|
||||||
| اجتماعيات طالب منتدى خاص بالطلاب لتبادل المعارف والحلول للمشكلات التعليمية والمسابقات والألغاز الهادفة |
 |
|
|
أدوات الموضوع | انواع عرض الموضوع |
|
#1
20-07-2010, 11:01 PM
|
|||
|
|||
يــارب حد يــقدر يــساعدنـي فيـ قـــراريـ
اولا السلام عليكم ورحمة الله وبركاته  انا اسمي علا في سنه تانيه ثانوي ورايحه تالته ان شاء الله وجبت في سنه تانيه 89.2 يعني 89٪ انا دلوقتي مش عارفه هل ادخل علمي علوم ولا علمي رياضه ؟؟؟ وعايزه اخد رأيكم انا نفسي ادخل حاسبات ومعلومات لو مش لحقت هندسه بس مش عارفه هل هقدر اني يكون متوسط السنتيين مع بعض من غير المستوى الرفيع 93٪  هنا في البيت بيقولوي كملي علمي علوم وادخل خاص يعني ادخل صيدله او علاج طبيعي بس انا مش حابه اووي وكمان انا حسه مش هبقى كويسه في الاحياء مش عارفه ياريت تقوليلي رأيكم ايه انا ان شاء الله ناويه اشد حيلي اكتر في تالته بس مش عارفه يعني انا بسمع ان رياضا اتنين ديه ممكن اجيب بسببها 70٪ يعني بيبقى الامتحان بتاعها صعب وكمان انا عندي مشكله في الفيزيا شويه لاني مش بدرس في مصر يعني بدرس بره وبجي امتحن هنا فالواحد محتار هل انه يتوكل على ربنا ويكمل علمي رياضه ويحاول ولا ادخل علمي علوم بحيث اني ادخل خاص بقى صيدله او حاجه   معلش طولت عليكم شويه بس ياريت بجد اي حد عنده وجهت نظر يقولي عشان انا عايزه اخد قراري عشان لو كده ابدأ اخد دروس في الرياضا  ارجو منكم الدعاء
|
|
#2
20-07-2010, 11:06 PM
|
|||
|
|||
ربنا يوفقك
ويحقق لك أمالك بس لازم التحدى مع النفس وربنا معاكى
__________________
الحمد لله
|
|
#5
20-07-2010, 11:56 PM
|
||||
|
||||
|
خلينا واقعيين احسن.
بص ياعلا................... انت فى تانية جبت89 مع العلم ان رياضةتانية ثانوى اسهل رياضة فى سنين التعليم.. خلينا واقعيين عندنا رياضة2 بعبع الثانوى وعندنافيزياء اللى انت مش كويسة فيها.... هتقوللى ياعم انت راجل معقد التنسيق هينزل علشان المجاميع وحشة السنة دى..جميل كل كلية بتحدد العدد اللى هيا عوزاه وطبعا عدد الطلبة اللى بيتقدموا كبير جدا فالكلية بتختار اعلى المجاميع المقدمة لديها فحتى لو التنسيق نزل مش هينزل اكتر من 1%لان عدد الطلبة دايما اكبر بكتير من حاجة الكليات.....وبعدين الحكومة عاوزة تملى الجامعات الخاصة فالتنسيق لو لو نزل مش هينزل زى ما فى دماغ ناس كتير...انا مهتم بمشكلتك لانها نفس مشكلة طالب عندى وجايب 89برده لكن انا قلتله يحول ادبى لان معندوش خيار اخر ....لكن انتى عندك امكانية انك تدخلى جامعة خاصة كويسة (رآى انك تكملى علمى علوم) _ والله انا مش بعقد الامور لكن الثانوية عاوزة عقل مش حماس نحسبها صح عشان نطلع منها على خير. _لكن مش معنى انك تكملى علمى علوم انك تتكلى على الجامعة الخاصة لا.لا الموضوع عاوز برده مذاكرة واجتهاد لنفسك مش لحد تانى . معذرة ان اطلت لكن اتمنى لك ولكل طالب التوفيق والسداد وتقبلى مرورى.
__________________
معلم اللغة العربية بمدارس المنصورة كولدج الدولية 
|
|
#7
21-07-2010, 01:06 PM
|
||||
|
||||
|
عشان توصلي 93 انتي محتاجة في تالتة 97 وده ربما يكون صعب نوعاً ما
ومادام انتي مش هاوية علمي علوم فبلاش احسن ولو مجموعك في الرياضة كان قليل وبما إنه الفيزيا مش كويسة فيها فزي ما قالك استاذ عبدالله ممكن تتجهي لأدبي فطبعاً المناهج في السعودية اقل مستوى من مصر وحتتعبي كتير في الرياضة والفيزيا
__________________
It was over 3 years since my last visit 
|
|
#8
21-07-2010, 03:51 PM
|
||||
|
||||
|
كملي علمي رياضه احسن ليكي
__________________
واجمل منك لم تراه قط عينا ... واطيب منك لم تلدا النساء
خلقت مبرءا من كل عيبا ... كأنك قد خلقت كما تشاء اللهم صلي وسلم وبارك عليك ياحبيبي يارسول الله <span class="emoji-outer emoji-sizer"><span class="emoji-inner" style="background: url(chrome-extension://immhpnclomdloikkpcefncmfgjbkojmh/emoji-data/sheet_apple_32.png);background-position:95.94594594594594% 48.00235017626322%;background-size:5418.75% 5418.75%" data-codepoints="2665-fe0f"></span></span>
|
|
#9
21-07-2010, 03:58 PM
|
||||
|
||||
|
انا شايفه يا علا انك تكملى ادبى
لانك حتى لو خلصتى من مشكله الرياضه مش هتخلصى من الفيزيا اللى مش بتحبيها فتوكلى على الله وكملى ادبى\ ومتحطيش فى دماغك موضوع الكليه الخاصه ده وبعدين ايه المشكله لما تكملى ادبى وتتفوقى فيه وتحققى مجموع كويس صلى كدا صلاه استخارة وربنا معاكى يا حبيبه قلبى
__________________
لا تضع كل أحلامك فى شخص واحد....ولا تجعل رحل عمرك وجه شخص تحبه مهما كانت صفاته...فليس الكون هو ما ترى عيناك 
|
|
#10
21-07-2010, 05:38 PM
|
|||
|
|||
|
الف مبروك على النتيجة
|
|
#11
21-07-2010, 05:48 PM
|
|||
|
|||
diroooooooooooooooooooo
اقتباس:
الف مليون مبروك على النتيجة ومتزعليش دا نصيب بصى انا رايي تكملي ادبى لان طلبه ادبى مجاميعهم بتزيد اما العلمى صعب شويه علشان الفيزياء وبعدين 93 متدخلش حاجة فى علمى علوم ممكن تدخل هندسه بس رياضه 2 صعبه وبلاش تعتمدى على الخاص علشان حماسك يزيد ربنا يوفقك د:هدير
 طب بيطري
|
|
#12
21-07-2010, 05:50 PM
|
|||
|
|||
|
الف مبروك على النتيجة
|
|
#13
21-07-2010, 06:43 PM
|
|||
|
|||
|
شوفي ياروحي
انا هكلمك ع صاحبتي وهي كانت جايبة 90 في الميه وطبعا كان نفسها تدخل صيدلية بس مكنتش هتلحق وهي عارفة كدا المهم قالت هحول ادبي في بيتهم قالوا لا خليكي علمي رياضة وهي اصلا مش بتحبه ونقصت جامد في 3ث وجابت مجموع مدمر ام صاحبتي الثانية كانت علمي بردو وكانت 94 وكانت هتكمل علمي علوم بس اخدت درس فيزيا لقيته صعب ومش هتمشي فيه قررت تحول ادبي وجابت 98 في الميه وهي دخلت ألسن أنا بجد مش بعقدك بس لازم تحكمي عقلك فيه كليات جامدة وجميلة في أدبي بس لو انت واثقة في نفسك انك مش هتسيبي الكتاب من ايدك في 3ث قي علمي رياضة ادخلي وكملي ام لو انت شاكة مش تجازفي لو دخلتي أدبي وحبيته بجد صدقيني هتجيبي مجموع متميز وتدخلي كليه قمة ... القرار في ايدك في الأول والآخر انت اللي عارفة نفسك بالتوفيق
__________________
والحب له قوانين آخري..!
|
|
#14
21-07-2010, 06:52 PM
|
|||
|
|||
|
[QUOTE]خلينا واقعيين احسن.
بص ياعلا................... انت فى تانية جبت89 مع العلم ان رياضةتانية ثانوى اسهل رياضة فى سنين التعليم.. خلينا واقعيين عندنا رياضة2 بعبع الثانوى وعندنافيزياء اللى انت مش كويسة فيها.... هتقوللى ياعم انت راجل معقد التنسيق هينزل علشان المجاميع وحشة السنة دى..جميل كل كلية بتحدد العدد اللى هيا عوزاه وطبعا عدد الطلبة اللى بيتقدموا كبير جدا فالكلية بتختار اعلى المجاميع المقدمة لديها فحتى لو التنسيق نزل مش هينزل اكتر من 1%لان عدد الطلبة دايما اكبر بكتير من حاجة الكليات.....وبعدين الحكومة عاوزة تملى الجامعات الخاصة فالتنسيق لو لو نزل مش هينزل زى ما فى دماغ ناس كتير...انا مهتم بمشكلتك لانها نفس مشكلة طالب عندى وجايب 89برده لكن انا قلتله يحول ادبى لان معندوش خيار اخر ....لكن انتى عندك امكانية انك تدخلى جامعة خاصة كويسة (رآى انك تكملى علمى علوم) _ والله انا مش بعقد الامور لكن الثانوية عاوزة عقل مش حماس نحسبها صح عشان نطلع منها على خير. _لكن مش معنى انك تكملى علمى علوم انك تتكلى على الجامعة الخاصة لا.لا الموضوع عاوز برده مذاكرة واجتهاد لنفسك مش لحد تانى . معذرة ان اطلت لكن اتمنى لك ولكل طالب التوفيق والسداد وتقبلى مرورى. /QUOTE] اولا شكرا جدا على الاهتمام يا مستر عبد الله هو انا في الرياضيات مستوياه كويس والله وكمان كان في التفاضل مسائل في الامتحان محتاجه تفكير فكرت فيها والحمد لله جبتها وانا حته عمله تظلم في الرياضيات  واللي نزل مجموعي الكيميا عشان كان يعتبر بزاكرها لوحدي يعني والانجليزي برضه نزل مجموعي شويه انا حكاية علمي علوم ديه ساعات كتير بقول اتكل على الله واكمل علمي علوم بس برجع بقول انا اصلا مش بحب الاحياء وكمان انا مش عاوزه ابقى دكتوره مثلا او صيدلانيه مش عارفه والله بس يعني مهما عملت السنه الجايه حضرتك شايف ان مستحيل اوصل لحاسبات ومعلومات او هندسه ولا ايه؟؟ كمان اانا الفيزيا مش حكاية مش كويسه فيها انا بس عشان بدرس ببره يعني بدرس في السعوديه طول السنه وبجي امتحن هنا فهناك المدرسيين في الفيزيا او الكيميا مش كويسيين خالص يعني يعتبر بنزاكر لوحدنا وانا عمتا اعتقد اني بحب الفيزيا اكتر من الكيميا بس مش عارفه هينفع الواحد يسلك فيها لوحده وكده ولا ايه ومره تانيه شكرا على الرد بجد
|
|
#15
21-07-2010, 06:58 PM
|
|||
|
|||
|
اقتباس:
بس انا ماليش دعوه بالمناهج في السعوديه اصلا لاني منهج مصري وحكاية علمي متأدب ديه بعيده شويه انا يعني علمي متأدب مافيهاش ولا كليه عايزاها كمان انا اقدر ادخل صيدله او طب اسنان خاص بس انا بقول لو اقدر اكمل علمي رياضه واجيب حسابات ومعلومات يبقى تمام اما لو مش هقدر يبقى ادخل علوم وادخل خاص انا بسأل على اساس اسمع ان رياضا2 ممكن تنزل الواحد اوووووي فمش عارفه يعني
|
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 10:13 PM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
