مفيش حاجه اسمها تعيين من غير امتحان كادر

[abou-yousef]

الكلام ده من الناس المقربين لوكيل الوزاره
مفيش حاجه اسمها تعيين من غير امتحان كادر
طيب و القرار الوزارى رقم 75 قالى يبلوه و يشربو ميته
مفيش حاجه اسمها يتعين عشان مر عليه 3 سنين
لازم تربوى + icdl + امتحان الكادر
غير كده لا فيه تثبيت و لا اى زياده فى المرتب

[وليد غربية]

يا جماعه لازم تفهمو قرار 75 بيقول ايه دة الكلام الى طلع الوزير وقاله فى قناة الحياة
ان الناس الى مر عليهم ثلاث سنوات ويعملون بالمكافئة الشاملة او بالحصة يتم تثبتهم على معلم مساعد بالعقد المميز لمدة عام على ان يدخل بعد كدة امتحان الاكاديمية وبعد ذلك يعين

[جارةالوادى]

ياسيدى الفاضل وزير التربية والتعليم بنفسه فى حوار على قناة الحياة قال تثبيت يعنى عقد معلم مساعد ويصعدو بعد كدة من خلال الشروط الخاصة زى امتحان الكادر وخلافه الى درجات الكادر المختلفة ودرجات الكادر اللى بعد معلم مساعد

يعنى من اول معلم كدة وانت طالع تعنى تعيين ولكن على قانون الكادر بمعنى انك معين ولكن من خلال قانون خاص مختلف عن قانون العاملين بالدولة ودرجة معلم تناظر الدرجة الثالثة التخصصية فى قانون العاملين المدنيين بالدولة اما المرتب فيبقى على مربوط الدرجة 48 جنيه ثم تحصل على العلاوات التى تستحقها على اساس اقدميتك وبدل الاعتماد الجديد ليصل مرتبك بالنهاية الى 500 جنيه او اكثر قليلا يعنى مش هتفرق كتير عشان كدة بيقولك لاتغيير فى المرتبات وهذا فقط خاص بنا نحن المرقى والمعين على درجة معلم

[mr.yassour]

والله ما حد فاهم حاجة
يعنى ايه كل اللى بيشتغلوا فى الدولة يزيد مرتبهم ويبقى على الاقل 1200 جنيه واحنا شغل الذل والمرمطة والاهانة نقبض 340 جنيه
حسبنا الله ونعم الوكيل

[جارةالوادى]

ياسيدى الفاضل نخلص اجراءات التعيين الاول وباذن الله تعيين زى مانطمح اليه وربك يسهلها بعد كدة ومرتبك يزيد الحمد لله دى بارقة امل كبيرة جدا بالنسبة لنا وخطوة بخطوة الخير كله جاى فى الطريق

[بحراوية من دمنهور]

المشكلة يا جماعة ان فى بعض المتعاقدين لسة محصلشى على درجة معلم مساعد ولسة مستوفاش شروط التعيين زى التربوى والرخصة الدولية وطبعا مدخلوش امتحان الكادر وده يعتبر اهمال منهم واهدار لحقهم فى دخول امتحان الكادر 2009 وفى ايضا معلمين مساعدين من 2008 و مستوفوش ايضا الرخصة الدولية للكمبيوتر لغاية دلوقت ؟؟؟ يا ترى موقف الناس دى ايه ؟ لانهم كدة مش هينطبق عليهم قانون 53 او 74 او حتى 75 اللى لم ينفذ حتى الان ؟؟؟؟؟؟ انا فعلا معايا بعض المدرسين لهم نفس الظروف دى وهما خرجيين كليات تجارة و اداب تاريخ ؟؟ بجد كدة هما ظلمو نفسهم واتبطؤو فى انهم يستوفو الشروط دى ويبقالهم فرصة فى دخول الامتحان