اجابة امتحان اللغة الفرنسية 2014 من مستر عياد

[ورده0]

الله يبشرك بالخير يا استاذنا المحترم جزاك الله خيرا وفعلا حضرتك صح الاثنين ينفعوا

[fort00]

الله يحميك يا مسيو عياااااااااااد عندي كله قفل كلمة interdit قدامي

[حودةبيه]

سؤال الى المسيو محمد عياد انا عاوز اجابة الشارع كان مسدود فعلا بس هل المطافى اعطت تعليمات صريحة فى الوثيقة للبنت انها ما تخرجشى العربية طب ماهى كانت ممكن تخرج العربية من الجراج وتوقفها قدامه مش شرط تخرج من الشارع يعنى .......... النقطة كلها ان هو بتكلم على خروج العربية من الجراج وليس من الشارع

[حودةبيه]

كما ان الاستحالة تأتى من شدة الصعوبة
ولو هى ممنوع طب ما عادى انها تكسر القانون وتخرج بالعربية لكن لما تكون صعبة بالنسبه لها انها تفعل الشئ ولا هينفعها كسر المنع أولا لان الشى صعب ان هى تعمله اصلا

[mr tawfik joe]

لما بيكون فى اشغالات فى الشارع بنقول صعب اخرج بالسيارة مش بقول ممنوع الخروج بالسيارة المنع اما بقانون او بامر دينى حسب القواميس ما بتعرف كلمة interdit

[mr tawfik joe]

لما بيكون فى اشغالات فى الشارع بنقول صعب اخرج بالسيارة مش بقول ممنوع الخروج بالسيارة المنع اما بقانون او بامر دينى حسب القواميس ما بتعرف كلمة interdit

[fort00]

يا مسيو اتعلمت في النموذج difficle بس

احنا كدا ضعنا ولا ايه

[مسيو محمد عياد]

المشاركة الأصلية كتبت بواسطة حودةبيه

سؤال الى المسيو محمد عياد انا عاوز اجابة الشارع كان مسدود فعلا بس هل المطافى اعطت تعليمات صريحة فى الوثيقة للبنت انها ما تخرجشى العربية طب ماهى كانت ممكن تخرج العربية من الجراج وتوقفها قدامه مش شرط تخرج من الشارع يعنى .......... النقطة كلها ان هو بتكلم على خروج العربية من الجراج وليس من الشارع

لو على كلامك يا حودة بيه يبقى facile هي الاجابة الصحيحة لأن ممكن اطلع من الجراج بسهولة وأقف بالعربية اتفرج عالسد اللي عاملينه

المشاركة الأصلية كتبت بواسطة fort00

يا مسيو اتعلمت في النموذج difficle بس

احنا كدا ضعنا ولا ايه

معلش يا معلم هارد لك ... السيارة طلع ممكن تركبلها جناحات وتعدي السد اللي عاملينه يعني ما كانوش مانعين خروج السيارات ولا حاجة

كانوا سدين الشارع علشان الناس بس هي اللي متعديش لكن السيارات ممكن تعدي عادي (بس بصعوبة)

للأسف الجملة طلعت جملة قواعد مش جملة فهم في قطعة الفهم

مبروك لكل الطلبة اللي حتقفل الامتحان بسهولة مهما كان مستواهم

وحظ اوفر لكل الطلبة اللي فهمت ان "الاستحالة" و "سد الشارع" معناها "المنع" مش معناها "الصعوبة"

وطلعت Interdit مش خطأ مطبعي ولا حاجة
طلعت أذكي نقطة زي ما مسيو بهاء بيقول

[مسيو محمد عياد]

المشاركة الأصلية كتبت بواسطة mr tawfik joe

لما بيكون فى اشغالات فى الشارع بنقول صعب اخرج بالسيارة مش بقول ممنوع الخروج بالسيارة المنع اما بقانون او بامر دينى حسب القواميس ما بتعرف كلمة interdit

شكرا على تعليق حضرتك يا مسيو توفيق
ما كانش المفروض اصلا يحطنا في مقارنة مع مستحيل وممنوع وصعب لأنها كلها متشابهة

للأسف جملة بايخة وخطأ فني من اللي حط الامتحان ضيعت مجهود ناس كتير كانت متأكدة انها حتقفل الامتحان حتى لو اصعب من كدة بكتير