس فى الآخر أرجع وأقول
لينا رب كبير
وده اللى مصبرنى على الحياه