|
#2
22-07-2011, 10:44 PM
|
|||
|
|||
لو عندك اسئلة ممكن اجاوبك عليها ان شاء الله
|
|
#3
22-07-2011, 10:54 PM
|
|||
|
|||
|
اولا من ناحية الدراسة يعني بندرس مواد ايه ؟؟ معتمدة اكتر علي ايه ؟ فيزيا ولا رياضة ولا كيميا ؟؟
بالنسبة للبرمجة هل بندرس كل لغات البرمجة ؟؟ هل فيه شغل متوفر للقسم ده ؟؟! هل دراستها سهلة ؟! حفظ ولا فهم ... و ما الي ذلك ؟!
|
|
#4
22-07-2011, 11:08 PM
|
|||
|
|||
|
انا هتكلم على عين شمس
اعدادى بيكون الدراسة مواد مختلفة و ملهاش دعوة بحاسبات "كيميا فيزيا رياضة رسم هندسى..." علشان الناس تحدد عايزة تكمل فى قسم ايه و بيتصفى بيها العدد بعد كدا الكون التخصص كهربا بس اللايحة الجديدة هيكون تخصص حاسبات علطول ان شاء الله بس المواد مش هتفرق اوى طبعا فيه مواد لازم اى مهندس يدرسها زى الفيزيا و الرياضة و ال electronics و الميكانيكا و بندرس لغة برمجة واحدة هى ال C/C++ 3 و 4 بتكون كلها مواد حاسبات و الدراسة بتتقسم على 5 مجالات بناخدهم كلهم مش تخصص software hardware embedded control networks لغات البرمجة مش بتدرس بس احنا لحد دلوقتى استخدمنا 3 لغات احنا اللى نتعلمهم مع نفسنا علشان "عيب مهندسين و نعلمكم برمجة اتعلموا selfstudy " ممكن ندرس مادة ازاى نخلى الكود بتاعنا سريع او صغير او professional اكتر لكن كلغة نفسها لأ مع نفسنا الدراسة 90% فهم و 10% حفظ و سهلة للى يحبهااااا كمادة علمية فيه كليات تانية احسن مننا و حاسبات بيشتغلوا باديهم اكتر بس احنا بنتعود نسعى ورا المعلومة و اتعودنا نتعلم لوحدنا فلما التكنولوجيا تتغير مش هنواجه مشكلة و اى مجال جديد بنقدر بسهولة الحمدلله ندخل فيه الدكاترة دايما بيطلبوا مننا حاجات عالية جدا اكتر بكتير من اللى بندرسه علشان نتعلم و دا بيخلينا مطلوبين اوى فى الشغل اللى فى بكالريوس السنة دى ماشاء الله جالهم شغل و النتيجة لسة مطلعتش
|
|
#5
22-07-2011, 11:14 PM
|
|||
|
|||
|
ماشي انا عارفة نظام اعدادي وبعد كده تخصص
وانتوا بتدرسوا ازاي مع نفسكوا ؟ وهل انا ممكن ادرس لغة ++c مع نفسي في الاجازة ؟؟ والوظيفة بتتمثل في ايه ؟؟ وايه اللي ممكن اعمله في الاجازة او لحد ما اوصل سنة تانية عشان يكون عندي خبرة شوية في الحاسبات ؟؟
|
|
#7
22-07-2011, 11:24 PM
|
|||
|
|||
|
اه عادى احنا اتعلمنا C++ و java لوحدنا
فيه كتب و tutorials و فيديوهات عالنت دى مثلا شوية حاجات دكتور منزلهالنا نتسلى فى الاجازة :D http://www.mediafire.com/summeractivities211 طبعا اللى مبيعرفش او لسة متعودش يزاكر مع نفسه ممكن ياخد كورس فى الكلية او برا الكلية بس فى الكلية بتبقى مدعمة لكن اللى داخل حاسبات بياخد عالمزاكرة لوحده بسهووولة و بيبقى اسهله كتير انه لو عايز يتعلم اى حاجة يتعلمها مع نفسه الشغل بيكون فى نفس ال 5 مجالات اللى فوق الشركات المعروفة زى مايكروسوفت و mentor graphics و oracle و vodafone"IT" و valeo و شركات تانية كتير الشغل كتير الحمدلله بس اللى عايز يشتغل فى مكان محترم زى اللى كتبتهم لازم يتعب و يطور من نفسه و الدكاترة بيكونوا معرفينا اللى عايز يكمل فى كل مجال ايه لازم يتعلمه او يعرفه يعنى اللى هيكتفى بالدراسة لوحدها اكيد مش كفاية و دا فى اى كلية لازم الواحد يحدد هدفه و مشروع التخرج بردو بنتعلم فيه كتير جدا و على فكرة ياما ناس بعد ما دخلت الكلية غيرت اتجاها تمامااا و دخلت قسم مختلف لان للاسف ثانوية عامة مش بيعرفوا عن الكليات و اقسامها غير لما يدخلوها
|
|
#9
22-07-2011, 11:28 PM
|
|||
|
|||
|
البرنامج اللى هو ال compiler يعنى اللى يتكتب عليه الكود؟؟؟
فيه visual studio دا اشهر حاجة و فيه برامج خفيفة زى devC++ الفرق بينهم مش كبير فى الاوامر بس ال C++ فيها حاجة اسمها object oriented دا concept عندنا ليه فوايد كتير جدااااااااااا بس ال C هو اللى بيستخدم فى مجال ال embedded اللى هو البرمجة بس مش فى كمبيوتر زى العربيات و الغسالات و كل حاجة فى البيت تقريبا من الاخر كل لغة فيها فروقات مخلياها احسن فى مجال معين
|
|
#10
22-07-2011, 11:30 PM
|
|||
|
|||
|
نزلى كتب for dummies
السلسلة دى سهلة و معمولة للمبتداين و كدا كدا فى اعدادى بياخدوا برمجة على خفيف فلو استنيتى يبقى احسن علشان صعب تبتدى لوحدك من اولها كدا و فيه وقت كبير ان شاء الله الشغل فى ايد ربنا و نفس الدفعة فيها اللى بيشتغل فى شركة كبيرة ب 15 الف و فيها اللى مبيلاقيش شغل
|
|
#11
22-07-2011, 11:37 PM
|
|||
|
|||
|
بس انا بسمع ان فيه ناس عندهم خبرة كبيرة في البرمجة وهما في ثانوية عامة
ومعلش سؤال اخير انا نزلت الفيجول بيسك اكسبرس 2008 بجرب يعني بس كل الكتب اللي بنزلها بتبقي حاطة امثلة وحاطة كود البرنامج وبس طب انا عايزة كتاب يعلمني كيفية كتابة الكود نفسه مش نقل وخلاص !! متعرفيش اي كتاب ؟؟؟ ---------- ان شاء الله ربنا يدي كل واحد علي قد تعبه
|
|
#12
23-07-2011, 11:22 AM
|
|||
|
|||
|
و فيه ناس متميزة فى البرمجة من و هما فى اعدادى كمان بس دا مش بيفرق فى الكلية و مش هيفرق فى الشغل غير لو هتشتغلى فى البرمجة و قليلين اوى اللى بيشتغلوا فى البرمجة من هندسة لان بعد كل الدراسة دى محدش بيروح يشتغل فى البرمجة اللى حاسبات بينافسونا فيها
منا علشان كدا بقولك استنى لما تبتدى فى اعدادى ان شاء الله هتعرفى البدايات و حتى لما تشوفى برامج بعد كدا هتستفيدى منها و تفهمى ايه الجديد فيها
|
|
#14
23-07-2011, 12:58 PM
|
||||
|
||||
|
مش كل الكليات شغالة بنفس النظام
يعني مثلاً عندنا هندسة اسيوط تخصص كهربا بناخد لغة c++ اول سنة في القسم دي عامة على جميع الشعب وداخل شعبة حاسبات بياخدوا السي شارب واعتقد بياخدو بردو لغة او اتنين تاني وبناخد نوميريكال في تانية او كان مات لاب من بتاع سنتين بس ده ملوش علاقة بالبرمجة اوي يعني بس هو اصلاً تخصص الهاردوير مش السوفت وير اما حوار نتعلمها لوحدها فعادي في كورسات كتير في كل المجالات للى عايز لكل اللغات
__________________
It was over 3 years since my last visit 
|
|
#15
23-07-2011, 01:04 PM
|
||||
|
||||
|
اقتباس:
سواء التكاملات سواء في الجبر محددات ومصفوفات وكدا اما الفيزيا معتقدش فيها كتير غير الاساسيات بتاعت الكهربية مثلاً وقوانين الحركة والطاقة وما إلى ذلك الكيميا مش لازم تكوني فاكرة منها حاجة
__________________
It was over 3 years since my last visit
|
 |
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 01:52 PM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
