أفيقوا يا معلمي قرار 75 بمحافظة قنا
في اتصال هاتفي بمدير شئون العاملين بقنا علمنا انهم غير قادرين على تنفيذ القرار رقم 75 وبيقولوا الحمد لله اننا ساكتين وكل شويه يهدونا بحاجه زي اوامر الندب زي اسماء تنزل وهما مش راضيين ينفذوا القرار ويقولوا نجيبلكم درجات منين وآخر كلام قاله ان الكل هيتعمله عقد وينتظر 3 سنين لحد ما يمتحن الكادر ازاي معانا قرار وزاري بالتثبيت وناخد عقد مميز ونستنى 3 سنين ويضيع عمرنا من تاني
والله يا اخوانا الراجل بيقول الحمد لله ان العمليه هاديه ومحدش ضاغط علينا عشان احنا مش عارفين نعمل ايه فلازم الضغط عشان هما يضغطوا على الوزارة بيقول كنا مستنيين نشوف المحافظات التانية هتعمل ايه لازم وقفه تكون جاده تخليهم يلجأو للوزارة ويتحل الموضوع ان شاء الله ويثبتونا زي ما محافظة المنيا عملت وزي ما كتير من المحافظات حصل فيها كده عاوزين نعمل وقفه جاده يوم الاربعاء القادم أما مبنى المحافظة ومديرية التربية والتعليم وكل واحد يبلغ أكبر عدد أنا و 100 واحد معاي منتظرين مشاركتكم يوم الاربعاء أمام المديرية بقنا وربنا يوفقنا وناخد حقنا
|