* .... بــــــــــطــــــولة يـنايـــر .... *

[لا للاستسلام]

السلام عليكم ورحمة الله وبركاته

كنت ماشي في الشوارع

رايح بيتي جمب الجامع

لاقيت ناس عمالة تهتف

صدى شجاعتها كان واسع


وسألتهم بتقولو ايه ؟؟

قالولي حلم حلمنا بيه

بس الغلط مش عليه

الغلط كان عاللي حواليه


قمت داخل معاهم

لاقيتني في ساعتي بصيت

ايه ده الوقت اتأخر !!!

ولما لاقيتني رجعت البيت

ولاقيت ماما بتقولي انت جيت ؟


ايه اللي جابك خليك في الشارع
قلتلها يا أمي مش دارية بالشوارع

لاقيت دمعها بيحضن خدها
ولاقيت دعاها يهز مصر بأرضها

وقالتلي يابني

وصية مني

افتكرها ...

لما اموت وتفتكرني


قالتلي كلمة وسؤال غريب

انت مصري ؟؟؟؟

قلتلها يا امي سؤال عجيب ؟؟

قالتلي رد عاليا .. مصري ؟

قلتلها ايوة يا امي واكره العيب


قالتلي العيب لوساكت ده يبقى عار

العيب لو ترفض الاستقرار

العيب لو تضعف قدام فلوس

والشيطان لا ليه قرين ولا جار


العيب لو حد ايده اتمدت

على امك وانت تسكت

العيب لو كلمة عدت

على بلدك وانت تكبت


روح يابني بس اعرف

عبر عن رأيك بس اهتف

هتاف له معنى مش تخرب

بلدك امانة ونسر يرفرف

من علا كرامتها مش بيقرب


روح يابني ماتبقاش حاير

بين حق عصفوره كان طاير

بس اختفى من صقر اكله

لكن .. هيرجع ببطولة يناير